Génesis 25:20 - DIOSPA QHELQACHISQ

²⁰ Isaacqa Rebecawan casararqa, chaypacha tawa chunka watayoj karqa. Rebecaqa Betuelpa ususin karqa, Labanpa panantaj. Paykunaqa Padán Aram nisqa llajtayoj karqanku.

Qheshwa Biblia DC

²⁰ Isaacqa tawa chunka watasniyoj karqa Rebecawan casarashaspa; Rebecaqa Betuelpa wawan karqa, Labampa panantaj; paykuna arameos nisqa, paykuna tiyakorqanku Padan-arampi.

DIOSPA QHELQACHISQAN DEUTEROCANONICAL

²⁰ Isaacqa Rebecawan casararqa, chaypacha tawa chunka watayoj karqa. Rebecaqa Betuelpa ususin karqa, Labanpa panantaj. Paykunaqa Padán Aram nisqa llajtayoj karqanku.

Génesis 25:20 ပူးပေါင်းရင်းမြစ်များ

Génesis 22:23

Aswan qhepanejman Betuelqa Rebecaj tatan kanan karqa. Abrahampata wawqen Najorpa warmin Milcajta churinkuna pusaj karqanku.

Génesis 24:15

Kamachi manaraj Diosmanta mañakuyta tukushajtin, uj sipas p'uñu lijrarisqa yakuman jamorqa. Payqa Rebeca karqa, Betuelpa ususin. Betuelqa Milcajta, Najorpatawan churin karqa. Najortajrí Abrahampata wawqen karqa.

Génesis 24:29

Rebecajta uj turan Labán sutiyoj karqa. Paytaj chay runata taripaj yaku pujyuman phawarqa,

Génesis 24:67

Chantá Isaacqa maman Saraj toldonman Rebecata pusaykorqa, paywantaj casarakorqa. Isaacqa Rebecata mayta munakorqa. Ajinata maman wañupusqanmanta sonqochakorqa.

Génesis 25:26

Chaymantataj qhepanpachata sullk'anñataj paqarerqa, Esaujpa chaki talonninta ujnin makinwan jap'irisqa. Chayrayku “Jacob” sutiwan suticharqanku. Isaac sojta chunka watayoj kashajtin, warmin Rebeca paypaj wawayoj karqa.

Génesis 27:43

Chayrayku wawáy, allinta uyariway: Ayqekuy turay Labanpaman. Payqa Jaranpi tiyakun.

Génesis 28:2

Manachayqa Padán Aramman riy jatun tatayki Betuelpa wasinman, chaypitaj tioyki Labanpa ujnin kaj ususinwan casaranki.

Génesis 28:7

Yachallarqataj Jacobqa tatanpa, chantá mamanpa nisqanta kasuspa, Padán Aramman risqanta.

Génesis 31:18

Jinaspataj, Padán Arampi tukuy tarisqan uywakunata, chantá tukuy imata tarisqantawan apariykukuspa, Canaanman purirerqa, maypichus tatan Isaacqa tiyakusharqa, chayman.

Génesis 31:20

Ajinata Jacobqa Aram llajtayoj Labanta q'otiyaspa, ch'inllamanta riporqa, mana imatapis nispalla.

Génesis 31:24

Chaywanpis chay ch'isi Diosqa mosqoypi jina Aram llajtayoj Labanman nerqa: Uyariway, Jacobta ama imatapis ninkichu, nispa.

Génesis 33:18

Jacobqa Padán Arammanta kutimpuspa, Canaanpi Sichem llajtaman walejllata chayarqa. Chayman chayaspataj, Sichem llajtaj chimpanpi tiyakorqa.

Génesis 35:26

Leaj kamachin Zilpapi churinkunataj karqanku Gadwan, Aserwan ima. Chaykuna Jacobpa churinkuna karqanku Padán Arampi kashajtin paqarejkuna.

Génesis 35:9

Chaymanta qhepaman Jacob Padán Arammanta kutimushajtin, ujtawan Dios payman rikhurerqa, chantá payta samincharqa.

Génesis 46:15

Chaykuna karqanku Padán Arampi kashaspa, Jacobqa warmin Leawan rejsisqan churinkuna, Dina ususinwan ima. Tukuyninpi kinsa chunka kinsayoj qharikuna, chantá warmikuna ima karqanku.

San Lucas 4:27

Jinallataj Israel suyupeqa Diosmanta sut'inchaj Eliseoj tiemponpi llejtiwan onqosqa ashkha runakuna karqanku. Chaywanpis mana ni mayqenninku qhaliyachisqachu karqa, manachayqa Siria llajtayoj Namanlla, nispa.

Deuteronomio 26:5

Chaypacha Tata Diosniykej ñawpaqenpi kay jinata nillankitaj: Ñawpa tatayqa Arammanta karqa. Ayllun pisillaraj kashajtin, Egiptoman ripuspa, chaypi tiyakorqa. Chantá chaypi ashkhata miraspa, sinch'i atiyniyoj aylluman tukorqa.