Génesis 28:18 - DIOSPA QHELQACHISQ

¹⁸ Q'ayantin Jacob tutamanta jatarispa, maypichus sawnakorqa, chay rumita cheqanta sayaykucherqa. Chantá rumiman aceiteta jich'aspa, Diospaj t'aqarqa.

Qheshwa Biblia DC

¹⁸ Q'ayantintaj Jacobqa tutamanta jatarerqa. Saunakorqa chay rumita oqharispataj, cheqanta sayaykucherqa, aceitewantaj jich'aykorqa.

DIOSPA QHELQACHISQAN DEUTEROCANONICAL

¹⁸ Q'ayantin Jacob tutamanta jatarispa, maypichus sawnakorqa, chay rumita cheqanta sayaykucherqa. Chantá rumiman aceiteta jich'aspa, Diospaj t'aqarqa.

Génesis 28:18 ပူးပေါင်းရင်းမြစ်များ

Génesis 21:14

Q'ayantin tutamanta Abraham qoqawita, uj qara botapi yakutawan Agarman qorqa. Chantá Agarman q'epiriykuchispa, wawan Ismaeltawan qopuspa, kacharpayaporqa. Chaymanta Agar riporqa, Berseba sutiyoj ch'innejtataj kaynejta, jaqaynejta purerqa, mana mayman chayakuyta atispa.

Génesis 22:3

Jinapi Abraham q'ayantin tutamanta jatarispa, q'olachinapaj llant'ata burronman chajnaykorqa. Chantá iskay kamachinkunawan, churin Isaacwan ima rerqanku, maymanchus Dios rinankuta nerqa, chayman.

Génesis 28:11

Tutayaykushajtinña, uj cheqaman chayaspa, chaypi uj rumita sawnaykukuspa, puñorqa.

Génesis 31:13

Noqa kani, pichus Betelpi rikhurisorqa, chay Diosmin. Chaypi qanqa rumiman aceite jich'aspa chaynejta noqapaj t'aqarqanki, chantá noqapaj imatachus ruwanaykita niwarqanki. Kunanqa puririy, kay llajtamanta llojsispa, maypichus paqarerqanki, chay llajtaman kutipuy, nispa.

Génesis 31:45

Jinata nejtintaj, Jacobqa uj rumita oqharispa, sayacherqa.

Génesis 35:14

Jacobtaj, maynejpichus Dios paywan parlarqa, chaypi uj rumita oqharispa, sayacherqa. Rumita sayachisqanmantaj vinota jich'aykorqa, chantá aceitewan jawiykorqa.

Génesis 35:20

Chantá Jacobqa Raquelpa ayan p'ampasqa patapi rumikunata tawqarqa. Chay tawqasqa rumikuna, Raquel maypichus p'ampasqa karqa, chayta rikuchishan.

2 Samuel 18:18

Absalonqa kawsashaspallaraj, paymanta yuyarikunankupaj uj jatun sayantata rumimanta jatarichisqa “Kuraj Kamachejpa Vallen” nisqapi. Chay sayantamantaj sutinta churasqa, mana uj churillanpis sutinta apananpaj kasqanrayku. Kunankamataj chayqa sutichasqa kashan “Absalonpa Rumi Sayantan” nisqa.

Salmos 119:60

Mana tiempota pasachispa, usqhayllata kamachisqaykita junt'asaj.

Eclesiastés 9:10

Imatachus ruwanaykita tukuy sonqoykiwan ruway, imaraykuchus wañuspa maymanchus rinki, chay ukhu pachapeqa manaña ima ruwanapis, ni yuyanapis, ni yachanapis, nitaj yachaypis kanqañachu.

Isaías 19:19

Chaypacha kikin Egipto suyu chawpipi Tata Diospaj uj altar kanqa, chay jallp'aj mojonninpitaj Tata Diospa sutinpi uj rumita sayachenqanku.

Números 7:1

Moisés Dioswan Tinkukuna Toldota sayarichiyta tukuytawan, toldota, chantá tukuy imankunatawan aceitewan jawispa, Tata Diospaj t'aqarqa. Jinallataj altarta, chantá altarpi kaj imakunatawan ima aceitewan jawispa, Tata Diospaj t'aqallarqataj.

Josué 4:9

Jinallataj Josuepis waj chunka iskayniyoj rumikunata oqharispa, Jordán mayupi tawqallarqataj, Tata Diospa arcan lijrarisqa sacerdotekuna maynejpichus sayarqanku, chaypi. Chay tawqasqa rumikunataj kunankama chaypi kashallanrajpuni.

1 Samuel 7:12

Chaymanta Samuelqa uj jatun rumita oqharispa, Mispá llajtawan Sen llajtawan tinkuypi churarqa. Chantá chay cheqata “Ebenezer”, nispa suticharqa. Chay niyta munan: “Kaykama Tata Dios yanapawarqanchej”, nispa.