Génesis 3:15 - DIOSPA QHELQACHISQ

¹⁵ Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Qheshwa Biblia DC

¹⁵ Qantawan warmitawan chejninachisqaykichej. Jinallataj mirayniykiwan mirayninwampis chejninakonqanku. Miraynin umaykita saronqa, qantaj chaki talonninmanta khaninki.

DIOSPA QHELQACHISQAN DEUTEROCANONICAL

¹⁵ Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Génesis 3:15 ပူးပေါင်းရင်းမြစ်များ

Génesis 49:17

Payqa ñan patapi katari jina kanqa. Caballokunaj chakinkuta khanispa, caballopi rejta wasaman urmachenqa.

Salmos 132:11

Tata Diosqa Davidman tiluspa, ujta nerqa, tilusqantataj mana p'akenqachu. Pay nerqa: Mirayniykimanta ujninta kamachinayki tiyanapi tiyachisaj.

Isaías 53:12

Chayrayku payta atiyniyojkunawan khuska jatunchasaj. Jinataj atipajkunaj t'inkankuta jap'enqa, pay kikin wañuyman jaywaykukusqanrayku. Payqa juchasapakunawan khuska yupasqa kanqa. Tukuypa juchankuta apanqa, paykunaraykutaj Diosmanta mañaponqa.

Isaías 7:14

Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Jeremías 31:22

Mayk'ajkamataj mana kasukoj sipas jina kayman jaqayman purinkiri? Noqa Tata Diosrí, kay pachapi mana jayk'aj rikusqaykichejta ruwani: Warmeqa qharita muyupayanqa, nispa.

Daniel (hebreo) 9:26

Chay sojta chunka iskayniyoj semana qhepata Diospaj Ajllasqan Kuraj Kamachejta wañuchenqanku. Chantá waj kuraj kamachej jamuspa, Jerusalén llajtata, jinallataj Templotapis soldadonkunawan thuñiykuchenqa. Tukuy imaj tukukuynenqa jatun mayu jina ujllata chayamonqa. Chay tukukuykamarí Dios kamachisqanman jina maqanakuy, llakiykuna ima kallanqapuni.

Amós 9:3

Carmelo orqomanpis pakakamuchunku, chaymanpis mask'aj risaj. Mama qochaj sonqonman pakakamonqanku chaypis, mama qocha ukhupi kawsaj katarita kachaykusaj paykunata khaninanpaj.

Miqueas 5:3

3 (2) Tata Diosqa ayllunta saqenqa awqanpa makinpi kajta, chay onqoj warmi wawanta paqarichikunankama. Chaypacha waj suyukunaman mana munashajta apasqa kajkuna Israel suyuman kutimponqanku.

San Mateo 1:23

Qharej mana chayasqan uj sipas wijsallikonqa, uj qhari wawatataj paqarichikonqa. Chay wawata Emanuel sutiwan sutichanqanku. Chay suti niyta munan: Diosqa noqanchejwan, nispa.

San Mateo 1:25

Chaywanpis Joseqa María warminwan mana puñuykorqachu, María wawanta paqarichikunankama. Josetaj chay wawata Jesús sutiwan suticharqa.

San Mateo 12:34

Qankuna venenoyoj katarikuna jina kankichej. Imaynatataj allin kajta parlawajchej, qankuna mana allin runakuna kashaspari? Imawanchus runaj sonqon junt'a kashan, chayman jina parlan.

San Mateo 13:38

Jallp'aqa kay pachawan ninakun. Sumaj mujutaj Diospa janaj pacha kamachiyninpi kajkuna kanku, cizañataj Kuraj Supayta kasojkuna.

San Mateo 23:33

Qankuna venenoyoj katari jina kankichej. Imaynatataj lawrashaj nina qochaman wijch'usqa kanaykichejmanta llusp'iyta yuyankichejri?

San Mateo 3:7

Ashkha fariseokuna, saduceokunawan ima Juan bautizasqanta rikoj jamullarqankutaj. Juantajrí paykunata rikuspa, nerqa: Katarikunaj miraynin, pitaj nisorqachej Diospa jamoj, k'araj phiñakuyninmanta ayqenaykichejtari?

Marcos 16:18

Paykuna makinkuwan katarikunata oqharenqanku, venenota ujyaspapis, mana imanakonqankuchu. Chantá onqosqakunata makinkuwan llankhajtinku, qhaliyanqanku, nispa.

San Lucas 1:76

Qanrí wawáy, Patapi Kaj Diospa sut'inchajnin sutichasqa kanki, imaraykuchus paypa ñawpaqenta rispa, ñanninta wakichinki.

