Génesis 25:26 - DIOSPA QHELQACHISQ

²⁶ Chaymantataj qhepanpachata sullk'anñataj paqarerqa, Esaujpa chaki talonninta ujnin makinwan jap'irisqa. Chayrayku “Jacob” sutiwan suticharqanku. Isaac sojta chunka watayoj kashajtin, warmin Rebeca paypaj wawayoj karqa.

Qheshwa Biblia DC

²⁶ Ujnin kajtaj nacekorqa Esaupa chaki talonninta ujnin makinwan jap'irisqa, chayrayku suticharqanku Jacobta. Isaacqa sojta chunka watasniyojña karqa, Rebeca warmin wachakushajtin.

DIOSPA QHELQACHISQAN DEUTEROCANONICAL

²⁶ Chaymantataj qhepanpachata sullk'anñataj paqarerqa, Esaujpa chaki talonninta ujnin makinwan jap'irisqa. Chayrayku “Jacob” sutiwan suticharqanku. Isaac sojta chunka watayoj kashajtin, warmin Rebeca paypaj wawayoj karqa.

Génesis 25:26 ပူးပေါင်းရင်းမြစ်များ

Génesis 21:5

Abraham pachaj watayoj karqa wawan Isaac paqarishajtin.

Génesis 25:20

Isaacqa Rebecawan casararqa, chaypacha tawa chunka watayoj karqa. Rebecaqa Betuelpa ususin karqa, Labanpa panantaj. Paykunaqa Padán Aram nisqa llajtayoj karqanku.

Génesis 27:36

Esautaj nerqa: Chayraykuchá payta: “Jacob”, nispa suticharqankichej. Kaytawanqa iskay kutitaña q'otiyawan. Ñawpajtaqa kuraj kaj churi jina imatachus jap'inayta qhechuwan, kunantaj saminchayniytapis qhechullawantaj. Tatáy, manachu noqatapis saminchariwankiman? nispa.

Génesis 35:28

Isaacqa 180 watata kawsarqa.

1 Crónicas 1:34

Abrahamqa Isaacpa tatan karqa. Isaacpa churinkunataj karqanku: Esaú, Israel ima.

Oseas 12:3

3 (4) Jacobqa manaraj paqarishaspa, wawqenpa chakinmanta jap'iykukorqa, runayaspañataj Dioswan maqanakorqa.

Oseas 12:4

4 (5) Arí, angelwan maqanakorqa, atiparqataj. Waqaspataj, angelmanta saminchananta mañakorqa. Diosqa Betelpi tariparqa, chayllapitaj Jacobwan parlarqa.

Malaquías 1:2

Tata Dios nin: Noqa qankunata munakuykichej, nispa. Qankunatajrí niwankichej: Imaynapi yachaykuman qan noqaykuta munakuwasqaykutari? nispa. Chantá Tata Dios kutichin: Esauqa Jacobpa wawqen karqa. Chaywanpis noqa Jacobta munakorqani, ajinallatataj qankunatapis munakuykichej.

Números 20:14

Cadesmantapacha Moisesqa Edom suyuta kuraj kamachejman kachakunata kacharqa, ajinata nichispa: Yawar masiyki israelitakuna nisunku: Qan allinta yachanki ñanta jamushajtiyku, imachus qhatiriwasqaykuta.

Hechos 7:8

Chantá Diosqa Abrahamwan circuncisión nisqa tratota ruwarqa. Ajinamanta Abraham churin Isaacta circuncidarqa paqarikusqanmanta pusaj p'unchayninman. Isaacpis churin Jacobta circuncidarqa. Jacobpis kikillantataj chunka iskayniyoj jatun ayllukunaj tatankukunata circuncidallarqataj.

Deuteronomio 23:8

8 (9) Chaykunamantaqa kinsa mitamanta qhepaman kajkuna Tata Diospa sutinpi tantakunaman yaykuyta atenqanku.

Josué 24:4

Isaacmantaj iskay churikunata qorqani, Jacobta, Esautawan. Esaumanqa Seirpi orqorara cheqata qorqani. Jacobtajrí wawankunawan ima Egiptoman riporqanku.