Génesis 27:28 - DIOSPA QHELQACHISQ

²⁸ Diosqa janajmanta parachimpusuchun, sumajta poqoj jallp'atataj qosuchun, ashkha trigota, ashkha vinotawan.

Qheshwa Biblia DC

²⁸ Dios qosuchun janaj pachamanta parata, jallp'api sumaj cosechasta, ashkha trigota, ashkha vinota.

DIOSPA QHELQACHISQAN DEUTEROCANONICAL

²⁸ Diosqa janajmanta parachimpusuchun, sumajta poqoj jallp'atataj qosuchun, ashkha trigota, ashkha vinotawan.

Génesis 27:28 ပူးပေါင်းရင်းမြစ်များ

Génesis 27:37

Isaactaj Esauta kuticherqa: Pay qanta kamachisunanta niniña, chantá tukuy aylluyki paypa kamachinkuna kanqanku. Nillanitaj paypaj ashkha trigo, vino ima kananta. Jina chayqa, imatañataj qanman qoykiman, wawáy? nispa.

Génesis 27:39

Chantá tatan Isaac nerqa: Qanqa sumajta poqoj jallp'amanta karupi tiyakunki, janajmanta urmamoj paramantapis.

Génesis 45:18

Chantá tataykichejta, aylluykichejtawan pusamuchunku. Noqataj Egiptomanta sumajnin kaj jallp'ata qosqaykichej, qankunataj kaypi poqosqanmanta sumajta mikhunkichej, nispa.

Génesis 49:20

Aserqa ashkha mikhuna patapi kanqa, kuraj kamachejkunaman sumaj mikhunata jaywanqa.

Génesis 49:25

Tataykej Diosnin qanta yanapasuchun. Jinallataj Tukuy Atiyniyoj Dios saminchasuchun janajpa saminchayninkunawan, ukhu mama qochaj saminchayninwan ima. Qanmanta rikhurej warmikuna ashkha wawayoj kachunku.

2 Samuel 1:21

Gilboa orqokunaqa amaña qankuna patamanqa parachunchu, nitaj chhullachunchu. Amañataj qankunapi imapis poqochunchu. Chaypi wapu soldadokunaj escudonku sarusqa karqa. Manaña Saulpa escudonpis lliphipinñachu.

1 Reyes 17:1

Diosmanta sut'inchaj Eliasqa Galaad jap'iypi Tisbé llajtayoj karqa. Uj kuti payqa kuraj kamachej Ajabta nimorqa: Israelpa Tata Diosninpa sutinpi, pejpa kamachinpichus noqa kashani, chaypa sutinpi niyki: Mana kay jamoj watakunapi paramonqachu nitaj chhullamonqachu, noqa ujtawan ninaykama, nispa.

1 Reyes 5:11

11 (25) Salomonpis Jiranpa kamachinan wasipi kajkunapaj mikhunata qorqa, 20.000 carga trigota, 4.400 litro sumajnin kaj olivo aceitetawan. Chay imakunata Salomonqa sapa wata Jiranman qoj.

2 Crónicas 2:10

10 (9) Sach'ata k'utojkuna mikhunankupaj apachimusaj 20.000 fanega trigota, 20.000 fanega cebadata, 440.000 litro vinota, 440.000 litro aceitetawan ima. Ajinata nispa Salomonqa Tiroj kuraj kamachejnin Jiranman cartata qhelqarqa.

Salmos 104:15

Vinota runaj sonqonta kusichinanpaj qonki, aceitetapis uyanta lliphipirichinanpaj, mikhunatataj kawsananpaj.

Salmos 133:3

Chay jina kawsakoyqa, imaynatachus Hermón orqoman chhullajtin, Sión orqokama chayan, ajina. Tata Diosqa k'achata kawsakojkunata saminchan, wiñay kawsaytataj qon.

Salmos 36:8

8 (9) Wasiykipi ashkha mikhunawan paykunata sajsachinki, misk'i yaku mayumantataj paykunata ujyachinki.

Proverbios 19:12

Sichus kuraj kamachej phiñakun chayqa, phiñasqa león jina qhaparin, k'acha kayninrí q'achu patapi chhulla jina.

Proverbios 3:20

Diosqa yachayninwan mama qochata t'aqarqa, phuyukunamantataj chhullachimorqa.

Isaías 45:8

Noqaqa janaj pachamanta justiciata parachimusaj. Phuyukuna, qankunapis cheqan kayta paramuychej. Jallp'apis kicharikuchun, chantá qhespichisqa kay p'utumuchun, justiciataj wiñachun. Noqa Tata Diosmin chaykunata ruwarqani.

