Génesis 27:27 - DIOSPA QHELQACHISQ

²⁷ Jacob qayllaykuspa much'aykojtin, Isaacqa p'achanpa ima munay q'apayninta muskhirerqa. Jinaspataj, ajinata nispa samincharqa: Arí, kay q'apayqa churiypatamin, Tata Diospa saminchasqan campoj q'apaynin jina.

Qheshwa Biblia DC

²⁷ Jacob qayllaykuspa much'aykojtintaj, Isaacqa muskhinerqa p'achampa q'apayninta. Jinaspataj bendiciyta qallarerqa, kay jinata: Arí, kay q'apayqa wawaymanta. Uj campoj q'apaynin jina, mayqentachus Señor bendicerqa.

DIOSPA QHELQACHISQAN DEUTEROCANONICAL

²⁷ Jacob qayllaykuspa much'aykojtin, Isaacqa p'achanpa ima munay q'apayninta muskhirerqa. Jinaspataj, ajinata nispa samincharqa: Arí, kay q'apayqa churiypatamin, Tata Diospa saminchasqan campoj q'apaynin jina.

Génesis 27:27 ပူးပေါင်းရင်းမြစ်များ

Génesis 26:12

Chay wata Isaac chay jallp'api tarporqa, sumajtataj poqocherqa, imaraykuchus Tata Dios payta yanaparqa.

Génesis 27:15

Chaymantataj Rebecaqa Esaúj p'achanmanta sumajnin kajta orqhomuspa, chayta Jacobman churaykorqa.

Génesis 27:26

Chantá Isaac nerqa: Wawáy qayllaykamuwaspa, much'aykuriway, nispa.

Génesis 27:39

Chantá tatan Isaac nerqa: Qanqa sumajta poqoj jallp'amanta karupi tiyakunki, janajmanta urmamoj paramantapis.

Génesis 48:10

Israelqa allin machuña karqa, chayrayku manaña imatapis allinta rikuyta aterqachu. Josetaj wawankunata astawan tatanman qayllaykucherqa, paytaj much'araspa, paykunata ojllaykorqa.

Génesis 48:15

Chantá Jacob ajinata nispa, Joseta samincharqa: Jatun tatay Abrahampata, chantá tatay Isaacpatawan Diosnin, pitachus paykuna yupaycharqanku, chay Dios kasqaymantapacha kunankama uywakuwarqa.

Salmos 65:10

10 (11) Qanmin surk'ata yakuwan sajsachinki, k'urpatataj chulluchispa, pampachanki. Ashkhata parachimuspa, jallp'ata jasayachinki, chajraj poqosqantataj saminchanki.

TAKIYKUNA 2:13

Higo sach'api poqoynin kanña, uva sach'aj t'ikasqanpis ima munayta q'aparishanña. Sayariy, munasqetáy, chunkitúy, k'acha warmisita, jakullaña.

Deuteronomio 33:13

Moisesqa Joséj ayllunkunamanta parlaspa, nerqa: Tata Diosqa janaj pachamanta sumaj parawan, jallp'a ukhumanta yaku jutumojwan ima jallp'anta saminchachun.

Hebreos 11:20

Jinallataj Isaacqa Diospi atinikusqanrayku churinkuna Jacobta, chantá Esauta ima samincharqa, qhepanejman paykunawan imachus kananta sut'inchaspa.

Hebreos 6:7

Runaqa jallp'a jina. Pikunachus Cristoman kutirikojkunaqa parawan qarpasqa jallp'a jina kanku, mayqenchus tarpojpaj sumajta poqochin, chay jina. Diostaj chay jallp'ata saminchan.