Génesis 21:6 - DIOSPA QHELQACHISQ

⁶ Chantá Sara sonqonpi nerqa: Dios kusiymanta asichiwarqa. Wawayoj kasqayta tukuy yachajkunapis noqawan khuska kusikonqanku.

Qheshwa Biblia DC

⁶ Chaypacha Saraqa unancharqa: Dios asichiwarqa, kunanqa kayta yachajkuna noqawan khuska asikonqanku.

DIOSPA QHELQACHISQAN DEUTEROCANONICAL

⁶ Chantá Sara sonqonpi nerqa: Dios kusiymanta asichiwarqa. Wawayoj kasqayta tukuy yachajkunapis noqawan khuska kusikonqanku.

Génesis 21:6 ပူးပေါင်းရင်းမြစ်များ

Génesis 17:17

Ajinata Diospa nisqanta uyarispa, Abraham pampakama k'umuykorqa, chantá asirikuspa, sonqonpi nerqa: Pachaj watayoj runa wawayoj kayta atinmanrajchu? Saraqa jisq'on chunka watayojña kashaspapis, wawayojrajchu kanmanri? nispa.

Salmos 113:9

Mana wawa rejsej warmiman wawakunata qon, chay warmitaj wawakunayoj kasqanmanta kusikun. Tata Dios jatunchasqa kachun.

Salmos 126:2

Chaypacha noqayku jatunmanta asirikorqayku, kusiywantaj jatunmanta takerqayku. Chaypacha Tata Diosta mana qhatejkuna nerqanku: Tata Dios paykunapaj t'ukuna imakunata ruwasqa, nispa.

Isaías 49:15

Tata Diosrí kutichin: Uj warmi ñuñushaj wawitanta qonqarparinmanchu? Wijsanmanta llojsej wawanta manachu munakunman? Pay wawanta qonqapunman chaypis, noqaqa ni jayk'aj qanta qonqasqaykichu.

Isaías 49:21

Qantaj sonqoykipi ninki: Pitaj kay chhika wawakunata qowarqari? Noqajtaqa manapuni churiykuna karqachu, nitaj wawayoj kayta aterqanichu. Noqa karuman apachisqa, wijch'usqataj karqani. Pitaj kaykunata uywanman karqari? Noqataqa sapayta saqerpariwarqanku. Kaykunarí maypitaj karqankuri? nispa.

Isaías 54:1

Tata Dios nin: Jerusalén llajta, jatunmanta kusikuy ari, mana wawata rejsej warmi, mana wawata paqarichikuyta yachaj warmi. Jatunmanta takispa, kusikuy mana wijsallikuyta yachaj warmi, imaraykuchus saqerparisqa warmej wawankuna aswan ashkha kanqanku qosayoj warmej wawankunamanta nisqaqa.

Jeremías 20:15

Tatayta kusichej runaqa maldicisqa kachun: Uj qhari wawa paqaripusunki, nispa willajqa.

San Lucas 1:14

Qanpajqa ancha kusiypuni kanqa, jinallataj wajkunapajpis wawayki paqarisqanmanta,

San Lucas 1:58

Jinapi kawsaqenkuna, ayllunkuna ima Dios imaynatachus Elisabetta sumajta khuyarikusqanta uyarispa, paywan kusikorqanku.

Romanos 12:15

Kusikojkunawan kusikuychej, waqajkunawantaj waqaychej.

Hebreos 11:11

Sarapis mana wawa rejsiyta atej karqa, chantá payañataj. Chaywanpis Diospi atinikusqanrayku wawata rejsinanpaj kallpata jap'erqa, imaraykuchus Dios nisqanta junt'ananta tukuy sonqo jap'ikorqa.

1 Samuel 1:26

Chaypitaj Anaqa Elita nerqa: Tatáy, yachanki jina, unay qan rikushawajtiyki Tata Diosmanta mañakorqani, noqa chay warmi kani.