Génesis 22:17 - DIOSPA QHELQACHISQ

¹⁷ Noqaqa may jinata saminchasqayki. Mirayniykitaqa janajpi ch'askakunata jina may chhikata mirachisaj. Paykuna mama qocha kantupi t'iyu jina, yupay mana atina kanqanku, jinataj mirayniykeqa tukuy awqankukunata atipanqanku.

Qheshwa Biblia DC

¹⁷ Kunanqa bendicisqayki, mirayniykitapis ashkhata mirachisaj mana yupay atinata cielopi qoyllurkunata jina, mar qocha cantopi t'iyuta jina. Chantapis tukuy enemigosninkuta atipanqanku.

DIOSPA QHELQACHISQAN DEUTEROCANONICAL

¹⁷ Noqaqa may jinata saminchasqayki. Mirayniykitaqa janajpi ch'askakunata jina may chhikata mirachisaj. Paykuna mama qocha kantupi t'iyu jina, yupay mana atina kanqanku, jinataj mirayniykeqa tukuy awqankukunata atipanqanku.

Génesis 22:17 ပူးပေါင်းရင်းမြစ်များ

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Génesis 13:16

Mirayniykita t'iyuta jina mirachisaj. T'iyoqa mana yupay atina, ajinallataj mirayniykeqa mana yupay atina kanqa.

Génesis 15:5

Chantá Tata Diosqa Abramta jawaman pusaspa, nerqa: Janajta qhawarispa, ch'askakunata yupay. Yupayta atiwajchu? Mirayniykeqa ajina mana yupay atina kanqa, nispa.

Génesis 17:6

Mirayniykeqa may chhikapuni kanqanku. Suyukuna, chantá kuraj kamachejkuna ima qanmanta rikhurenqanku.

Génesis 24:60

Kacharpayapushaspataj, Rebecaj ayllunmanta kajkuna ajinata nispa, samincharqanku: Panayku, ashkha wawaj mamanku kay. Mirayniykimanta kajkunataj awqankukunata atipachunku, nispa.

Génesis 25:11

Abraham wañupusqanmanta qhepata Diosqa churin Isaacta samincharqa. Isaactaj “Rikuwaj kawsaj Diospa pujyun” nisqaj qayllanpi tiyakorqa.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 26:4

Janajpi ch'askakunata jinapuni aylluykita mirachisaj, jinaspataj, paykunaman kay jallp'ata qosaj. Chantá kay pachapi tukuy suyupi tiyakojkunapis mirayniykinejta saminchasqallataj kanqanku.

Génesis 28:3

Tukuy Atiyniyoj Dios saminchaspa may chhikatapuni mirachisuchun. Munallanitaj qanqa may jina ashkha runayoj jatun suyuman tukunaykita.

Génesis 28:4

Tata Dios Abrahamta saminchasqanta qanman, chantá mirayniykiman ima qosuchun. Ajinamanta maypichus waj llajtayoj jina tiyakushanchej, kay jallp'amanta dueño kanki, mayqentachus Dios Abrahamman qonanta nerqa, chaymanta nispa.

Génesis 32:12

12 (13) Qanrí niwarqanki allin rinawanta, mirayniypis mama qochapi t'iyu jina mana yupay atina kananta, nispa.

Génesis 32:13

13 (14) Chay ch'isi Jacob chaypi puñorqa. Chantá imachá kapusqanmanta wawqen Esauman qonanpaj ajllarqa:

2 Samuel 17:11

Kunanqa yuyaychaykiman tukuynin israelitakunata Danmantapacha Berseba llajtakama qanwan tantakunankuta, tukuy tantakuspataj mama qocha kantupi t'iyu jina mana yupay atina kanqanku. Qan kikiykitaj maqanakupi paykunata kamachiwaj.

1 Reyes 4:20

Judapi, Israelpiwan ima ashkha runapuni karqanku, mama qochaj kantunpi t'iyu jina, may chhika. Paykunapajqa mana piserqachu mikhuna nitaj ujyana, kusikuspataj chhika patapi kawsakusharqanku.

1 Reyes 9:26

Salomonqa Ezión Gueberpi Puka Mama Qocha nisqa kantupi jatuchaj barcokunatapis ruwachillarqataj, Elat nisqa, chaypi. Chayqa Edom jap'iypi kashan.

1 Crónicas 27:23

Davidqa manaraj iskay chunka watayoj kashajkunata mana yupacherqachu, imaraykuchus Tata Dios nisqa janajpi ch'askakuna jinatapuni israelitakunata mirachinanta.

2 Crónicas 1:9

Kunantaj, Tata Diosníy, junt'ay ari imatachus tatayman nisqaykita. Qanllataj churawanki t'iyu jina may chhika runata kamachinaypaj.

Nehemías 9:23

Paykunata mirachillarqankitaj janajpi ch'askakuna chhikatapuni. Ñawpa tatankuman qonaykita nerqanki, chay suyumanpis paykunata pusallarqankitaj.

