Génesis 27:29 - DIOSPA QHELQACHISQ

²⁹ Tukuy imaymana rijch'aj runakuna kamachiykikuna kachunku. Waj suyukunamanta runakunataj ñawpaqeykipi qonqorikuchunku. Wawqeykikunatapis kamachillankitaj, mamaykej wawankunataj k'umuykamusuchunku. Maldicisojkuna maldicisqa kachunku, saminchasojkunatajrí saminchasqa kachunku, nispa.

Qheshwa Biblia DC

²⁹ Ashkha runas kamachisniyki kachunku, naciones ñaupaqeykipi qonqorikuchunku. Wauqesniykita kamachiy; mamaykej wawasnin qonqorikusuchunku. Maldicisojkunaqa maldicisqas kachunku, bendicisojkunataj bendicisqas kanqanku.

DIOSPA QHELQACHISQAN DEUTEROCANONICAL

²⁹ Tukuy imaymana rijch'aj runakuna kamachiykikuna kachunku. Waj suyukunamanta runakunataj ñawpaqeykipi qonqorikuchunku. Wawqeykikunatapis kamachillankitaj, mamaykej wawankunataj k'umuykamusuchunku. Maldicisojkuna maldicisqa kachunku, saminchasojkunatajrí saminchasqa kachunku, nispa.

Génesis 27:29 ပူးပေါင်းရင်းမြစ်များ

Génesis 12:3

Qanta saminchasojkunata noqa saminchasaj, qanta maldicisojkunatatajrí maldicillasajtaj. Jinallataj qannejta kay pachapi tukuy runata saminchasaj, nispa.

Génesis 25:33

Jacobtajrí kutin kutinta nerqa: Kunanpacha tiluy qopunawaykita, nispa. Esautaj yarqhaywan mana kayta atispa, kuraj churi kaspa jap'inanta Jacobman vendepunanta tilorqa.

Génesis 27:30

Jinapi Isaac churin Jacobta saminchayta tukojtinkama, Jacob tatanpa ñawpaqenmanta llojserqa. Jacob llojsejtinkamataj, Esaú jap'ej risqanmanta chayaykamorqa.

Génesis 27:37

Isaactaj Esauta kuticherqa: Pay qanta kamachisunanta niniña, chantá tukuy aylluyki paypa kamachinkuna kanqanku. Nillanitaj paypaj ashkha trigo, vino ima kananta. Jina chayqa, imatañataj qanman qoykiman, wawáy? nispa.

Génesis 27:40

Chantá espadaykiwan jark'akunki. Wawqeykej kamachin kanki. Chaywanpis aswan qhepanejman allinta kallpacharikuspa, wawqeykej makinmanta kacharichikunki, nispa.

Génesis 37:10

Chantá José imatachus mosqokusqanta tatanman, wawqenkunamanwan ima willajtin, tatan k'amerqa: Ajinata mosqokuspa, imatataj niyta munashankiri? Noqawan, mamaykiwan, wawqeykikunawan imachu, qanman k'umuykusqayku? nispa.

Génesis 37:7

Tukuyninchej chajrapi kashasqanchej, trigota marq'a marq'ata wataraspa. Ujllata noqaj marq'ay sayarispa, cheqanta sayasqa. Qankunaj marq'aykichejtaj noqaypaman muyuykuspa, k'umuykusqanku, nispa.

Génesis 9:27

Diosqa Jafetpa jap'iyninta astawan jatunchachun. Paytaj Sempa toldonpi tiyakuchun. Canaantajrí wata runan kachun, nispa.

1 Reyes 22:47

47 (48) Chaypacha Edompi mana kuraj kamachej karqachu, uj llajta kamachejlla karqa.

1 Reyes 4:21

21 (5.1)Salomontaj tukuynin waj suyukunatapis kamachillarqataj Éufrates mayumantapacha filisteokunaj suyunkukama. Mojonninkunapis Egipto chaykama karqa. Payman impuestota pagarqanku, kuraj kamachej Salomón kawsanankama kamachinpi karqanku.

