Génesis 23:6 - DIOSPA QHELQACHISQ

⁶ Wiraqochi, uyariwayku ari. Noqayku qanta Diospa ajllasqan kasqaykita qhawayku. Chayrayku sumajnin kaj aya p'ampanaykupi warmiykej ayanta p'ampakapuy. Mana pipis nisqaykuchu: Mana, mana nispaqa. Ajinata nispa, Abrahamman kuticherqanku.

DIOSPA QHELQACHISQAN DEUTEROCANONICAL

⁶ Wiraqochi, uyariwayku ari. Noqayku qanta Diospa ajllasqan kasqaykita qhawayku. Chayrayku sumajnin kaj aya p'ampanaykupi warmiykej ayanta p'ampakapuy. Mana pipis nisqaykuchu: Mana, mana nispaqa. Ajinata nispa, Abrahamman kuticherqanku.

Génesis 23:6 ပူးပေါင်းရင်းမြစ်များ

Génesis 13:2

Abramqa manchay qhapaj karqa, ashkha uywayoj, qolqeyoj, qoriyoj ima.

Génesis 14:14

Abramrí sobrinon preso kasqanta yachaspa, wasinpi paqarej kamachinkunata tantarqa. Tukuyninpi 318 qharikuna karqanku. Chantá Abramwan, kamachinkunawan ima tawantin kuraj kamachejkunata Dan llajtakama qhatiykorqanku.

Génesis 18:12

Chayrayku Saraqa sonqonpi asispa, nerqa: Qosaypis noqapis allin machuña kashayku. Jina kashaspachu wawata rejsispa kusikuyman? nispa.

Génesis 20:7

Kunanqa chay warmita qosanman kutichipuy, imaraykuchus payqa noqamanta sut'inchajmin. Paytaj kawsanaykipaj qanrayku noqamanta mañapusonqa. Warmintachus mana kutichipunki chayrí, qan, chantá tukuy qanpata kajkuna ima wañunkichejpuni, nispa.

Génesis 21:22

Chaypachallataj Abimelec, soldadonkunata kamachej Ficol ima Abrahamwan parlaj rerqanku: Yachayku Diosqa qanta tukuy ima ruwanaykipi yanapasusqanta.

Génesis 23:5

Jetpa churinkunataj Abrahamta nerqanku:

Génesis 23:7

Chantá Abraham sayariytawan, jititakunaman k'umuykuspa, nerqa:

Génesis 24:18

Rebecataj kuticherqa: Imarayku mana. Ujyarikuy, wiraqochi, nispa. Chantá usqhayta p'uñunta urayk'uchispa, ujyacherqa.

Génesis 24:35

Patronniy Abrahamqa manchay qhapaj, Tata Dios may jinata yanapasqanrayku. Tata Dios payman qon ovejakunata, wakakunata, qolqe metalta, qorita, qhari kamachikunata, warmi kamachikunata, camellokunata, chantá burrokunata ima.

Génesis 31:35

Chantá Raquel tatanta nerqa: Tatáy, ama phiñakuychu, mana sayariyta atiymanchu, imaraykuchus killa onqoyniywan kashani, nispa. Labanrí lantinkunata tarikapuyta munaspa, tukuynejta mask'arqa, manataj tarikaporqachu.

Génesis 32:18

18 (19) qankuna ninkichej: Wiraqochíy, kay uywakunaqa qanpaj. Kamachiyki Jacob kay uywakunata apachimushasunki. Paytaj qhepataraj jamushan, nispa.

Génesis 42:10

Paykunataj nerqanku: Mana, wiraqochíy, noqaykoqa trigota rantikojlla jamuyku.

Génesis 44:5

chantá qhawaspa imachus kananta yachanan vasota suwankichejri? Kaytaqa mana allintachu ruwankichej, nispa.

Génesis 44:8

Yachanki jina, noqaykoqa pagasqayku qolqeta costalniykupi tarisqaykuta Canaanmantapacha kutichimpuyku. Ima nispataj patronniykej wasinmanta qorinta, qolqentapis suwaykumanri?

Éxodo 32:22

Aarontajrí kuticherqa: Ama phiñakuychu, tatáy. Qan allinta yachanki, kay runakuna mana allin kajta ruwanaman sonqo aysasqa kasqankuta.

Isaías 45:14

Chantá Tata Dios israelitakunaman nillantaj: Egipto suyumanta campo runakunata, Etiopiamanta ranqherokunata ima kamachinkichej. Jinallataj Sabá cheqamanta jatunkaray runakuna qankunaman k'umuykusonqanku, jinataj wata runaykichej kanqanku. Qhepaykichejta cadenawan watasqa jamonqanku. Ñawpaqeykichejman qonqoriykukuspataj, nisonqachej: Cheqapuni Diosqa qankuna ukhupi kashan, chay Diosmanta jawataj mana waj dios kanchu, nispa.

Rut 2:13

Ruttaj kuticherqa: Wiraqochíy, ancha k'achata parlapayawanki, sonqochawankitaj, noqaqa mana ujnin warmi kamachiyki jinallapischu kashajtiy, nispa.