Génesis 22:14 - DIOSPA QHELQACHISQ

¹⁴ Chaypacha Abraham chay cheqata suticharqa: “Tata Dios qonqa”, nispa. Chayrayku kunankama ninku: “Orqopi Tata Dios qonqa”, nispa.

Qheshwa Biblia DC

¹⁴ Chay cheqata Abrahamqa suticharqa: Señorqa qon imachus mana kanchu chayta, nispa. Chayrayku kunan ninku: Uj orqopi Señorqa qon imachus mana kanchu chayta, nispa.

DIOSPA QHELQACHISQAN DEUTEROCANONICAL

¹⁴ Chaypacha Abraham chay cheqata suticharqa: “Tata Dios qonqa”, nispa. Chayrayku kunankama ninku: “Orqopi Tata Dios qonqa”, nispa.

Génesis 22:14 ပူးပေါင်းရင်းမြစ်များ

Génesis 22:13

Chantá Abraham qhawarispa, sach'a ukhupi uj carnerota rikorqa wajranmanta ch'ipaykusqata. Chantá pay carnerota aysamuytawan ñak'aspa, churinpa cuentamanta altarpi q'olachispa Diosman jaywarqa.

Génesis 22:15

Ujtawan Tata Diospa angelnin janaj pachamanta Abrahamta wajyaspa, nerqa:

Génesis 22:8

Abrahamtaj kuticherqa: Wawáy, Diosmin q'olachinanchejpaj corderota qowasunchej, nispa. Chantá iskayninku rillarqankupuni.

Génesis 28:19

Unay chay cheqaqa Luz sutiyoj karqa. Jacobtaj chay cheqata suticharqa: “Betel”, nispa.

Génesis 32:30

30 (31) Chantá Jacob chay cheqata “Peniel”, nispa suticharqa, nerqataj: Diospa uyanta rikuni, chaywanpis kawsashaniraj, nispa.

1 Reyes 17:8

Chaymantaqa Tata Dios Eliasta nerqa:

Éxodo 17:15

Chantá Moisés chaypi Tata Diospaj uj altarta ruwarqa, suticharqataj: “Tata Diosmin ñawpajta rej”, nispa.

Ezequiel 48:35

Llajtaj perqanqa tukuy muyuyninpi jisq'on kilómetro kanqa. Chay llajtaj sutenqa chay p'unchaymantapacha sutichasqa kanqa: Tata Diospa wasin, nispa.

Miqueas 4:10

Sión llajta, onqokushaj warmi jina nanaywan qhapariy, imaraykuchus runaykikuna qanmanta llojsenqanku, q'ara pampapi tiyamonqanku. Chaymantataj mana munaspapis, Babiloniaman apasqa kanqanku. Chaywanpis Tata Dios chaypi preciota pagaspa ayllunta kacharichenqa, awqanpa makinmantataj paykunata qhespichenqa.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

Deuteronomio 32:36

Chaypacha Tata Diosqa pisi kallpayojta, rikuspa ayllunman kutikonqa. Tata Diosqa kamachinkunamanta khuyakonqa, manaña kallpayoj, nitaj pisi kallpayoj qhepakusqankuta rikuspa.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

Jueces 6:24

Chaypi Gedeonqa Tata Diospaj uj altarta ruwaporqa, suticharqataj: “Tata Diosmin Sonqo Tiyaykoyqa”, nispa. Chay altarqa Abiezerpa ayllun ukhupi Ofrá llajtapi kunankama kashallanrajpuni.

1 Samuel 29:10

Chayrayku, qan, chantá kuraj kamachej Saulpa kamachinkuna qanwan jamorqanku, chaykunantin q'aya paqarin sut'iyajtinkama kutipunkichej, nispa.

1 Samuel 7:12

Chaymanta Samuelqa uj jatun rumita oqharispa, Mispá llajtawan Sen llajtawan tinkuypi churarqa. Chantá chay cheqata “Ebenezer”, nispa suticharqa. Chay niyta munan: “Kaykama Tata Dios yanapawarqanchej”, nispa.