Génesis 25:21 - DIOSPA QHELQACHISQ

²¹ Rebeca mana wawayoj kayta atisqanrayku, Isaacqa warminrayku Tata Diosmanta mañaporqa. Tata Diostaj mañakusqanta uyarerqa. Jinamanta Rebecaqa onqoj rikhurerqa.

Qheshwa Biblia DC

²¹ Rebecaqa mana wawasniyoj kayta aterqachu; chayrayku Isaacqa Diosmanta wawata mañakorqa. Señortaj chay mañakusqanta uyarerqa; jinamanta Rebecaqa wijsayoj rikhurerqa.

DIOSPA QHELQACHISQAN DEUTEROCANONICAL

²¹ Rebeca mana wawayoj kayta atisqanrayku, Isaacqa warminrayku Tata Diosmanta mañaporqa. Tata Diostaj mañakusqanta uyarerqa. Jinamanta Rebecaqa onqoj rikhurerqa.

Génesis 25:21 ပူးပေါင်းရင်းမြစ်များ

Génesis 11:30

Sarairí mana wijsallikuyta atisqanrayku mana wawata rejsej karqa.

Génesis 16:2

Chantá Saraiqa Abramta nerqa: Yachanki jina, Tata Dios wawa rejsinayta mana munasqanta. Chayrayku kamachiy Agarwan puñuykuy ari. Ichapis paynejta wawayoj kayta atiyman, nispa. Abramtaj warminpa nisqanta kasorqa.

Génesis 30:22

Chantá Diosqa Raquelmanta yuyarikorqa, mañakusqanta uyarispataj, nerqa wawayoj kananta.

1 Crónicas 5:20

Chay maqanakupitaj Tata Dios yanapananta mañakorqanku, Diostaj paykunata yanaparqa, paypi atinikusqankurayku. Ajinamanta Agarenokunata, jinataj paykunawan kajkunata maqanakuspa atipaykorqanku.

2 Crónicas 33:13

Pay mañakojtintaj, Tata Diosqa mañakusqanta uyarispa, Jerusalenman kutichimporqa, kuraj kamachej jina watej kamachinanpaj. Chaypacha Manasesqa yacharqa Tata Diosqa Diospuni kasqanta.

Esdras 8:23

Ajinamanta ayunaspa mañakorqayku Diosniyku waqaychanawaykuta, paytaj uyariwarqayku.

Salmos 127:3

Wawakunaqa Tata Diospa qosqanmin kanku, warmimanta paqarejtaj may munasqa t'inka.

Salmos 145:19

Payqa payta yupaychajkunaj munasqankuta junt'an. Yanapananta mañakojtinkupis, uyarispa yanapan.

Salmos 50:15

Llakiykuna qhatirisojtin, wajyakuway, noqataj kacharichisqayki. Chaymantataj qan jatunchawanki, nispa.

Salmos 65:2

2 (3) imaraykuchus qan mañakusqaykuta uyarinki. Tukuy runakuna qanman jamuyku.

Salmos 91:15

Pay wajyawajtin, noqa uyarisaj. Llakiypipis noqa paywan kasaj, kacharichispataj, payta jatunchasaj.

Proverbios 10:24

Millayta ruwaj runata imatachus manchachikusqan, chayllataj qhatirenqa. Cheqan runatajrí imatachus munasqanta jap'enqapuni.

Isaías 45:11

Israelitakunata ruwaj Tata Dios, May Llimphu Kaj Diosqa kay jinata nin: Kunanmanta qhepaman imachus kananmanta tapuriwaychej. Chayrí churiykunamanta, imaynatachus kay pachata ruwasqaymantapis tapurillawaychejtaj.

Isaías 58:9

Chantá Tata Diosman qhaparikojtiykichej, pay uyarisonqachej. Paymanta mañakojtiykichejpis, nimusonqachej: Kaypi kashani, nispa. Wasiykichejpi ñak'arichiy amaña kachunchu, nitaj chejninakuy, nillataj qhasimanta tumpay.

Isaías 65:24

Paykuna manaraj qhaparikamushawajtinku, noqa uyarisajña. Manaraj parlayta tukushajtinku, uyarisajpacha, imatachus munasqankutataj jaywasaj.

San Lucas 1:13

Chantá ángel payta nerqa: Zacarías, ama mancharikuychu. Mañakusqaykita Diosqa uyarinña. Warmiyki Elisabet wawayoj kanqa, paytataj Juan sutiwan sutichanki.

San Lucas 1:7

Chaywanpis mana wawayoj karqanku, Elisabet mana wijsallikuyta atisqanrayku, iskayninkutaj allin machuña karqanku.

1 Samuel 1:11

Tata Diosmantaj ajinata nerqa: Tukuy Atiyniyoj Tata Dios, sichus qan kay llakiyniyta qhawariwaj, sitajchus noqa kamachiykimanta yuyarikuspa uj wawata qowankiman chayqa, noqa chay wawata mayk'ajkamachus kawsanqa chaykama qanpata kananpaj qopusqayki. Manataj jayk'ajpis chujchan ruthusqachu kanqa, nispa.

1 Samuel 1:17

Elitaj kuticherqa: Sonqochakuspa ripullay, israelitakunaj Diosnintaj imatachus mañakusqaykita qosuchun, nispa.

1 Samuel 1:2

Elcanaqa iskay warmiyoj karqa. Ujninpa sutin Ana karqa, ujninpatataj Peniná. Peninaqa wawakunayoj karqa, Anatajrí mana.

1 Samuel 1:27

Kay wawata Tata Diosmanta mañakorqani, paytaj mañakusqayta qowan.