Génesis 24:35 - DIOSPA QHELQACHISQ

³⁵ Patronniy Abrahamqa manchay qhapaj, Tata Dios may jinata yanapasqanrayku. Tata Dios payman qon ovejakunata, wakakunata, qolqe metalta, qorita, qhari kamachikunata, warmi kamachikunata, camellokunata, chantá burrokunata ima.

Qheshwa Biblia DC

³⁵ Señorqa ashkhata bendicin patronniy Abrahamta, qhapajyachintaj. Payman qon ovejasta, wakasta, qolqeta, qorita, qhari kamachista, warmi kamachista, camellosta, burrosta ima.

DIOSPA QHELQACHISQAN DEUTEROCANONICAL

³⁵ Patronniy Abrahamqa manchay qhapaj, Tata Dios may jinata yanapasqanrayku. Tata Dios payman qon ovejakunata, wakakunata, qolqe metalta, qorita, qhari kamachikunata, warmi kamachikunata, camellokunata, chantá burrokunata ima.

Génesis 24:35 ပူးပေါင်းရင်းမြစ်များ

Génesis 12:16

Chantá faraonqa Sarairayku Abramta allinpaj qhawarqa, qorqataj ovejakunata, wakakunata, qhari kamachikunata, warmi kamachikunata, burrokunata, camellokunata ima.

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Génesis 12:3

Qanta saminchasojkunata noqa saminchasaj, qanta maldicisojkunatatajrí maldicillasajtaj. Jinallataj qannejta kay pachapi tukuy runata saminchasaj, nispa.

Génesis 13:2

Abramqa manchay qhapaj karqa, ashkha uywayoj, qolqeyoj, qoriyoj ima.

Génesis 24:1

Abraham allin machuña karqa, Tata Diostaj payta tukuy imapi yanaparqa.

Génesis 25:11

Abraham wañupusqanmanta qhepata Diosqa churin Isaacta samincharqa. Isaactaj “Rikuwaj kawsaj Diospa pujyun” nisqaj qayllanpi tiyakorqa.

Génesis 25:5

Abrahamqa churin Isaacman tukuy kapuyninta qoporqa.

Génesis 30:43

Ajinata Jacob maytapuni qhapajyaykorqa. Tiyaporqa may chhika ovejakuna, wata runakuna, camellokuna chantá burrokuna ima.

Génesis 49:25

Tataykej Diosnin qanta yanapasuchun. Jinallataj Tukuy Atiyniyoj Dios saminchasuchun janajpa saminchayninkunawan, ukhu mama qochaj saminchayninwan ima. Qanmanta rikhurej warmikuna ashkha wawayoj kachunku.

Job 1:3

Chantá 7.000 ovejakuna, 3.000 camellokuna, 500 yuntakuna, 500 china burrokuna tiyaporqa. Jinallataj ashkha wata runan tiyapullarqataj. Inti llojsimuynej cheqapi tiyakojkunamanta nisqaqa, Job aswan qhapaj karqa.

Salmos 107:38

Dios paykunata saminchaspa, ashkhaman miracherqa, uywankutapis mirachipullarqataj.

Salmos 112:3

Wasinpi pay manchay ashkha imayoj kanqa, allinta ruwasqantaj wiñaypaj kallanqapuni.

Salmos 18:35

35 (36) Tata Dios, qanmin noqaman sayakuspa qhespichiwanki. Paña makiykiwan ama urmanaypaj jap'iykuwanki, k'acha kayniykiwantaj jatunchawanki.

Proverbios 10:22

Tata Diospa saminchaynenqa qhapajyachin. Chay saminchayqa mana llakichinchu.

Proverbios 22:4

Pichus llamp'u sonqowan Tata Diosta kasun, chay runataqa Dios t'inkachenqa qhapaj kaywan, jatunchasqa kaywan, chantá unayta kawsanawan ima.

San Mateo 6:33

Aswanpis qankunaqa Dios kuraj kamachejniykichej kananta tukuy sonqo munaychej, chayman jina cheqan kawsaytapis ñawpajta mask'aychej, jinapitaj Diosqa chay waj imakunata yapata jina qosonqachej.

San Lucas 12:45

Chaywanpis ichapis chay mayordomo sonqonpi ninman: Patronneyqa manaraj chayamonqachu, nispa. Chantá kamachi masinkunata maqayta qallarinman, jinallatataj warmi kamachikunatapis. Chantá mikhunman, ujyanmantaj machanankama.

1 Timoteo 4:8

Ukhunchejta kuyuchinaqa ukhunchej qhalilla kananpaj yanapan. Chaywanpis Diosta kasuspa purinapaj yachakunaqa aswan sumajraj, imaraykuchus chayqa kay kawsaypaj, jinataj jamoj kawsaypajpis allinninchejpaj kashan.