1 Crónicas 5:2

Judaqa tukuynin wawqenkunamanta aswan atiyniyojman tukorqa, jinallataj paypa mirayninmanta uj kamachej llojserqa. Chaywanpis kuraj kaj churi jina imachus jap'inaqa Josejpatapuni karqa.

Salmos 72:8

Pay kamachichun ujnin mama qochamanta ujnin mama qochakama, Éufrates mayumantapachataj kay pachaj k'uchunkama.

Isaías 45:14

Chantá Tata Dios israelitakunaman nillantaj: Egipto suyumanta campo runakunata, Etiopiamanta ranqherokunata ima kamachinkichej. Jinallataj Sabá cheqamanta jatunkaray runakuna qankunaman k'umuykusonqanku, jinataj wata runaykichej kanqanku. Qhepaykichejta cadenawan watasqa jamonqanku. Ñawpaqeykichejman qonqoriykukuspataj, nisonqachej: Cheqapuni Diosqa qankuna ukhupi kashan, chay Diosmanta jawataj mana waj dios kanchu, nispa.

Isaías 49:23

Kuraj kamachejkuna uywaqeykikuna kanqanku, qoyakunapis ñuñuchisojkuna kanqanku. Paykunaqa pampakama ñawpaqeykipi k'umuykukonqanku. Chakiykipi jallp'a kajtapis qallunkuwan llajwanqanku. Ajinapi qan yachanki noqa Tata Dios kasqayta. Pikunachus noqapi atinikojkunaqa mana jayk'ajpis p'enqachisqachu kanqanku.

Isaías 49:7

Israelpa May Llimphu Kaj Diosnin, qhespichej Tata Dios kay jinata nin pisipaj qhawasqa kajman, waj llajtakunaj chejnikusqankuman, ñak'arichejkunaj wata runanman ima: Kuraj kamachejkuna, kurajkuna ima qanta rikususpa, sayarikonqanku. Qanman k'umuykukonqanku, Israelpa May Llimphu Kaj Diosnin Tata Diosrayku, pichus nisqanta junt'anpuni, pitajchus ajllakusorqa, payrayku, nispa.

Isaías 60:12

Mayqen suyuchá, chayrí ima llajtachá munasqaykita ruwayta mana munajqa chinkachisqa, ch'inyachisqataj kanqa.

Isaías 60:14

Chaypachallataj ñak'arichisojkunaj wawankoqa ñawpaqeykipi k'umuykonqanku, pisipaj qhawasojkunapis chakiykiman k'umuykamullanqankutaj. Paykuna sutichasonqanku “Tata Diospa Llajtan”, “Israelpa May Llimphu Kaj Diosninpa Sión Llajtan”, nispa.

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Números 23:8

Ima nispataj maldicisaj, pitachus Tata Dios mana maldicinchu, chaytari? Imaynatataj kay runakunata mana allin rinanta niymanri, sichus Dios mana munanchu chayri?

Números 24:18

Edomta jap'enqa, jinallataj Seirtapis. Israeltaj t'ukunapaj jina jatuchaj imakunata ruwanqa.

Números 24:9

Israel león jina awaytarin, china león jina winkurin. Pitaj sayarichej qayllaykunmanri? Israelitakunata saminchajkuna saminchasqallataj kachunku. Maldicejkunataj maldicisqallataj kachunku, nispa.

San Mateo 25:40

Kuraj Kamachejtaj paykunaman kutichenqa: Kayta sut'ita niykichej: Imatachus aswan pisipaj qhawasqa ujnin kaj wawqeypaj ruwarqankichej, chaytaqa noqapajmin ruwarqankichej, nispa.

San Mateo 25:45

Kuraj Kamachejtaj paykunaman kutichenqa: Sut'ita niykichej: Sichus aswan pisipaj qhawasqa ujnin kaj wawqeyta mana yanaparqankichejchu chayqa, nillataj noqatapis yanapawarqankichejchu, nispa.

Apocalipsis 19:16

P'achanpitaj, moqon patanejpitaj kay suti qhelqasqa karqa: Kamachejkunaj Kuraj Kamachejninku, Wiraqochikunaj Kamachejnintaj, nispa.