San Lucas 10:19

Noqataj atiyta qoykichej katarikunata, atojsillokunatapis sarunaykichejpaj. Jinallataj awqaj tukuy kallpantapis atipankichej, manallataj imapis imanasonqachejchu.

San Lucas 22:53

Sapa p'unchay qankunawan Templopi kashajteyqa, mana jap'iwarqankichejchu. Chaywanpis kunanqa ruwanaykichej phani chayamun, jinallataj laqhayaypa atiynin kallpawan oqharikun, nispa.

San Lucas 24:27

Chay ratopacha Jesús sut'inchayta qallarerqa, Diospa Qhelqachisqanpi paymanta imatachus nisqanta, Moisespa qhelqasqanmanta qallarispa, Diosmanta tukuy sut'inchajkunaj qhelqasqankumantawan.

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

Hechos 13:10

Ya, llullaj atipasqan, tukuy millay ruwanawan junt'asqa runa, qanqa Kuraj Supaypa wawan kanki, tukuy allin kajpa awqantaj. Mayk'ajkamataj Diospa cheqan ñanninta q'ewinkiri?

Romanos 16:20

Mana unaymantachu sonqo tiyaykuyta qoj Diosqa Supay Satanasta chakiykichej uraman churanqa. Tukuyta Kamachej Jesucristonchej qhasilla k'acha yanapaynin qankunawan kachun.

Romanos 3:13

Siminkoqa kicharisqa covacha jina. Nisqankuwan runata q'otiyanku, parlasqankutaj katarej venenon jina.

Gálatas 4:4

Chantá señalasqan p'unchay chayamojtin, Diosqa Churinta kachamorqa. Payqa uj warmimanta paqarerqa, jinataj Moisespa kamachisqankunata kasuspa kawsarqa.

Efesios 4:8

Chayrayku Diospa Qhelqachisqanpi nin: Presochasqakunata paywan khuska apaspa, janaj pachaman wicharerqa, runakunamantaj ruwanapaj atiykunata qorqa, nispa.

Colosenses 2:15

Ajinata ruwaspa, supaykunaj kamachiyninkuta, atiyninkuta ima qhechorqa. Ajinamantataj paykunata Cristonejta cruzpi atipaspa, tukuypa rikunanta p'enqaypi rikhuricherqa.

Hebreos 2:18

Ajinamanta Cristo tukuy imapi juchallinaman tanqasqa kasqanrayku, yanapayta atin pikunachus juchallinaman tanqasqa kanchej, chaykunata.

Hebreos 5:7

Jesús kay pachallapiraj kawsashaspa, sinch'ita qhaparispa chantá waqaspa Diosmanta mañakorqa, pichus wañunanmanta kacharichinanpaj atiyniyoj karqa, chaymanta. Jinataj Diosta may jatun respetowan qhawaspa tukuy sonqo k'umuykusqanrayku Dios mañakusqanta uyarerqa.

1 Juan 3:10

Chayrayku pikunachus Diospa wawan kasqanku sut'i yachakun, pikunatajchus Kuraj Supaypata kasqankupis sut'illataj yachakun: Tukuy pichus mana cheqan kajta ruwaj, nitaj Jesucristota qhatej masintapis munakojqa mana Diospatachu.

1 Juan 3:8

Pichus juchallispallapuni purejrí Kuraj Supaypata kasqanta rejsichikushan, imaraykuchus Kuraj Supay qallariymantapacha juchallispallapuni purin. Chayrayku Diospa Churenqa Kuraj Supaypa ruwasqanta phirinanpaj jamorqa.

1 Juan 5:5

Pitaj Diosman mana kutirikojkuna yuyasqankuman kawsanata atipan? Pichus Jesusqa Diospa Churin kasqanta jap'ikojlla.

Apocalipsis 12:17

Chantá sierpeqa warmipaj mayta phiñakorqa. Chayrayku warmej mirayninmanta wakinkunawan maqanakoj rerqa. Paykuna Diospa kamachisqanta kasunku, Jesusmanta willaspataj sinch'ita sayanku.

Apocalipsis 13:7

Jinallataj Dios payta saqerqa Diospa ajllasqankunawan maqanakuspa, paykunata atipajta. Jinallataj kamachinanpaj atiyta qorqa tukuy aylluta, tukuy imaymana runata, waj parlayta parlajkunata, tukuy suyuta ima.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

Apocalipsis 20:10

Jinapi paykunata q'otiyaj, chay Kuraj Supayqa azufrewan lawrashaj nina qochaman wijch'uykusqa karqa, maypichus chay ñawpaj kaj sierpe, chantá llulla sut'inchaj ima kasharqanku, chayman. Chaypitaj paykuna tuta p'unchay, wiñaypa wiñayninkama ñak'arenqanku.