Génesis 31:12 - DIOSPA QHELQACHISQ

¹² Chantá niwarqa: Allinta qhaway, rikunki chinakunawan tinkoj muchukunaqa alqakuna, sanikuna, ch'ejchikuna kasqankuta, imaraykuchus Labán imatachus ruwasusqanta noqa yachani.

Qheshwa Biblia DC

¹² Chay angelqa niwarqa: Allinta qhawariy, rikunki tukuy orqos kajkuna, chinasman lloq'ajkuna alqas, sañis, ch'ejchis ima kanku. Noqa rikuni imaynatachus Labán ruwasusqanta.

DIOSPA QHELQACHISQAN DEUTEROCANONICAL

¹² Chantá niwarqa: Allinta qhaway, rikunki chinakunawan tinkoj muchukunaqa alqakuna, sanikuna, ch'ejchikuna kasqankuta, imaraykuchus Labán imatachus ruwasusqanta noqa yachani.

Génesis 31:12 ပူးပေါင်းရင်းမြစ်များ

Génesis 31:10

Uj kuti, uywakuna q'oñirinanku tiempopi mosqokuspa, rikorqani chinakunawan tinkoj muchukunaqa ch'ejchi, sani, chantá alqa kasqankuta.

Génesis 31:42

Jinaqa, sichus Abrahampata Diosnin, tatay Isaacpa yupaychasqan Diosnin mana noqawanchu kanman karqa chayqa, mana imayojta kachapuwankiman karqa. Chaywanpis Diosmin ñak'arisqayta, qanrayku tukuy ruwasqayta ima rikorqa. Chayraykumin ch'isi k'amerqasunki, nispa.

Salmos 10:14

Qanqa phiñakunapaj jina mana allin ruwasqankuta rikorqanki, imatachus ruwasqankuman jinataj pagonkuta qopunki. Mana kutichikuyta atejkuna qanllapi atinikusunku. Qanllamin wajcha wawakunata yanapajqa kanki.

Salmos 12:5

5 (6) Tata Diosrí kay jinata kutichispa nin: Millayta ruwajkunaqa wajchakunata, pisi kallpayojkunata ima ñak'arichinku, waqachinkutaj. Chayrayku kunan sayarispa, noqaqa ñak'arichisqa runakunaj suyasqankuman jina paykunata yanapasaj, nispa.

Salmos 139:3

Qanqa imaynatachus purisqayta, samarikusqaytapis qhawashawanki, tukuy imata ruwasqaytapis yachallankitaj.

Éxodo 3:7

Chantá Tata Dios nillarqataj: Noqa Egipto suyupi israelitakuna sonqo nanayta ñak'arishasqankuta rikuni. Jilaqatakuna jasut'ispa, imaynatachus waqachisqankutapis uyarini. Imaynatachus llakikushasqankuta yachallanitaj.

Éxodo 3:9

Noqaqa israelitakunaj qhaparikusqankuta uyarini, chantá rikullanitaj Egipto llajtayojkuna paykunata maytapuni ñak'arichisqankuta.

Eclesiastés 5:8

8 (7) Ichapis may llajtapi wajchakunata ñak'arichejta rikunki, cheqan kajtapis manakajman tukuchejta rikullankitaj. Chayta rikuspa, ama t'ukuychu. Uj kamachejtaqa uj kuraj kaj pakan, paytataj uj astawan kuraj kajñataj pakan. Paykunaj ruwasqankutapis astawan kuraj kaj pakashallantaj.

Levítico 19:13

Ama runa masiykichejta waqachinkichejchu, nitaj imantapis qhechunkichejchu. Amallataj peonniykichejpa pagonta q'ayantinkama jap'ikunkichejchu.

Hechos 7:34

Noqa rikuni Egiptopi imaynatachus israelita aylluy ñak'arishasqankuta, sonqo nanayta ayqosqankuta ima uyarillanitaj. Chayrayku urayk'amuni chaymanta paykunata kacharichinaypaj. Kunanqa oqharikuy ari, Egiptoman kachasunaypaj, nispa.

Efesios 6:9

Qankunapis patronkuna, kikillantataj wata runaykichejta allinta qhawaychej. Ama paykunata manchaykuchispa imatapis ruwaychejchu. Manachayqa yuyarikuychej paykunajtapis qankunajtapis Dueñoykichejqa janaj pachapi kasqanta, paytaj tukuyta uj ñawillawan qhawan.

Deuteronomio 24:15

Chay kikin p'unchaypacha, manaraj inti chinkaykushajtin, ruwasqanmanta pagapunkichej. Payqa pisi tiyapuyniyoj runa, kawsananpaj chay qolqeta necesitan. Manachus jinata ruwankichej chayqa, chay runa contraykita Tata Diosman qhaparikonqa, qankunataj juchachasqa kankichej.