Génesis 25:8 - DIOSPA QHELQACHISQ

⁸ Pay unayta kawsaspa allin machuña wañuporqa. Jinataj wañupuspa ñawpa tatankunaman riporqa.

Qheshwa Biblia DC

⁸ Abrahamqa wañuporqa allin wañuypi, allin machuña, ashkha watasniyojtaj. Ajinamanta ñaupa tatasninman riporqa.

DIOSPA QHELQACHISQAN DEUTEROCANONICAL

⁸ Pay unayta kawsaspa allin machuña wañuporqa. Jinataj wañupuspa ñawpa tatankunaman riporqa.

Génesis 25:8 ပူးပေါင်းရင်းမြစ်များ

Génesis 15:15

Qantajrí allin machuña, sonqo tiyaykusqa kawsaypi wañupunki, jinataj maypichus ñawpa tataykikuna kashanku, chayman rinki.

Génesis 25:17

Ismaelqa 137 watayoj wañupuspa, ñawpa tatankunaman riporqa.

Génesis 25:7

Abrahamqa kawsarqa 175 watata.

Génesis 35:18

Raqueltajrí wañupushaspaña, ñak'ayllataña wawata suticharqa: “Benoní”, nispa. Wawaj tatantajrí “Benjamín”, nispa suticharqa.

Génesis 37:35

Tukuy churinkuna, ususinkuna ima payta sonqochayta munarqanku. Paytajrí mana munarqachu. Mayta waqaspataj, nerqa: Wawaymantaqa wañupunaykama waqasaj. Wañupuspallaña, paywan tinkukapusaj, nispa.

Génesis 49:29

Chantá Jacob nillarqataj: Wañuy patapiña kashani. Wawaykuna, qankuna Jet llajtayoj Efronpa jallp'anpi kaj chhanka jusk'upi p'ampamuwankichej, maypichus ñawpa tataykuna p'ampasqa kashanku, chaypi.

Génesis 49:33

Chayta churinkunaman niytawantaj, Jacobqa puñunanman siriykuspa, kikinpi wañuporqa. Ajinata Jacob ñawpa tatankunawan tinkukapoj riporqa.

Génesis 50:13

Chayrayku Jacobpa ayanta Canaanman apaspa, Macpela chhanka jusk'upi p'amparqanku. Chaytaqa Abraham Jetpa churin Efronmanta rantikusqa, chaypi tukuy ayllun p'ampakunankupaj. Chay jallp'a, jinataj chhankapi jusk'oqa Mamremanta inti llojsimuynejpi kashan.

1 Crónicas 23:1

David ñapis allin machu runaña kaspa, churin Salomonta Israel suyupi kuraj kamachej kananpaj churarqa.

1 Crónicas 29:28

Chantá payqa unayniyoj, mana chhikata ñak'arispa, manchay qhapaj, chantá tukuypaj respetanan kaspa wañuporqa. Churin Salomontaj paypa qhepanta kamacherqa.

2 Crónicas 24:15

Jinapis Joyadaqa allin machitu wañuporqa, 130 watayoj kashaspa.

Job 41:32

32 (24) Yaku patata purispaqa, phusoqota yuraj chujchapis kanman jina yurajllata saqen.

Job 42:17

Chantá Job unayta kawsaspa, allin machuña wañuporqa.

Job 5:26

Unayta kawsaspa, kallpallaykipiraj wañupunki, sumaj poqosqa trigo marq'a jina.

Proverbios 20:29

Waynakunaj jatunchakuynenqa kallpanku. Machu runakunaj jatunchakuynintajrí yuraj chujchanku.

Jeremías 6:11

Noqatajrí Tata Diospa phiñakuyninwan junt'asqa kani. Manaña sonqoyta ñit'iykuyta atinichu, nispa. Chayrayku Tata Dios niwarqa: Callepi purishanku, chay wawakunaj patankuman phiñakuyniyta kachaykuy ari, jinallataj waynakunaj patankumanpis. Qharipis warmintin chaypacha presochasqa kanqanku, jinallataj machu runakuna, allin machu runakunapis presochasqallataj kanqanku.

Números 20:24

Aarón kaypi wañuponqa. Israelitakunaman jallp'ata qosaj, chayman mana yaykonqachu, imaraykuchus qankunaqa Meriba nisqa juturi kantupi kashaspa, kamachisqayta mana kasuwarqankichejchu.

Números 27:13

Chayta rikuytawantaj, wawqeyki Aarón jina wañupunki, ñawpa tataykikunawantaj tantakoj ripunki.

Hechos 12:23

Chay kikinpitaj Tukuyta Kamachej Diospa angelnenqa Herodesta sinch'ita onqoykucherqa, Diosta mana jatunchasqanrayku. Jinataj kuraj kamachej Herodesqa khuroj tukusqan wañorqa.

Hechos 13:36

David kawsanankama Diospa munayninman jina imatachus ruwananta ruwarqa. Chaywanpis wañupojtenqa, ñawpa tatankunaj qayllanpi payta p'amparqanku ayantaj q'etayaporqa.

Hechos 5:10

Chaypachallataj Safiraqa Pedroj ñawpaqenpi wañusqa wijch'ukullarqataj. Chantá chay waynakuna yaykumuspa, Safirata wañusqataña tariparqanku. Ajinamanta paytapis apaspa, qosanpa qayllanman p'ampaykorqanku.

Hechos 5:5

Ananiasqa Pedroj nisqanta uyariytawan, pampaman wañusqa wijch'ukorqa. Chayta yachajkunataj maytapuni manchachikorqanku.

Deuteronomio 32:50

Chantá mayqen orqomanchus wicharinki, chaypi wañupunki. Jinamanta ñawpajta wañoj aylluykikunawan tantakoj ripunki, imaynatachus wawqeyki Aaronpis Hor orqopi wañupuspa, wañoj ayllunwan tantakoj riporqa, ajinata.

Jueces 2:10

Jinallataj watakuna pasasqanman jina Josuéj mitanmanta kaj israelitakunapis wañupullasqankutaj. Ajinamanta qhepa wiñajkunaqa mana Tata Diosta rejserqankuchu, nitaj yacharqankuchu imatachus Tata Dios ruwasqanta israelita ñawpa tatankunapaj.

Jueces 8:32

Gedeonqa allin machuña wañuporqa. Paytataj p'ampaykorqanku tatan Joaspa aya p'ampananpi. Chay karqa Abiezerpa ayllunpa Ofrá sutiyoj llajtanpi.