Génesis 2:9 - DIOSPA QHELQACHISQ

⁹ Chay huertapi Tata Dios tukuy imaymana sach'akunata wiñacherqa. Chay sach'akunaqa ima munay karqa, poqoyninkutaj mikhunapaj sumaj karqa. Huerta chawpipi pay kawsachej sach'ata wiñachillarqataj, jinallataj allin kajta mana allin kajta yachana sach'atapis.

Qheshwa Biblia DC

⁹ Chay huertapi Señor Dios wiñacherqa tukuy laya sumaj poqoj sach'asta mikhunapaj. Huerta chaupitaj karqa kausay sach'a, wiñachillarqataj allin kajta mana allin kajta rejsina sach'atapis.

DIOSPA QHELQACHISQAN DEUTEROCANONICAL

⁹ Chay huertapi Tata Dios tukuy imaymana sach'akunata wiñacherqa. Chay sach'akunaqa ima munay karqa, poqoyninkutaj mikhunapaj sumaj karqa. Huerta chawpipi pay kawsachej sach'ata wiñachillarqataj, jinallataj allin kajta mana allin kajta yachana sach'atapis.

Génesis 2:9 ပူးပေါင်းရင်းမြစ်များ

Génesis 2:17

Allin kajta mana allin kajta yachana sach'aj poqoynillanta amapuni mikhunkichu. Chay sach'aj poqoynintachus mikhunki chayqa, wañunki, nispa.

Génesis 3:22

Chantá Tata Dios nerqa: Runaqa allin kajta mana allin kajta yachaspa, noqanchej jinaman tukun. Sichus kawsachej sach'aj poqoyninmanta mikhullanmantaj chayqa, wiñaypaj kawsayta atinman, nispa.

Génesis 3:24

Chantá runata qharqospa, Tata Diosqa Edén huertaj inti llojsimuynejman querubinkunata churarqa. Jinallataj uj lawrashaj espadatawan churallarqataj, muyuyninta muyuspa jark'ananpaj amapuni pipis kawsachej sach'aman qayllaykunanpaj.

Génesis 3:3

Huerta chawpipi kaj sach'aj poqoynillanmanta Dios niwarqayku: Ama mikhunkichejchu, ni llankharillankichejpischu. Chaymantachus mikhunkichej chayqa, wañunkichej, nispa.

Génesis 3:5

Dios allinta yachan kay sach'aj poqoyninta mikhojtiykichej, ñawiykichej kicharikunanta. Chantá yachallantaj allin kajta, jinataj mana allin kajta yachaspa, Dios jina kanaykichejta, nispa.

Proverbios 11:30

Cheqan kajta ruwanaqa runata kawsachin, yachayniyojtaj wajkunaj sonqonkuta suwan.

Proverbios 3:18

Yachayniyoj kayta pichus tarejpajqa kawsay sach'a jina. Kusikuyniyojmin kanku chayta jap'ispa mana kacharejkunaqa.

Isaías 44:25

Noqaqa llulla sut'inchajkunata pantachini, layqakunatapis p'enqayman churani. Yachayniyojkunata qhepaman kutirichini, yachayninkutataj manakajman tukuchini.

Isaías 47:10

Qanqa millay ruwasqaykipi atinikuspa, nerqanki: Mana pipis rikuwanchu, nispa. Qantaqa yachasqayki, yuyasqayki ima q'otiyasunku. Qantaj sonqoykipi nerqanki: Noqalla kani, noqamanta jawaqa mana waj kanchu, nispa.

Ezequiel 31:16

Urmachisqay sach'ata ukhu pachaman kachaykorqani, pikunachus ñawpajta wañorqanku, chaykunawan khuska kananpaj. Chayta uyarispa, tukuy suyukuna kharkatiterqanku. Edenpi kaj tukuy ajllasqa sach'akuna, chantá Libanopi astawan sumachaj sach'akuna, jinallataj yakuwan sumaj qarpasqa sach'akunapis ukhu pachapi sonqochasqa karqanku.

Ezequiel 31:18

Chantá Tukuyta Kamachej Tata Dios watejmanta Egiptota nerqa: Edén huertapi kaj sach'akunamanta ni mayqen sach'apis qanwan ninakorqachu, chay jina k'acha qhallallashaj jatun kayniykiwan. Chaywanpis Edenpi kaj tukuy sach'akunawan khuska ukhu pachaman urmachisqa kanki. Noqa cheqa kaj Diosta mana rejsejkunawan wijch'urayanki, maqanakupi wañuchisqakunawan khuska. Chay sach'aqa faraonmin, tukuy runankuna ima. Noqa Tukuyta Kamachej Tata Dios ajinata nini.

Ezequiel 47:12

Mayu puraj kantunpi tukuy imaymana poqoj sach'a wiñanqanku. Chay sach'akunaj laqhenku mana urmanqankuchu, poqoyninkutaj mana jayk'ajpis tukukonqachu. Sapa killa poqonqanku, imaraykuchus Diosta yupaychana wasimanta llojsej yakuwan qarpasqa kanqanku. Poqoyninkoqa mikhunapaj allin kanqa, laqhenkunataj jampipaj sumaj kanqa, nispa.

San Juan 6:48

Noqamin kawsayta qoj t'anta kani.

1 Corintios 8:1

Kunanqa lantikunaman jaywasqa mikhunamanta tapuwasqaykichejman kutichiyta munani. Tukuyninchej kaymanta yachanchejña. Chaywanpis yachayniyoj kanaqa may kasqanchejta yuyachiwanchej. Munakuyniyoj kanarí iglesiata kallpachan.

Deuteronomio 6:25

Ajinaqa, sichus kamachisqanman jina Tata Diospa ñawpaqenpi tukuy kamachisqanta kasusunchej chayqa, cheqanpaj qhawasqa kasunchej, nispa.

Apocalipsis 2:7

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.

Apocalipsis 22:14

Kusisqamin kanku pikunachus p'achankuta t'ajsakunku chaykunaqa. Ajinamanta paykuna kawsachej sach'amanta poqoyta mikhonqanku, mosoj llajtamantaj punkunejta yaykuyta atenqanku.

Apocalipsis 22:2

Chay mayoqa llajtaj jatun callenpa chawpinta purisharqa, chay mayoj puraj chimpanpitaj kawsachej sach'akuna karqa, mayqenchus sapa wata chunka iskayniyoj kutita poqoj, sapa killa uj kutita, chay sach'a. Chay sach'akunaj laqhentaj kay pachapi tukuy runata qhaliyachinanpaj jampi karqa.