Génesis 24:27 - DIOSPA QHELQACHISQ

²⁷ Patronniy Abrahampata Tata Diosnin, yupaychasqa kay, imajtinchus qanqa patronniywan k'acha karqanki, jinataj nisqaykita junt'anki. Qanllamin ayllunpa wasinman pusamuwarqanki, nispa.

Qheshwa Biblia DC

²⁷ Yupaychasqa kachun Señorqa patronniypa Diosnin. Payqa k'acha khuyakuyniyojpuni patronniypaj, pay pusawan ñanta ayllusnimpa wasinman.

DIOSPA QHELQACHISQAN DEUTEROCANONICAL

²⁷ Patronniy Abrahampata Tata Diosnin, yupaychasqa kay, imajtinchus qanqa patronniywan k'acha karqanki, jinataj nisqaykita junt'anki. Qanllamin ayllunpa wasinman pusamuwarqanki, nispa.

Génesis 24:27 ပူးပေါင်းရင်းမြစ်များ

Génesis 13:8

Jina kajtenqa, Abram Lotta nerqa: Qanwan noqawanqa ayllu masintin kanchej. Chayrayku noqanchejpura mana phiñanakuyta atisunmanchu, nitaj michejninchejkunapis phiñanakuyta atillankutajchu.

Génesis 14:20

Patapi Kaj Dios yupaychasqa kachun, pichus awqaykikunata atipachisorqa, chay, nispa. Chantá Abramqa tukuy imatachus qhechusqanmanta, sapa chunkamanta ujta Melquisedecman qorqa.

Génesis 24:12

Chantá kamacheqa Diosmanta mañarikorqa: Tata Dios, patronniy Abrahampata Diosnin, mañarikuyki allin rinawanpaj yanapanawaykita. Patronniyta khuyaspa, k'acha kasqaykita rejsichikuy ari.

Génesis 24:21

Chaykama kamacheqa ch'inllamanta qhawasharqa, imaraykuchus pay allinta yachayta munarqa, puriyninpi Tata Dios yanapanqachus manachus, chayta.

Génesis 24:4

Manachayqa llajtayman rispa, aylluy ukhumanta uj warmita churiy Isaacpaj pusamunki, nispa.

Génesis 24:42

Chayrayku ari, kunan noqa pujyuman chayamuspa, Diosmanta kay jinata mañakorqani: Patronniy Abrahampata Tata Diosnin, mañarikuyki imamanchus jamusqaypi allin rinawanpaj yanapanawaykita.

Génesis 24:48

Chantá qonqoriykukuspa, Tata Diosta yupaycharqani. Noqa patronniy Abrahampata Tata Diosninta jatuncharqani pay cheqanta pusamuwasqanmanta, patronniypa wawqenpa ususinta churin Isaacpaj pusanaypaj.

Génesis 32:10

10 (11) Tata Dios, noqaqa mana yanapanawaykipaj jinachu kani, nillataj k'acha kayniykiwan qhawanawaykipaj jinachu. Noqaqa Jordán mayuta ni imayoj, varay oqharisqalla chimpamorqani, kunanrí iskay jarayojña kapuni.

Génesis 32:11

11 (12) Chayrayku, Tata Diosníy, wawqey Esaú mana allinta ruwanawanmanta waqaychaway. Manchachikuni pay jamuspa, noqata, warmiykunata, chantá wawaykunatapis wañurachinanta.

Génesis 9:26

Noé nillarqataj: Sempa Tata Diosnin yupaychasqa kachun, Canaantaj Sempa wata runan kachun.

2 Samuel 18:28

Ajimazqa karullapiraj kashaspa, qhaparispa napaykorqa. Chantá kuraj kamachejpa ñawpaqenman chayaytawan, pampakama k'umuykuspa nerqa: Saminchasqa kachun Tata Diosniyki, qanpa contraykipi oqharikojkunata chinkachisqanrayku, nispa.

Salmos 100:5

Tata Diosqa manchay k'achamin, khuyakuynintaj wiñaypaj. Nisqanta junt'aj kasqantaj mana tukukunchu.

