Génesis 20:5 - DIOSPA QHELQACHISQ

⁵ Kikin Abraham niwarqa Saraqa paypa panallan kasqanta. Sarapis nillawarqataj Abrahamqa turan kasqanta. Chayrayku mana sonqoy juchachawanchu, imajtinchus mana ni ima millayta ruwanichu, nispa.

Qheshwa Biblia DC

⁵ Noqamanqa kikin Abraham niwan Saraqa paypata panallan kasqanta, Sarapis nillawantaj Abrahamqa turampuni kasqanta. Chayrayku noqaqa allinmanta ruwani mana kajtachu tukuy cheqan sonqoywan.

DIOSPA QHELQACHISQAN DEUTEROCANONICAL

⁵ Kikin Abraham niwarqa Saraqa paypa panallan kasqanta. Sarapis nillawarqataj Abrahamqa turan kasqanta. Chayrayku mana sonqoy juchachawanchu, imajtinchus mana ni ima millayta ruwanichu, nispa.

Génesis 20:5 ပူးပေါင်းရင်းမြစ်များ

Génesis 12:13

Chayrayku niy ari, qan noqaj panay kasqaykita, qanrayku ama wañuchinawankupaj, manachayqa allin rinawanpaj, nispa.

Génesis 20:13

Maypachachus Dios llajtaymanta ripunayta kamachiwarqa chaypacha, noqa warmiyta nerqani: Maymanchá chayasunchej, chaypi qan ninki: Payqa turaymin, nispa.

Génesis 20:16

Chaymantataj Abimelecqa Saratañataj nerqa: Turaykiman waranqa phisu qolqeta qoni. Chay kanqa, qan allin warmi kasqaykita tukuy runakuna yachanankupaj. Ajinaqa mana pipis qanmanta manakajta parlayta atenqachu, nispa.

1 Reyes 9:4

Kunantaj qan tatayki David jina cheqan sonqowan puriy, mana k'amina, tukuy ima nisqaytataj junt'ay, kamachisqayta, nisqaytawan kasuspa.

2 Reyes 20:3

Tata Dios, noqamanta yuyarikuy, imaynatachus cheqanta, allin sonqowantaj ñawpaqeykipi purisqaymanta, munayniykiman jina ruwaspa, nispa. Chantá Ezequías manchay llakisqa waqarikorqa.

1 Crónicas 29:17

Noqa yachani, Diosníy, qanqa runaj sonqota allinta qhawasqaykita, cheqan kajtaj qanta kusichisusqanta. Chayrayku kay tukuyta tukuy sonqo qanman qoyki. Kunanqa kusisqa rikushani, kaypi tantasqa israelitakuna tukuy sonqo qanman qosusqankumanta.

Job 33:9

Noqaqa llimphu kani, mana juchayojchu. Noqaqa mana pantanichu, nitaj juchallinichu.

Salmos 24:4

Kay jina runalla Tata Diospa Templonpi kayta atin: Llimphu kawsayniyoj kaj, llimphu sonqoyoj kaj, pichus lantikunata mana yupaychaj, nitaj llullakuspa tiloj ima.

Salmos 25:21

Cheqan ruwasqay, mana juchayoj kasqay ima waqaychawachunku, imaraykuchus qan yanapanawaykita suyakuni.

Salmos 26:6

Tata Dios, makeyqa tukuy juchamanta llimphuchasqaña. Chayrayku altarniykiman qayllaykuyta munani.

Salmos 7:8

8 (9) Tata Dios, qan tukuy runata juzganki. Tata Dios, noqataqa cheqan kasqayman jina juzgaway, mana juchayoj kasqayman jinataj qhawaway.

Salmos 7:9

9 (10) Cheqanta ruwaj Dios, qan runaj sonqonta rejsinki, runaj sonqon ukhutapis qhawallankitaj. Millayta ruwaspa purejkunata chinkachiy, cheqan sonqoyoj runatarí sinch'ita sayachiy.

Salmos 73:13

Ajina kajtenqa, llimphu sonqo kawsakusqayqa yanqhalla, yuyayniyta ch'ichi yuyanamanta qhawasqaypis qhasi manakajlla.

Salmos 78:72

Davidtaj Diospa ayllunta tukuy sonqo micherqa. Allin yachaywan, cheqan sonqowantaj payqa oveja tropata jina paykunata kamacherqa.

Proverbios 11:3

Cheqan runataqa cheqan kawsakuynin kawsachin, puraj uya runakunatarí wasanchasqan chinkachin.

Proverbios 20:7

Cheqan runaqa llimphuta kawsaspallapuni purin. Churinkunapis pay jina kawsaspa, may kusikuyniyoj kanqanku.

Daniel (hebreo) 6:22

22 (23) Arí, Diosniymin angelninta kachamorqa, paytaj leonkunaj siminkuta wisq'aykorqa, ama imananawankupaj. Ajinata Dios ruwarqa, imaraykuchus pay yachan mana juchayoj kasqayta, yachallantaj mana imatapis contraykipi ruwasqayta, nispa.

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

1 Tesalonicenses 2:10

Qankuna yachankichej, Diospis yachallantaj, imaynatachus qankuna ukhupi allinta purisqaykuta, cheqanta ruwasqaykuta, chantá mana imamantapis k'aminapaj jina kasqaykuta ima.

1 Timoteo 1:13

Ñawpajta Cristoj contranta rimaj kani. Jinataj payta chejnispa qhatiykachaj kani, paypajtaj millayta parlaj kani. Chaywanpis pay khuyarikuwarqa, imaraykuchus noqa manaraj Cristomanta jap'ikushaspa, imatachus ruwashasqayta mana yacharqanichu.

Josué 22:22

Tukuy dioskunaj Diosnin yachan, mana paypa contranpichu, nitaj paymanta karunchakuyta munaspachu kay altarta ruwasqaykuta. Pay yachan imaraykuchus ruwasqaykuta, kunantaj qankunapis yachallaychejtaj. Sichus Tata Diospa contranta oqharikuyta munaspa, paymanta t'aqakunaykurayku kay altarta ruwayku chayqa, kunanpacha wañurachiwayku.