Génesis 21:22 - DIOSPA QHELQACHISQ

²² Chaypachallataj Abimelec, soldadonkunata kamachej Ficol ima Abrahamwan parlaj rerqanku: Yachayku Diosqa qanta tukuy ima ruwanaykipi yanapasusqanta.

Qheshwa Biblia DC

²² Chay tiempollapitaj Abimelecqa soldadosninta kamachejnin Ficolwan rerqanku Abrahamwan parlaj. Chayaspataj nerqanku: Rikuyku qanta Dios tukuy ima ruwasqasniykipi yanapasusqanta.

DIOSPA QHELQACHISQAN DEUTEROCANONICAL

²² Chaypachallataj Abimelec, soldadonkunata kamachej Ficol ima Abrahamwan parlaj rerqanku: Yachayku Diosqa qanta tukuy ima ruwanaykipi yanapasusqanta.

Génesis 21:22 ပူးပေါင်းရင်းမြစ်များ

Génesis 20:14

Chantá Abimelecqa Abrahamman warmin Sarata kutichiporqa. Chantá payman qollarqataj ovejakunata, wakakunata, qhari kamachikunata, warmi kamachikunata ima.

Génesis 20:17

Chaymanta Abrahamqa Diosmanta mañaporqa. Diostaj Abimelecta, jinallataj warmintapis, chantá warmi kamachinkunatapis thañichillarqataj, paykuna wawayoj kayta atinankupaj.

Génesis 20:2

Chaypi kashaspataj, Abrahamqa warmin Saramanta nerqa: Payqa panaymin, nispa. Chayrayku Gerarmanta kuraj kamachej Abimelecqa Sarata wasinman pusachimorqa.

Génesis 26:26

Chaymanta qhepata Abimelecqa Gerar llajtamantapacha Isaacwan parlaj rerqa. Paywantaj kawsaqen Ajuzat, soldadokunata kamachej Ficol ima rillarqankutaj.

Génesis 26:28

Paykunatajrí kuticherqanku: Noqayku reparayku qanwan Tata Dios kasqanta. Chayrayku qanwan uj tratota ruwayta munayku. Chay trato kay jina kanqa:

Génesis 28:15

Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

Génesis 30:27

Labantajrí kuticherqa: Ama ripuychu ari, kakullay. Noqa yachani qanrayku Tata Dios saminchaspa yanapawasqanta.

Génesis 31:5

Chayajtinkutaj, nerqa: Reparani tataykichejqa manaña ñawpajta jinachu qhawawasqanta. Chaywanpis tataypa Diosnenqa noqata yanapashawan.

2 Samuel 24:7

Chaymantataj Tiro llajtapi pukaraman rerqanku, heveokunajpata chantá cananeojpata tukuynin llajtankuman. Judamanta uranejmantaj llojsimorqanku, Berseba chaynejpitaj tukorqanku.

2 Crónicas 1:1

Davidpa churin Salomonqa Tata Diospa yanapasqan kuraj kamachej kasqanpi astawan kallpachakorqa, may atiyniyojtaj karqa.

Isaías 45:14

Chantá Tata Dios israelitakunaman nillantaj: Egipto suyumanta campo runakunata, Etiopiamanta ranqherokunata ima kamachinkichej. Jinallataj Sabá cheqamanta jatunkaray runakuna qankunaman k'umuykusonqanku, jinataj wata runaykichej kanqanku. Qhepaykichejta cadenawan watasqa jamonqanku. Ñawpaqeykichejman qonqoriykukuspataj, nisonqachej: Cheqapuni Diosqa qankuna ukhupi kashan, chay Diosmanta jawataj mana waj dios kanchu, nispa.

Isaías 8:10

Sumajtapis maqanakunapaj wakichikojtiykichej, qhasi manakajllapaj kanqa. Imata parlasqaykichejqa manapuni junt'akonqachu, imaraykuchus Diosqa noqaykuwan kashan, nispa.

Zacarías 8:23

Chay p'unchaypi waj llajtakunamanta chunka runakuna uj judíoj p'achanmanta jap'iykukuspa, nenqanku: Qankunawan riyta munayku, imaraykuchus uyariyku qankunawan Dios kasqanta, nispa.

San Mateo 1:23

Qharej mana chayasqan uj sipas wijsallikonqa, uj qhari wawatataj paqarichikonqa. Chay wawata Emanuel sutiwan sutichanqanku. Chay suti niyta munan: Diosqa noqanchejwan, nispa.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

1 Corintios 14:25

Ajinamanta sonqon ukhupi pakasqa kaj sut'inchasqa kanqa, paytaj qonqorikuspa, Diosta yupaychanqa: Cheqapuni Dios qankunawan kashan, nispa.

Hebreos 13:5

Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.

Josué 3:7

Chantá Tata Dios Josueta nerqa: Kunan p'unchaymantapacha israelitakunajpa ñawpaqenkupi jatun respetowan qhawanaman tukuchisqayki. Ajinapi paykuna yachanqanku noqaqa qanwanpuni kashasqayta, imaynatachus Moiseswan karqani, jinata.

Apocalipsis 3:9

Noqaqa Kuraj Supaypa t'aqanmanta kajkunata, pikunachus judío kasqankuta ninku, manataj judiochu kanku, chaykunata ruwasaj ñawpaqeykiman jamuspa qonqorikunankuta. Ajinamanta paykuna yachanqanku noqa qanta mayta munakususqayta.

1 Samuel 24:22

22 (23) Davidtaj tilorqa, chaymantataj Saulqa wasiman kutiporqa. Davidwan, runankunawantaj pakakusharqanku, chay chhankaman ripullarqankutaj.

1 Samuel 3:19

Samuelqa wiñarqa, Tata Diostaj payta yanaparqa, tukuy nisqanta junt'aspa.