Éxodo 32:13

Kamachiyki Abrahamman, Isaacman, Israelman ima sutiykirayku tiluspa, nisqaykimanta yuyarikuy. Qan paykunata nerqanki: Noqa janajpi ch'askakunata jinapuni mirachisqaykichej, nisqayman jinataj wiñaypaj qankunaman kay jallp'ata qosqaykichej, nispa.

Isaías 48:19

Mirayniykipis t'iyu jina mana yupay atina kankuman karqa. Qanmanta mirajkunaqa t'iyu jina ashkhapuni kankuman karqa. Noqa mana jayk'ajpis paykunata chinkachiymanchu karqa, manataj ñawpaqeymantapis paykunata wijch'uymanchu karqa.

Jeremías 32:22

Israel aylluykiman, maypichus lechewan, abeja misk'iwan yaku jina puririshan, chay jallp'ata qorqanki, ñawpa tatankuman nisqaykiman jina.

Jeremías 33:22

Kamachiy Davidpa mirayninta, Levijpa mirayninmanta sacerdoteykunatapis may chhikaman mirachisaj janajpi ch'askakuna chhikata, chantá mama qochaj t'iyun chhikata, mana yupay atinata, nispa.

Oseas 1:10

10 (2.1) Chaywanpis uj p'unchaypi Israelpa mirayninku mama qocha kantupi t'iyu jina kanqanku. Ni pi chimpuyta, nitaj yupayta atenqachu. Mana aylluychu kankichej, nispa ninaytaqa, paykunata nisaj: Qankunaqa noqa kawsaj Diospa wawaykuna kankichej, nispa.

Oseas 2:1

1 (3) Chaypacha qankuna wawqeykichejkunaman ninkichej: Diospa ayllun kankichej, nispa. Panaykichejkunamantaj ninkichej: Diospa khuyasqan kankichej, nispa.

Miqueas 1:9

Samaria llajtaj k'irisqa kasqanqa mana jampiy atina jina. Judá suyupis k'irisqallatajmin kashan, chaytaj Jerusalén llajtaypa punkunkama chayan.

Romanos 4:13

Diosqa Abrahamta nerqa kay pachata payman, chantá mirayninmanpis chayaqenkupaj qonanta, mana Abraham kamachisqakunata junt'asqanraykuchu. Manachayqa Dios chayta nerqa, imaraykuchus Abraham Diospi atinikorqa cheqan runapaj qhawasqa kananpaj.

Romanos 9:27

Israelitakunamanta parlaspa, Isaiaspis nillarqataj: Israelitakunaj mirayninchus mama qochapi t'iyu jina kanman chaypis, chaykunamanta pisilla qhespichisqa kanqanku.

1 Corintios 15:57

Chaywanpis Diosta pachis ninachej, Tukuyta Kamachej Jesucristonejta juchata, chantá wañuyta ima atipayta yanapawasqanchejrayku.

Efesios 1:3

Tukuyta Kamachej Jesucristonchejpa Tata Diosninta yupaychana, imaraykuchus Cristoman ujchasqa kasqanchejrayku, Santo Espirituman jina janaj pachapi tukuy imaymanamanta saminchaykuwanchej.

Deuteronomio 1:10

Tata Diosniykichejqa kay chhikata mirachisunkichej, chayrayku kunan qankunaqa janajpi ch'aska jina ashkha kankichej.

Deuteronomio 1:11

Tata Dios, ñawpa tataykichejkunaj Diosnin qankunata waranqa waranqa jinatawanraj mirachichun, nisqanman jinataj qankunata saminchachun.

Deuteronomio 10:22

Maypachachus ñawpa tataykichejkuna Egiptoman chayarqanku chaypacha, qanchis chunkalla karqanku. Kunanrí qankunata Tata Diosniykichejqa janajpi ch'askakunata jina, ashkhata mirachisunkichej.

Deuteronomio 13:17

17 (18) Qankunaqa imachus chinkachisqa kananpaj t'aqasqa kashan, chaymanta ama imatapis jap'ikapunkichejchu. Chaykunata mana jap'ikapojtiykichej, Tata Diospa sinch'i phiñakuynin tiyaykonqa, qankunatataj khuyasonqachej, tataykichejman tiluspa nisqanman jinataj ashkhata mirachisonqachej.

Deuteronomio 13:18

18 (19) Ajina kanqa sichus Tata Diosniykichejta kasuspa, kunan kamachisqasuyta junt'ankichej, jinataj paypa ñawpaqenpi cheqan kajta ruwankichej chayqa.

Deuteronomio 21:19

tatan maman llajtapi kaj kurajkunaman payta pusanqanku.

Hebreos 11:12

Ajinaqa Abraham wañusqa jinaña karqa chaypis, miraynin may chhika mana yupay atina karqa janajpi ch'askakuna jina, mama qocha kantupi t'iyu jinataj.

Hebreos 6:14

Jinapi pay Abrahamta nerqa: Noqa may jinata saminchasqayki. Mirayniykitapis may chhikaman tukuchisaj, nispa.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.