Jeremías 14:22

Lantikunamanta mayqenpis parachimunmanchu? Janajmanta paraqa payllamantachu paramun? Mana, Diosniyku Tata Dios, qanllamin parachimojqa kanki. Qanllamin kay tukuy imata ruwanki. Chayrayku qanllapi atinikuspa suyakuyku, nispa.

Joel 2:19

Chantá paykunata nenqa: Noqa sajsanaykichejkama mikhunaykichejpaj qosqaykichej trigota, vinota, aceiteta ima, manataj saqesajchu noqata mana manchachikojkuna qankunamanta alqochakunankuta.

Miqueas 5:7

7 (6) Chaypacha Jacobpa ayllunmanta puchojkuna waj suyukunaj chawpinkupi kanqanku, Tata Diospa apachimusqan chhulla jina, chayrí imaynatachus qhora pataman paran, ajina. Parawan, chhullawan chayamun mana runaj munasqanman jinachu.

Zacarías 8:12

Paykuna ukhupi allinpi kawsakuy tarpusqa kanqa. Uva sach'akunapis poqonqanku, chajrata tarpusqankupis ima munayta poqorenqa. Parapis paramullanqapuni. Noqataj kutimoj israelitakunaman kay tukuy imata paykunajta kananpaj qosaj.

Zacarías 9:17

Suyunkoqa may sumaj, may munaymin kanqa. May chhika trigowan, vinowan kasqanrayku, waynakuna, sipaskuna ima kallpasapa wiñanqanku.

Números 13:20

Qhawallankichejtaj sumajta poqoj jallp'achus manachus kasqanta, sach'ayojchus manachus kasqantawan. Ama manchachikuychejchu, chay jallp'api imachus poqon, chaymantapis uj chhikata apamuychej, nispa. Chay karqa mishkha uva poqoykushajtin, chaypacha.

Números 18:12

Chantá israelitakuna ñawpajta poqochisqankumanta sapa wata noqa Tata Diosman jaywawasqankuta qanman qollaykitaj: Sumajnin kaj aceiteta, sumajnin kaj vinota, trigotawan ima.

Romanos 11:17

Wakin judiokuna olivo sach'aj thansan jina k'uturasqa karqanku. Qantaj k'ita olivo kashaspa, chay k'uturasqaman t'inkisqa karqanki, chaynejta sumaj olivoj saphinmanta waqayninwan chay waj judiokunawan khuska kallpachasqa kanaykipaj.

Deuteronomio 32:2

Yachachisqayqa para jina jich'akamonqa. Yuyasqayqa chhillchi jina urmamonqa, qhora patapi chhulla jina kanqa, ch'iki patapitaj yaku sut'oj jina.

Deuteronomio 33:13

Moisesqa Joséj ayllunkunamanta parlaspa, nerqa: Tata Diosqa janaj pachamanta sumaj parawan, jallp'a ukhumanta yaku jutumojwan ima jallp'anta saminchachun.

Deuteronomio 33:28

Israelqa ni imata manchachikusqa tiyakonqa, miraynintaj sonqo tiyaykusqa kawsaypi kawsakonqanku. Jallp'ankupeqa trigo, uva ima sumajta poqonqa. Parapis ni jayk'aj pisiyanqachu.

Deuteronomio 7:13

Qankunata munakusonqachej, yanapasonqachej, ashkhatataj mirachisonqachej. Ñawpa tataykichejkunaman tiluspa qonanta nerqa, chay jallp'api wawaykichejkunata saminchanqa. Jinallataj chajra oqharisqaykichejta, trigoykichejta, vinoykichejta, aceiteykichejta, waka uñaykichejta, oveja uñaykichejtapis saminchallanqataj.

Hebreos 11:20

Jinallataj Isaacqa Diospi atinikusqanrayku churinkuna Jacobta, chantá Esauta ima samincharqa, qhepanejman paykunawan imachus kananta sut'inchaspa.

Josué 5:6

Israelitakunaqa tawa chunka watata ch'innejta purerqanku. Chaypi Egiptomanta llojsimoj tukuy israelitakuna maqanakuman rinapaj jina llojsimojkuna wañupusqankuña. Chay qharikunaqa Tata Diosta mana kasusqankuchu. Chayrayku Tata Dios tiluspa, nisqa tatankuman qonanta nisqan jallp'ata mana rikunankuta. Chay jallp'a manchay sumaj jallp'a kasqanrayku lechewan chantá abeja misk'iwan yaku jina purishaj jallp'a karqa, nispa.