Génesis 24:15 - DIOSPA QHELQACHISQ

¹⁵ Kamachi manaraj Diosmanta mañakuyta tukushajtin, uj sipas p'uñu lijrarisqa yakuman jamorqa. Payqa Rebeca karqa, Betuelpa ususin. Betuelqa Milcajta, Najorpatawan churin karqa. Najortajrí Abrahampata wawqen karqa.

Qheshwa Biblia DC

¹⁵ Kamachi manaraj Diosmanta mañakuyta tukushaspataj rikorqapacha Rebeca Betuelpa ususin p'uyñu lijrarikuspa jamushajta. Betuelqa karqa Nacorpa warmin Milcaj wawan, pichus karqa Abrahampa wauqen.

DIOSPA QHELQACHISQAN DEUTEROCANONICAL

¹⁵ Kamachi manaraj Diosmanta mañakuyta tukushajtin, uj sipas p'uñu lijrarisqa yakuman jamorqa. Payqa Rebeca karqa, Betuelpa ususin. Betuelqa Milcajta, Najorpatawan churin karqa. Najortajrí Abrahampata wawqen karqa.

Génesis 24:15 ပူးပေါင်းရင်းမြစ်များ

Génesis 11:27

Kaykuna Terajmanta mirajkuna karqanku. Paypata kinsa churinkuna karqa: Abram, Najor, Jarán ima. Jaranqa Lotpa tatan karqa.

Génesis 11:29

Abramqa Saraí sutiyoj warmiwan casarakorqa, Najortaj Milca sutiyojwan casarakorqa. Milcaqa Jaranpa ususin karqa, ñañantaj Isca karqa.

Génesis 21:14

Q'ayantin tutamanta Abraham qoqawita, uj qara botapi yakutawan Agarman qorqa. Chantá Agarman q'epiriykuchispa, wawan Ismaeltawan qopuspa, kacharpayaporqa. Chaymanta Agar riporqa, Berseba sutiyoj ch'innejtataj kaynejta, jaqaynejta purerqa, mana mayman chayakuyta atispa.

Génesis 24:14

Chantá paykunamanta ujninta nisaj: Ama jina kaspa, p'uñuykita urayk'uchikuy, yakuta ujyanaypaj, nispa. Sichus pay p'uñunta urayk'uchikuspa, niwanqa: Kayqa, ujyarikuy, camelloykikunamanpis ujyarichipusqayki, nispa chayqa, chay kachun kamachiyki Isaacpaj ajllasqayki warmi. Ajinapi yachasaj qan patronniyta khuyakusqaykita, nispa.

Génesis 24:24

Chantá sipaku nerqa: Noqaqa Betuelpa ususin kani, Milcajta Najorpatawan allchhin.

Génesis 24:45

Manaraj Diosmanta mañakuyta tukushaspataj, Rebecata p'uñun jap'irisqa yakuman jamushajta rikorqani. Pujyumanta yakuta orqhospa kutimpushajtintaj, nerqani: Sipas, ujyanaypaj yakuykita qoriway, nispa.

Génesis 25:20

Isaacqa Rebecawan casararqa, chaypacha tawa chunka watayoj karqa. Rebecaqa Betuelpa ususin karqa, Labanpa panantaj. Paykunaqa Padán Aram nisqa llajtayoj karqanku.

Génesis 29:5

Chantá Jacob tapullarqataj: Rejsinkichejchu Najorpa churin Labanta? nispa. Paykunataj nerqanku: Arí, rejsiyku, nispa.

Génesis 29:9

Jacob paykunawan parlanankama, Raquel chayamorqa tatanpa ovejankunata qhatispa, imaraykuchus paymin ovejata michej karqa.

Salmos 34:15

15 (16) Tata Diosqa cheqanta ruwaj runakunata qhawashan, qhaparikusqankutataj uyarin.

Salmos 65:2

2 (3) imaraykuchus qan mañakusqaykuta uyarinki. Tukuy runakuna qanman jamuyku.

Éxodo 2:16

Chaypi tiyashajtin, Madianmanta sacerdote Reuelpa qanchis ususinkuna jamorqanku, yakuta bateaman orqhospa, tatankoj ovejankunata ujyachinankupaj.

Proverbios 31:27

Payqa ayllun allinta purinanmanta qhawan, manataj jayk'ajpis mana ganasqanta mikhuykullanchu.

Isaías 58:9

Chantá Tata Diosman qhaparikojtiykichej, pay uyarisonqachej. Paymanta mañakojtiykichejpis, nimusonqachej: Kaypi kashani, nispa. Wasiykichejpi ñak'arichiy amaña kachunchu, nitaj chejninakuy, nillataj qhasimanta tumpay.

Isaías 65:24

Paykuna manaraj qhaparikamushawajtinku, noqa uyarisajña. Manaraj parlayta tukushajtinku, uyarisajpacha, imatachus munasqankutataj jaywasaj.

Rut 2:17

Chantá Rutqa Boozpa chajranpi ch'isiyanankama chajmakorqa. Chay cebada pallakusqanta iskay chunka kilota jina oqharerqa.

Rut 2:2

Ujpacha Moabmanta Rutqa Noemita nerqa: Chajra pataman riyta munani. Ichá mayqellanpis cebadata chajmakojta saqewanman, nispa. Suegrantaj kuticherqa: Rillay, wawáy, nispa.

1 Samuel 9:11

Chay llajtaman rina wichayta rishaspa, yakuman rejkuna sipaskunawan tinkukorqanku, paykunatataj tapukorqanku: Kaypichu chay yachaj runaqa kashan? nispa.