Génesis 24:48 - DIOSPA QHELQACHISQ

⁴⁸ Chantá qonqoriykukuspa, Tata Diosta yupaycharqani. Noqa patronniy Abrahampata Tata Diosninta jatuncharqani pay cheqanta pusamuwasqanmanta, patronniypa wawqenpa ususinta churin Isaacpaj pusanaypaj.

Qheshwa Biblia DC

⁴⁸ Jinaspataj qonqoriykukuspa Señorta yupaycharqani; patronniy Abrahampa Señor Diosninta, pay cheqan ñanta pusamuwasqanmanta, patronniypa wauqempa ususinta wawampaj pusapunaypaj.

DIOSPA QHELQACHISQAN DEUTEROCANONICAL

⁴⁸ Chantá qonqoriykukuspa, Tata Diosta yupaycharqani. Noqa patronniy Abrahampata Tata Diosninta jatuncharqani pay cheqanta pusamuwasqanmanta, patronniypa wawqenpa ususinta churin Isaacpaj pusanaypaj.

Génesis 24:48 ပူးပေါင်းရင်းမြစ်များ

Génesis 22:23

Aswan qhepanejman Betuelqa Rebecaj tatan kanan karqa. Abrahampata wawqen Najorpa warmin Milcajta churinkuna pusaj karqanku.

Génesis 24:52

Chantá Abrahampata kamachin ajinata nejta uyarispa, pampakama k'umuykukorqa Tata Diosta yupaychananpaj.

Esdras 8:21

Chay qhepata Ahava mayu qayllapi tukuyninku ayunanaykuta kamacherqani, Diosniykoj ñawpaqenpi k'umuykukunaykupaj. Diosmanta yanapata mañakorqayku allillanta pusanawaykupaj, jinallataj aylluykuta, tukuy tiyapuyniykutapis waqaychananpaj.

Salmos 107:7

Tata Diosqa paykunata cheqan ñanta pusarqa, tiyakunapaj jina llajtaman chayanankukama.

Salmos 32:8

Tata Dios nin: Ñaweyqa qan qhawarisqalla kashan. Yuyaychasqayki, yachachisqaykitaj imaynatachus purinaykita.

Salmos 48:14

14 (15) Ajinamin Diosninchejqa, payqa wiñay wiñaypaj Diosninchejmin. Pay wañupunanchej p'unchaykama pusawasunchej, nispa.

Éxodo 18:20

Diospa kamachisqanta, yachachisqantawan paykunaman yachachiy. Jinallataj imaynatachus kawsanankuta, chantá imatachus ruwanankutapis yachachillaytaj.

Proverbios 4:11

Noqa yachay ñanta pusasqayki, cheqan ñantataj purichisqayki.

Isaías 48:17

Israelpa May Llimphu Kaj Diosnin, pagota qospa kacharichisoj Tata Dios ajinata nin: Noqamin Tata Diosniyki kani. Noqa yachachiyki imachus qanpaj allin kasqanta, jinataj may ñantachus purinaykita rikuchiyki.