Génesis 28:20 - DIOSPA QHELQACHISQ

²⁰ Chantá Jacob tiluspa, ajinata Tata Diosta nerqa: Tata Dios, sichus noqawan kaspa, tukuy riyniypi waqaychawanki, jinallataj mikhunata, p'achatawan ima qowanki chayqa,

Qheshwa Biblia DC

^20-21 Chaypi Jacobqa nerqa imatachus ruwananta: Sichus Dios pusaykachashawan, kay purisqaypi waqaychashawan; mikhuchishawantaj, p'achachishawantaj; sitajchus allillanta kutipusaj tataypa wasinman chayqa, Señorqa noqaj Diosniy kanqa.

DIOSPA QHELQACHISQAN DEUTEROCANONICAL

²⁰ Chantá Jacob tiluspa, ajinata Tata Diosta nerqa: Tata Dios, sichus noqawan kaspa, tukuy riyniypi waqaychawanki, jinallataj mikhunata, p'achatawan ima qowanki chayqa,

Génesis 28:20 ပူးပေါင်းရင်းမြစ်များ

Génesis 28:15

Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

Génesis 31:13

Noqa kani, pichus Betelpi rikhurisorqa, chay Diosmin. Chaypi qanqa rumiman aceite jich'aspa chaynejta noqapaj t'aqarqanki, chantá noqapaj imatachus ruwanaykita niwarqanki. Kunanqa puririy, kay llajtamanta llojsispa, maypichus paqarerqanki, chay llajtaman kutipuy, nispa.

Génesis 35:3

Chantá Betelman risunchej, chaypitaj Diospaj uj altarta ruwasaj, imaraykuchus llakisqa purishajtiy, pay yanapawarqa, jinallataj maymanpis risqaypi payqa noqawanpuni karqa, nispa.

2 Samuel 15:8

Noqa kamachiykeqa Siria suyupi Gesur llajtapiraj tiyakushaspa, Tata Diosman nerqani, sichus pay Jerusalenman kutichimuwanman chayqa, noqa payta yupaychanayta, nispa.

1 Crónicas 4:10

Jabestaj israelitakunaj Diosninmanta kay jinata mañakorqa: Yanapaway, jatun jallp'ata qonawaykita mañakuyki. Mañakullaykitaj yanaparinawaykita, tukuy sajra kajmantataj waqaychanawaykita, ama imata ñak'arispa kawsakunaypaj, nispa. Diostaj imatachus mañakusqanta qorqa.

Salmos 116:14

Chantá tukuy ayllunpa rikunanta Tata Diosman imatachus nisqayta junt'asaj.

Salmos 116:18

Noqaqa tukuy ayllunpa rikunanta Tata Diosman imatachus nisqayta junt'asaj.

Salmos 119:106

Tiluspa nerqani, ujtawanpis nillanitaj cheqan nisqaykita noqa junt'anayta.

Salmos 132:2

Jacobpa Tukuy Atiyniyoj Tata Diosnin, Davidpa nisqanmanta yuyarikuy, tiluspa nisusqanmanta:

Salmos 22:25

25 (26) Noqaqa aylluykej jatun tantakuyninpi qanta yupaychasqayki, qanta jatun respetowan qhawasojkunaj ñawpaqenpitaj nisqayta junt'asajpuni.

Salmos 56:12

12 (13) Imatachus nisqayta junt'asajpuni, Diosníy. Pachis, pachis nispa qanta yupaychallasqaykipuni,

Salmos 61:5

5 (6) Qan, Diosníy, imatachus nisusqayta uyariwarqanki. Pikunachus qanta manchay jatun respetowan qhawasojkunaj chayaqenkutataj qowarqanki.

Salmos 61:8

8 (9) Ajinata noqa sutiykita wiñaypaj yupaychasaj, sapa p'unchaytaj nisqayta junt'asaj.

Salmos 66:13

Kunantaj noqa Temploykiman yaykuspa, uywa ñak'asqata q'olachispa jaywasqayki. Ajinata junt'asaj imatachus nisusqayta,

Salmos 76:11

11 (12) Qankuna Tata Diosniykichejman imatachus nisqaykichejta junt'aychej. Qankunapis, muyuyninpi kaj suyukuna, manchachikuna Diosman jaywanaykichejpaj t'inkata apamuychej,

Isaías 19:21

Chaypacha Tata Diosqa Egiptomanta runakunawan rejsichikonqa, paykunataj Tata Diosta rejsenqanku, yupaychanqanku ima, uywa ñak'asqata chantá ch'aki mikhuy jaywanata q'olachispa. Paykunaqa Tata Diosta munayninta ruwanankuta nenqanku, imatachus nisqankutataj junt'anqanku.

San Juan 1:16

Simi Nisqa sutiyojpa may chhika k'acha kayninwan Diosqa kutin kutinta may jinata saminchawanchej.

Hechos 18:18

Pabloqa unaytaraj Corintopi qhepakorqa. Chaymantataj wawqe panakunaman: Tinkunakama kachun nispa, Aquilawan, warmin Priscilawan khuska Cencrea llajtaman purirerqanku. Cencrea llajtapitaj Pabloqa umanta raphachikorqa, yachayta qonanpaj imatachus Diosman ruwasaj nisqanta junt'asqanmanta. Chantá boteman wicharerqanku Siria jap'iyman rinankupaj.

1 Timoteo 6:8

Chayrayku mikhunayoj, p'achayoj kaspaqa, chaywan sonqo junt'asqalla kakunanchej.

1 Samuel 1:11

Tata Diosmantaj ajinata nerqa: Tukuy Atiyniyoj Tata Dios, sichus qan kay llakiyniyta qhawariwaj, sitajchus noqa kamachiykimanta yuyarikuspa uj wawata qowankiman chayqa, noqa chay wawata mayk'ajkamachus kawsanqa chaykama qanpata kananpaj qopusqayki. Manataj jayk'ajpis chujchan ruthusqachu kanqa, nispa.

1 Samuel 1:28

Chayrayku noqapis kunanqa kay wawata Tata Diosman qopunaypaj pusamuni. Kawsanankamaqa Tata Diospata kachun, nispa. Chantá chaypi Tata Diosta yupaycharqanku.

1 Samuel 14:24

Chay p'unchaypi israelitakunaqa allin sayk'usqa kasharqanku. Mana pipis mikhunata llamillarqapischu, Saúl paykunata tiluchisqanrayku: Manaraj ch'isiyashajtin, manaraj awqaykunawan pagachikushajtiy, pillapis imata mikhojqa maldicisqa kachun, nispa.