Génesis 20:1 - DIOSPA QHELQACHISQ

¹ Abraham maypichus kasharqa, chaymanta Néguev chaynejman riporqa. Chantá Gerar llajtapi tiyakorqa. Chay llajtaqa Cadeswan Shurwan chawpinnejpi kashan.

Qheshwa Biblia DC

¹ Abrahamqa maypichus kasharqa chaymanta riporqa Neguev jallp'aman. Chaypitaj jarakuspa toldota wakichikorqa. Chaytaj karqa Cadeswan Shurwan tinkuypi. Chaypi pay tiyakorqa; chay llajtaj sutintaj Gerar.

DIOSPA QHELQACHISQAN DEUTEROCANONICAL

¹ Abraham maypichus kasharqa, chaymanta Néguev chaynejman riporqa. Chantá Gerar llajtapi tiyakorqa. Chay llajtaqa Cadeswan Shurwan chawpinnejpi kashan.

Génesis 20:1 ပူးပေါင်းရင်းမြစ်များ

Génesis 10:19

Cananeokunaj jap'iyninku Sidonmantapacha Gerarpi Gaza llajtakama karqa, chaymantataj Sodoma, Gomorra llajtanejmanta, Adma, Zeboyinnejmanta Lasa llajtakama.

Génesis 12:9

Chaymantataj Abramqa Néguev nisqa cheqanejman alliymanta alliy rillarqapuni.

Génesis 13:1

Abramqa Egiptomanta ripuspa, warminwan, chantá tukuy imanwan Néguev nisqa ch'innejman kutiporqa. Lot sobrinonpis paykunawan khuska rillarqataj.

Génesis 14:7

Quedorlaomerqa, pikunachus paywan kasharqanku, chaykunawan kutimushaspa, Enmispatman chayarqanku. Chay cheqajta ujnin sutin Cadés karqa. Chantá Amalec llajtayojkunaj jap'iyninkupi tarisqanku chhikata, tukuyninta tukucherqanku. Jinallataj Jasesón Tamarpi tiyakoj amorreokunatapis wañucherqanku.

Génesis 16:1

Abrampa warmin Saraiqa mana wawayoj kayta aterqachu. Jinapis Saraijta Egipto llajtayoj uj warmi wata runan tiyaporqa. Chay warmej sutintaj Agar karqa.

Génesis 16:14

Chayrayku chay pujyutapis sutichallarqataj: “Rikuwaj kawsaj Diospa pujyun”, nisqa. Chay pujyoqa Cadeswan Beredwan ima tinkuypi kashan.

Génesis 16:7

Chantá Tata Diospa angelnin Agarta tariparqa Shur nisqa ch'innejpi, Egiptoman rina ñan patapi kaj yaku pujyu qayllapi.

Génesis 18:1

Abraham chaypacha Mamrej encina sach'an chaynejpi jarasqa karqa. Chantá chawpi p'unchay chay chayta Abram jaranpa punkunpi tiyarikushajtin, Tata Dios payman rikhurerqa.

Génesis 21:34

Chantá Abraham Filistea suyupi unayta tiyakorqa.

Génesis 24:62

Chaykama Isaacqa “Rikuwaj Kawsaj Diospa Pujyun”, nisqa pujyumanta kutimusqa, imaraykuchus payqa Néguev nisqa cheqanejpi tiyakusharqa.

Génesis 25:18

Mirayninmanta kajkunataj Javilawan Shurwan tinkuypi tiyakorqanku. Chayqa Egiptoj chimpanpi, Asiriaman rina ñanpi kashan. Paykunaqa wawqenkuna mana munashajtinkupis chaypi tiyakorqanku.

Génesis 26:1

Chaypacha tukuy chay cheqanejpi manchay yarqhay karqa, imaynachus Abraham kawsashajtin karqa, jinallataj. Chayrayku Isaacqa Gerarman tiyakoj riporqa, maypichus filisteokunaj kuraj kamachejninku Abimelec tiyakorqa, chayman.

Génesis 26:20

Chayta rikuspa, Gerarmanta michejkunaqa Isaacpa michejninkunawan maqanakorqanku: Noqaykojta chay yakoqa, nispa. Chayrayku Isaac chay pujyuta suticharqa: “Maqanaku Pujyu”, nispa.

Génesis 26:26

Chaymanta qhepata Abimelecqa Gerar llajtamantapacha Isaacwan parlaj rerqa. Paywantaj kawsaqen Ajuzat, soldadokunata kamachej Ficol ima rillarqankutaj.

Génesis 26:6

Jinamanta Isaacqa Gerarpi qhepakorqa.

Salmos 29:8

Tata Diospa parlasqanqa ch'innejta kharkatichin. Tata Diosqa Cades sutiyoj ch'innejta kharkatichin.

Éxodo 15:22

Chantá Moisés israelitakunata nerqa Puka Mama Qocha kantumanta puririnankuta. Chaymanta paykunaqa Shur nisqa ch'innejman rispa, kinsa p'unchayta purerqanku, manataj ujyanankupaj yakuta tarerqankuchu.

Números 13:26

Parán nisqa ch'innejpi Cadesman kutimporqanku. Chaypi Moisés, Aarón, chantá tukuy israelitakuna ima suyasharqanku. Chantá kachasqakunaqa imatachus rikusqankuta paykunaman willarqanku. Chay jallp'amanta apasqanku poqoytapis rikuchillarqankutaj.

Números 20:16

Chantá Tata Dios yanaparinawaykuta mañarikorqayku. Paytaj mañakusqaykuta uyarispa, Egiptomanta orqhonawaykupaj angelninta kachamorqa. Kunanqa jallp'aykiwan tinkuypi, Cades llajtapi kashayku.

Deuteronomio 1:19

Chantá Tata Dios kamachiwasqanchejman jina Horebmanta puririspa, amorreokunaj orqorara cheqanejman chayarqanchej. Tata Diosninchej kamachiwasqanchejman jina purerqanchej, chay jina manchachikuna jatun ch'innejta Cadés Barneaman chayananchejkama. Chayta qankuna rikorqankichej.

Deuteronomio 32:51

Qanwan, Aaronwan ima Zin sutiyoj ch'innejpi, chantá Cades Meribapi yaku llojsimushajtin, noqaj contrayta juchallerqankichej. Israelitakunaj ñawpaqenkupitaj mana jatunchawarqankichejchu.

1 Samuel 15:7

Chantá Saulqa maqanakuspa amalecitakunata atipaykorqa, Javilá llajtamantapacha Shur nisqa ch'in pampakama. Chayqa Egiptowan tinkuypiña kashan.