Génesis 24:42 - DIOSPA QHELQACHISQ

⁴² Chayrayku ari, kunan noqa pujyuman chayamuspa, Diosmanta kay jinata mañakorqani: Patronniy Abrahampata Tata Diosnin, mañarikuyki imamanchus jamusqaypi allin rinawanpaj yanapanawaykita.

Qheshwa Biblia DC

^42-44 Ajinata chayman jina yaku pujyuman chayamuspa, Diosmanta mañakuyniypi nerqani Señorman, Abraham patronniypa Diosninman: Sichus qan ninki allin rinawanta kay puriyniypi chayqa, mañakuyki, kay yaku pujyu cantopi kashajtiy, uj sipas jamuchun yakuman ninaypaj: Ama jinachu kay, yakuta ujyanaypaj qoriway p'uyñuykimanta, nejtiytaj, kayqa ujyarikuy, camellosniykipajpis yakuta orqhopusqayki, niwanqa chayqa, chay warmi kachun ari, Señor, qampa ajllasqayki patronniypa wawampaj, nispa.

DIOSPA QHELQACHISQAN DEUTEROCANONICAL

⁴² Chayrayku ari, kunan noqa pujyuman chayamuspa, Diosmanta kay jinata mañakorqani: Patronniy Abrahampata Tata Diosnin, mañarikuyki imamanchus jamusqaypi allin rinawanpaj yanapanawaykita.

Génesis 24:42 ပူးပေါင်းရင်းမြစ်များ

Génesis 24:11

Kamacheqa unayta purispa, inti yaykushajtinña llajta kantuman chayarqa. Chantá camellokunata pujyu kantupi samaricherqa. Chay karqa warmikuna yakuta apamoj rinanku phanita.

Génesis 24:27

Patronniy Abrahampata Tata Diosnin, yupaychasqa kay, imajtinchus qanqa patronniywan k'acha karqanki, jinataj nisqaykita junt'anki. Qanllamin ayllunpa wasinman pusamuwarqanki, nispa.

Génesis 24:31

Nerqataj: Jamuy ari, Tata Diospa saminchasqan, ama kayllapi kakuychu. Wasitapis k'uchunchaykuña. Camelloykikuna puñunankupajpis tiyanña, nispa.

Génesis 39:3

Patronnintaj repararqa Tata Diosqa Josewan kashasqanta, chayraykutaj Joseta tukuy ima ruwasqanpi allin rishasqanta.

Esdras 8:21

Chay qhepata Ahava mayu qayllapi tukuyninku ayunanaykuta kamacherqani, Diosniykoj ñawpaqenpi k'umuykukunaykupaj. Diosmanta yanapata mañakorqayku allillanta pusanawaykupaj, jinallataj aylluykuta, tukuy tiyapuyniykutapis waqaychananpaj.

Nehemías 1:11

Chayrayku mañarikuyki ari, Tukuyta Kamachej Diosníy, mañakususqayta uyariway. Qhaparikamususqaykutapis uyariwayku, pikunachus sutiykita mayta jatunchayta munayku. Mañakullaykitaj tukuy imapi allin rinawanta, jinallataj kay Persia suyoj kuraj kamachejninpa khuyakuyninta tariyta atinaypaj, nispa. Ajinata Diosmanta mañakorqani. Chaypacha noqaqa kuraj kamachej Artajerjespa copa jaywajnin karqani.

Salmos 37:5

Tata Diosman kawsayniykita jap'ichikuy. Paypi tukuy sonqo atinikuy, paytaj yanapasonqa.

Salmos 90:17

Tukuyta Kamachej Diosniyku, k'acha kayniykita rikuchiwayku. Qan makiykoj ruwasqanta sinch'ita sayachiy, ari, makiykoj ruwasqanta sayachiy.

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diostataj jatun respetowan qhawan. Judío masiykikunapis payta jatunpaj qhawanku. Chantá Diospa angelnenqa Cornelioman rikhurispa, nerqa qanta wasinman wajyachisunanta, imatachus parlanaykita uyarinanpaj, nispa.

Romanos 1:10

Jinallataj Dioswan parlarikuspa, mañarikuni, Dios munajtin, qankunata watukoj rinaypaj.

1 Samuel 1:13

Anaqa sonqon ukhullapi Dioswan parlarikusharqa. Chaywanpis parlasqan mana uyarikorqachu, manachayqa simillan kuyusharqa. Chayrayku Eliqa Ana machasqa kashasqanta yuyarqa.

1 Samuel 9:6

Kamachitajrí kuticherqa: Kay llajtapi Diosmanta sut'inchaj tiyan. Payqa tukuypaj manchay respetasqa, imajtinchus tukuy imatapis nisqanqa junt'akunpuni. Jaku payman rina. Ichapis pay mayman mask'aj rinanchejta niwasunman, nispa.