Génesis 28:13 - DIOSPA QHELQACHISQ

¹³ Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Qheshwa Biblia DC

¹³ Jinallataj paypa ñaupaqempi Señor sayashajta, payman nishajta: Noqa kani Señor, abueloyki Abrahampa Diosnin, tatayki Isaacpatawan. Qanman mirayniykimanwan qosqayki kay jallp'ata, maypichus puñushanki chayta.

DIOSPA QHELQACHISQAN DEUTEROCANONICAL

¹³ Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Génesis 28:13 ပူးပေါင်းရင်းမြစ်များ

Génesis 12:7

Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Génesis 13:15

Noqaqa tukuy rikusqayki jallp'ata qosqayki. Chay jallp'ataj qanpaj, jinataj mirayniykipajpis wiñaypaj kanqa.

Génesis 13:17

Qan purispa, wichaynejta uranejta kay jallp'ata muyumuy, imaraykuchus noqa kay jallp'ata qanman qosqayki, nispa.

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 26:3

Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Génesis 28:4

Tata Dios Abrahamta saminchasqanta qanman, chantá mirayniykiman ima qosuchun. Ajinamanta maypichus waj llajtayoj jina tiyakushanchej, kay jallp'amanta dueño kanki, mayqentachus Dios Abrahamman qonanta nerqa, chaymanta nispa.

Génesis 31:13

Noqa kani, pichus Betelpi rikhurisorqa, chay Diosmin. Chaypi qanqa rumiman aceite jich'aspa chaynejta noqapaj t'aqarqanki, chantá noqapaj imatachus ruwanaykita niwarqanki. Kunanqa puririy, kay llajtamanta llojsispa, maypichus paqarerqanki, chay llajtaman kutipuy, nispa.

Génesis 31:42

Jinaqa, sichus Abrahampata Diosnin, tatay Isaacpa yupaychasqan Diosnin mana noqawanchu kanman karqa chayqa, mana imayojta kachapuwankiman karqa. Chaywanpis Diosmin ñak'arisqayta, qanrayku tukuy ruwasqayta ima rikorqa. Chayraykumin ch'isi k'amerqasunki, nispa.

Génesis 31:5

Chayajtinkutaj, nerqa: Reparani tataykichejqa manaña ñawpajta jinachu qhawawasqanta. Chaywanpis tataypa Diosnenqa noqata yanapashawan.

Génesis 31:53

Jatun tatayki Abrahampata Diosnin, jatun tatayki Najorpatawan Diosnin justiciata ruwawasunchej, nispa. Chaymanta Jacobqa, tatan Isaac pi Diostachus yupaycharqa, chay Diospa sutinpi tilorqa.

Génesis 32:10

10 (11) Tata Dios, noqaqa mana yanapanawaykipaj jinachu kani, nillataj k'acha kayniykiwan qhawanawaykipaj jinachu. Noqaqa Jordán mayuta ni imayoj, varay oqharisqalla chimpamorqani, kunanrí iskay jarayojña kapuni.

Génesis 32:9

9 (10) Chantá Jacobqa Diosmanta mañakorqa: Jatun tatay Abrahampata, chantá tatay Isaacpatawan Tata Diosnin, qan niwarqanki llajtaypi aylluyman kutipunayta. Nillawarqankitaj allin rinawanpaj yanapanawaykita.

Génesis 35:1

Chaymanta Diosqa Jacobta nerqa: Betelman tiyakoj ripuy. Wawqeyki Esaumanta ayqeshajtiyki maypichus noqa rikhurerqayki, chaypi noqapaj uj altarta ruwanki, nispa.

Génesis 35:12

Noqaqa Abrahamman, Isaacmanwan qosqay jallp'ata qanman qollaykitaj. Jinataj mirayniykimanpis chay jallp'ata qosaj, nispa.

Génesis 35:15

Jacob chay cheqatataj “Betel” nispa suticharqa.

Génesis 35:17

Mana paqarichikuyta atispa ñak'arishajtintaj, partera nerqa: Ama manchachikuychu, wawaykeqa qharisitumin, nispa.

Génesis 46:3

Chantá Dios payta nerqa: Noqa Dios kani, tataykej Diosnin. Egiptoman riyta ama manchachikuychu. Chaypi mirayniykita mirachispa, noqa ashkha runayoj jatun suyuman tukuchisqayki.

