Génesis 28:12 - DIOSPA QHELQACHISQ

¹² Chantá puñushaspa, mosqokorqa, mosqokusqanpitaj uj escalerata rikorqa pampamanta janaj pachakama chayashajta. Pay rikullarqataj chay escaleranejta Diospa angelninkuna urayk'amushajta, wicharishajta ima.

Qheshwa Biblia DC

¹² Chaypi mosqokorqa, uj escalera pampamanta cielokama chayashajta, Diospa angelnintataj chayta uraykamushajta wicharishajtataj.

DIOSPA QHELQACHISQAN DEUTEROCANONICAL

¹² Chantá puñushaspa, mosqokorqa, mosqokusqanpitaj uj escalerata rikorqa pampamanta janaj pachakama chayashajta. Pay rikullarqataj chay escaleranejta Diospa angelninkuna urayk'amushajta, wicharishajta ima.

Génesis 28:12 ပူးပေါင်းရင်းမြစ်များ

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Génesis 15:12

Inti yaykuykushajtin, Abramqa sinch'ita puñurparerqa, chantá manchay laqhapi rikhurispa, manchachikorqa.

Génesis 20:3

Chaywanpis Dios chay ch'isipacha Abimelecman mosqoypi rikhurispa, nerqa: Kunan qan wañunki, imajtinchus pi warmitachus pusachimunki, chayqa qosayojmin, nispa.

Génesis 41:1

Iskay watanman jina, faraón mosqokorqa. Mosqoyninpitaj payqa Nilo mayu kantupi kashasqa.

1 Reyes 19:5

Chantá Eliasqa retama sach'a urapi winkuspa, puñurparerqa. Chaymantataj Tata Diospa uj angelnin chimpaykuspa, nerqa: Rijch'ariy, mikhuytaj, nispa.

2 Crónicas 16:9

Tata Diosqa tukuy kay pachata qhawamushan, tukuy sonqo payllapi atinikunku, chaykunata kallpachananpaj. Ben Adadwan trato ruwaspa wampu runa jina ruwanki. Chayrayku kunanmanta ñawpajmanqa maqanaku kallanqapuni, nispa.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Daniel (hebreo) 7:1

Babilonia suyupi kuraj kamachej Belsasar kamachiyta qallarisqan watapi, Daniel ujta mosqokorqa, chay mosqoypitaj tukuy imata rikorqa. Rijch'arispataj, mosqoypi jina rikusqanta qhelqarqa. Kaymin chay qhelqasqanqa:

Números 12:6

Tata Dios nerqa: Kay nisqayta allinta uyariwaychej: Qankuna ukhupi noqamanta sut'inchaj kajtenqa, noqa payman mosqoypi jina rikhurisaj, mosqoynejta ima parlasaj.

San Mateo 1:20

Joseqa Mariata saqerpayayta yuyashajtintaj, Diospa angelnin payman mosqoypi rikhurispa, nerqa: José, Davidpa ayllunmanta kaj, Mariawan casarakullay, amataj p'enqakuychu, imaraykuchus pay wijsallisqa kashan Santo Espíritoj atiyninnejta.

San Mateo 2:19

Aswan qhepaman Herodes wañusqanmantaña, Diospa angelnin Egiptopi mosqoypi Joseman watej rikhurerqa. Paytaj nerqa:

San Juan 1:51

Jesús nillarqataj: Kayta sut'ita niykichej: Kunanmanta ñawpajmanqa qankuna janaj pachata kicharisqata rikunkichej, Diospa angelninkunatataj Runaj Churinman urayk'amushajta, wicharishajtataj, nispa.

Hebreos 1:1

Ñawpa tiempopi Diosqa ñawpa tatanchejkunaman ashkha kutita sut'inchajkunanejta parlarqa tukuy imaymanamanta.

Hebreos 1:14

Aswanpis angelkunaqa Diospa munasqanta ruwanankupaj kashanku. Diostaj paykunata kachamun, pikunachus qhespichisqa kanata chayaqeta jina jap'enqanku, chaykunata yanapanankupaj.