Génesis 21:16 - DIOSPA QHELQACHISQ

¹⁶ Chantá karunejman rerqa, tiyaykukuspataj, sonqonpi nerqa: Waway wañojta ama rikusajchu, nispa. Wawataj waqayta qallarerqa.

DIOSPA QHELQACHISQAN DEUTEROCANONICAL

¹⁶ Chantá karunejman rerqa, tiyaykukuspataj, sonqonpi nerqa: Waway wañojta ama rikusajchu, nispa. Wawataj waqayta qallarerqa.

Génesis 21:16 ပူးပေါင်းရင်းမြစ်များ

Génesis 21:15

Apakusqanku yaku tukukapojtintaj, Agar churinta uj juch'uy sach'a uraman siriykucherqa.

Génesis 27:38

Esaurí tatanta nillarqapuni: Tatáy, ujllachu saminchayniyki karqa? Noqatapis saminchallawaytaj ari, nispa. Esautaj jatunmanta qhaparispa, mayta waqarikorqa.

Génesis 29:11

Chaymanta Jacobqa Raquelta uyanpi much'aykuspa napaykorqa, chantá mayta waqayta qallarerqa.

Génesis 44:34

Imaynatataj noqa mana sullk'ayta pusakapuspa tatayman kutiymanri? Mana atiymanchu. Mana tatayta llakiywan ñak'arejta rikuyta munanichu, nispa. Ajinata Judá Joseta nerqa.

1 Reyes 17:12

Chay warmisapatajrí kuticherqa: Tata Diosniykipis yachan, mana t'antay kanchu. Wich'ipi uj chhika jak'ulla tiyapuwan, yurupi uj chhika aceitewan ima. Kunanqa uj chhika llant'ata pallakusharqani wawaypaj, noqapajwan chayta chayarqochinaypaj. Chantá mikhuyta tukuytawan, chaymantaqa yarqhaymanta wañupusqaykupischari, nispa.

1 Reyes 3:26

Chantá chay kawsashaj wawaj mamanqa wawanrayku maytapuni llakikuspa, kuraj kamachejta nerqa: Wiraqochi kuraj kamachejníy, ama wañuchiychejchu chay kawsashaj wawata. Kay warmiman qopuychej, nispa. Chay uj warmitajrí nerqa: Wañuchiychej, ni paypaj ni noqapaj kachunchu. Iskayman khuchurpariychej, nispa.

Ester (hebreo) 8:6

Imaynatataj noqaqa qhawakullayman judío masiykunaman kay llakiy chayanantari? Imaynatataj saqellayman yawar masiykuna tukuchisqa kanankutari? nispa.

Isaías 49:15

Tata Diosrí kutichin: Uj warmi ñuñushaj wawitanta qonqarparinmanchu? Wijsanmanta llojsej wawanta manachu munakunman? Pay wawanta qonqapunman chaypis, noqaqa ni jayk'aj qanta qonqasqaykichu.

Jeremías 6:26

Ayllúy, qhashqa p'achata churakuy, ushphapitaj qhoshpaspa, llakiyniykita rikuchiy. Luto p'achata churakuspa, sonqo nanayta waqay, imaynatachus pipis uj k'ata wawan wañupojtin waqan, ajinata, imaraykuchus wañuchejkuna contraykipi ñapis jamonqankuña, nispa.

Amós 8:10

Raymiykichejta waqanaman tukuchisaj, takisqaykichejtapis llakiy yarawiman. Lutochisqaykichej, umaykichejtataj t'ojluchisqaykichej, sinch'i llakisqa kasqaykichej yachakunanpaj. Waqankichej, imaynatachus uj runa waqan k'ata wawan wañupojtin, jinata. Tukuy imataj may llakiyman tukonqa, nispa.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

San Lucas 15:20

Sayariytawantaj, waynaqa tatanpaman kutipusqa. Karullapiraj kashajtintaj, tatanqa wawanta rikuspa, mayta khuyarikusqa. Chantá usqhayta taripamuspa, wawanta ojllaykusqa, much'aykusqataj.

Jueces 2:4

Tata Diospa angelnin parlayta tukojtinkama, tukuynin israelitakuna sinch'imanta waqayta qallarerqanku.

Rut 1:9

Jinataj Tata Diosqa munachun ujtawan casarakuspa k'acha kawsayta tarinaykichejta, nispa. Chantá Noemí paykunata much'aykorqa. Paykunatajrí mayta waqarikuspa,

1 Samuel 24:16

16 (17) David parlayta tukojtin, Saulqa qhaparispa, nerqa: Qanqa waway Davidsina kankeqa, nispa. Chantá Saúl mayta waqarikorqa.

1 Samuel 30:4

Chantá Davidwan, runankunapiwan jatunmanta qhaparispa, manaña atinankukama waqarqanku.