Salmos 68:19

19 (20) Qhespichiwajninchej Tukuyta Kamachej Dios yupaychasqa kachun, imaraykuchus sapa p'unchay pay q'epinchejta apaysiwanchej.

Salmos 98:3

Payqa Israel ayllunrayku khuyakuyninta, cheqa kaynintawan ima mana qonqarqachu. Tukuy kay pachapi runakunaqa Diosninchejpa atipasqanta rikorqanku.

Éxodo 18:10

Chantá Jetro nerqa: Tata Dios jatunchasqa kachun, israelitakunata Egipto llajtayojkunaj makinkumanta, chantá faraonpa makinmantawan kacharichisqanmanta.

Éxodo 2:11

Moisés ña yuyayninpiña kaspa, uj kuti israelita masinkunata waturikoj rerqa. Chantá sinch'i ruwanawan imaynatachus ñak'arichisqa kasqankuta rikorqa. Moisés rikullarqataj Egipto llajtayojqa uj llajta masin israelitata maqashajta.

Éxodo 2:13

Q'ayantin ujtawan rispa, Moisés iskay israelitakunatañataj maqanakushajta rikorqa. Chantá llajta masinta maqashajta nerqa: Imaraykutaj llajta masillaykitataj chay jinata maqashankiri? nispa.

Éxodo 34:6

Moisespa ñawpaqenta pasashaspataj, jatunmanta qhaparispa, nerqa: Noqa Tata Dios kani, khuyakuyniyoj, k'acha sonqoyojtaj, pacienciayoj, mana imamantapis usqhayta phiñarikoj Dios. Noqaqa may jina munakuyniyoj kani, jinallataj cheqamin.

Proverbios 3:6

Tukuy ima ruwasqaykipi Tata Diosmanta yuyarikuy. Paymin cheqan ñanta pusasonqa.

Proverbios 8:20

Noqaqa cheqan ñanta purini, justiciata ruwaspa purini.

Miqueas 7:20

Tata Dios, Jacobman imatachus nisqaykita ama qonqaychu, nitaj Abrahamta khuyakusqaykitapis, imaynatachus ñawpa tataykuman tiluspa nerqanki, ajinata.

San Lucas 1:68

Yupaychasqa kachun Israelpa Tukuyta Kamachej Diosnin, imaraykuchus pay jamun awqankoj makinmanta paykunata kacharichej.

San Juan 1:17

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

Efesios 1:3

Tukuyta Kamachej Jesucristonchejpa Tata Diosninta yupaychana, imaraykuchus Cristoman ujchasqa kasqanchejrayku, Santo Espirituman jina janaj pachapi tukuy imaymanamanta saminchaykuwanchej.

1 Timoteo 1:17

Chayrayku wiñaypaj Kuraj Kamachej Dios yupaychasqa, jatunchasqataj kachun. Payqa mana jayk'aj wañunchu, mana rikukoj, uj k'ata Dios wiñay wiñaynintinpaj. Ajina kachun.

Rut 4:14

Chaypacha wawata paqarikojtintaj, Noemijpa warmi masinkuna payta nerqanku: Tata Dios jatunchasqa kachun, imaraykuchus pay qosunkiña uj allchhita, pinejtachus qosaykej sutin mana chinkanqachu, chayta. Chay allchhiykeqa Israel suyupi sumaj uyarisqa runa kachun.

1 Samuel 25:32

Chantá Davidqa Abigailman kuticherqa: Israelpa Tata Diosnin yupaychasqa kachun, pay noqata taripanawaykipaj kachamususqanmanta.

1 Samuel 25:39

Davidqa Nabal wañusqanta yachaspa, nerqa: Tata Dios yupaychasqa kachun, imaraykuchus payqa Nabalta sonqoyta nanaykuchiwasqanmanta jasut'in. Diosqa sajrata ruwanaymanta jark'awarqa. Nabal mana allinta ruwawasqantaqa payllamantaj kuticherqa, nispa. Chantá Davidqa yanapajninkunamanta wakinta Abigailman kacharqa, paywan casarakuyta munasqanta willachispa.