Génesis 29:2 - DIOSPA QHELQACHISQ

² Chaynejman chayaspataj, uj pujyuta rikorqa. Chay qayllapitaj kinsa tropa ovejata puñurashajta rikullarqataj, imaraykuchus chaymanta tukuy uywakunata yakuta ujyachej karqanku. Chay pujyoj siminrí jatun rumiwan kirpasqa kasharqa.

Qheshwa Biblia DC

² Chaynejpi rikorqa uj pujyuta, chay qayllaspitaj kinsa t'aqa ovejas puñurashajta, imaraykuchus chaymanta tukuy uywas yakuta ujyaj kanku. Chay pujyoj simintaj uj rumiwan kirpasqa karqa.

DIOSPA QHELQACHISQAN DEUTEROCANONICAL

² Chaynejman chayaspataj, uj pujyuta rikorqa. Chay qayllapitaj kinsa tropa ovejata puñurashajta rikullarqataj, imaraykuchus chaymanta tukuy uywakunata yakuta ujyachej karqanku. Chay pujyoj siminrí jatun rumiwan kirpasqa kasharqa.

Génesis 29:2 ပူးပေါင်းရင်းမြစ်များ

Génesis 24:10

Chantá patronninpa tiyapuyninmanta sumajninta ajllaspa, chunka camellokunaman chajnaykorqa. Jinaspataj, Mesopotamia cheqapi Najorpa llajtanman purirerqa.

Génesis 24:11

Kamacheqa unayta purispa, inti yaykushajtinña llajta kantuman chayarqa. Chantá camellokunata pujyu kantupi samaricherqa. Chay karqa warmikuna yakuta apamoj rinanku phanita.

Génesis 24:13

Noqa kay pujyu kantupi suyasaj, kay llajtayoj sipaskuna yakuman jamunankuta.

Génesis 29:3

Tukuy uywakunata tantaspa, michejkunaqa pujyupi rumita kirparaj kanku, uywaman yakuta ujyachinankupaj. Ujyachiytawantaj, kirpaykapullajtaj kanku.

Salmos 23:2

Q'omer pampapi michiwan, ujyanaypajtaj misk'i yakuman pusawan.

Isaías 49:10

Mana yarqhachikonqankuchu nitaj ch'akichikonqankuchu. Manataj ruphaypis paykunata sonqorparenqachu, nitaj intipis ruphanqachu, imaraykuchus paykunamanta khuyakojqa yaku juturiman paykunata pusanqa.

San Juan 4:14

Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

San Juan 4:6

Chaypitaj Jacobpa yaku pujyun karqa. Jesustaj sayk'usqa kaspa, chay pujyu qayllapi tiyarikorqa, chawpi p'unchay jinaña kashasqanrayku.

Apocalipsis 7:17

Kamachina tiyanapi tiyashaj Corderoqa paykunata michenqa, kawsayta qoj yaku juturinkunamantaj pusanqa. Diostaj paykunaj ñawinkumanta waqasqankuta pichanqa, nispa.

Jueces 5:11

Uyariychej, uywaman yaku ujyachina patapi platillota tocaspa takishanku, Tata Diospa atipasqanmanta, israelitakunata atipachisqanmantapis.