Génesis 48:3

Chantá Jacobqa Joseta nerqa: Tukuy Atiyniyoj Diosqa Canaanpi, Luz llajtapi rikhuriwaspa, saminchawarqa.

1 Crónicas 16:16

Abrahamwan trato ruwasqanta mana qonqanqachu, Isaacman tilusqantapis nillataj qonqaponqachu.

1 Crónicas 16:18

Chantá nerqa: Canaán jallp'ata qanman qosqayki, chayaqeyki kananpaj, nispa.

Salmos 105:11

Chaypacha Tata Dios nerqa: Chayaqeyki kananpaj Canaán jallp'ata qosqayki, nispa.

Éxodo 2:24

Chantá israelitakunaj ayqospa qhaparikusqankuta uyarispa, Dios yuyarikorqa Abrahamwan, Isaacwan, Jacobwan ima tratota ruwasqanmanta.

Éxodo 3:6

Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

Éxodo 4:5

Tata Diostaj nillarqapuni: Chayta rikuspa, paykuna yachanqanku ñawpa tataykichejkunaj Tata Diosnin, Abrahampata, Isaacpata, chantá Jacobpata ima, qanman rikhurisqayta, nispa.

Éxodo 6:4

Chantapis, paykunawan uj tratota ruwarqani, Canaán suyuta qonaypaj. Paykunarí chay suyupi waj llajtayoj jina tiyakorqanku.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Ezequiel 28:25

Tukuyta Kamachej Tata Dios nillantaj: Maypachachus tukuy suyukunaman ch'eqerachisqamanta Israel aylluyta tantaykamusaj chaypacha, chay suyukunaj rikunankuta may llimphu kaj Dios kasqayta rejsichikusaj. Israelitakunataj kikin suyunkupi tiyakonqanku, mayqentachus kamachiy Jacobman qorqani, chaypi.

Amós 7:7

Tata Dios kaytapis rikuchillawarqataj: Tukuyta Kamachej Diosqa perqa qayllapi kashasqa, makinpitaj plomadata jap'ishasqa.

San Mateo 22:32

Noqa Abrahampa Diosnin kani, Isaacpata, Jacobpata ima, nispa. Diosqa mana wañusqakunaj Diosninkuchu, manachayqa kawsajkunajta, nispa.

Hechos 7:5

Diosqa kay cheqapi mana Abrahamman chayaqeta jina qorqachu ni chaki sarunan chhikallantapis. Chaywanpis Diosqa kay cheqata Abrahammanpuni qonanta nerqa paypata kananpaj, wañupojtinpis mirayninpaj qhepakunanpaj. Chayta Dios nishajtintaj, manaraj Abrahampata ni uj wawanpis karqachu.

Deuteronomio 1:8

Noqa chay suyukunata qankunaman qoykichej. Chayrayku chayman rispa, chay jallp'ata jap'ej yaykuychej. Chay jallp'ata noqa Tata Dios ñawpa tataykichej Abrahamman, Isaacman, Jacobman, jinallataj mirayninkuman ima tiluspa qonayta nerqani, nispa.

Deuteronomio 34:4

Chantá Tata Diosqa Moisesta nerqa: Abrahamman, Isaacman, Jacobman, chantá mirayninman ima tiluspa qonayta nerqani, chay suyoqa kaymin. Noqa chay jallp'ata qan kikin ñawiykiwan rikunaykita munarqani. Chaywanpis mana chaymanqa yaykunkichu, nispa.

Deuteronomio 9:5

Mana sumaj runa kasqaykichejraykuchu, nitaj cheqan kajta ruwasqaykichejraykuchu paykunaj jallp'ankuta jap'inkichej. Tata Dios ñawpaqeykichejmanta paykunata qharqonqa millayta ruwaspa kawsasqankurayku. Chantá ñawpa tataykichej Abrahamman, Isaacman, Jacobman ima nisqanta junt'anqa.

Hebreos 11:16

Chaywanpis, paykuna aswan sumaj llajtata moq'erisharqanku, mayqenchus janaj pachapi kashan, chayta. Chayrayku Diosqa paykunaj Diosninku kayta mana p'enqakunchu, imaraykuchus paykunapaj uj llajtata wakichipunña.