Génesis 2:8 - DIOSPA QHELQACHISQ

⁸ Tata Dios inti llojsimuynejpi, Edén sutiyoj cheqanejpi uj qhallallaj huertata ruwarqa, chaymantaj runata churarqa.

Qheshwa Biblia DC

⁸ Señor Dios uj qhallallaj huertata Edempi ruwarqa inti llojsimuynejpi; chaymantaj churarqa chay runa ruwasqanta.

DIOSPA QHELQACHISQAN DEUTEROCANONICAL

⁸ Tata Dios inti llojsimuynejpi, Edén sutiyoj cheqanejpi uj qhallallaj huertata ruwarqa, chaymantaj runata churarqa.

Génesis 2:8 ပူးပေါင်းရင်းမြစ်များ

Génesis 13:10

Chantá Lotqa tukuynejta qhawarqa, astawanqa Jordán mayu valleta Soar juch'uy llajtakama. Chay jallp'aqa yakuyoj karqa, Tata Diospa huertan jina sumaj, Egiptopi jallp'aman rijch'akojtaj. Chay karqa, manaraj Tata Dios Sodoma llajtata, Gomorra llajtatawan chinkachishajtin.

Génesis 3:23

Chayrayku Tata Diosqa runata Edén huertamanta qharqorqa, churarqataj jallp'ata llank'ananpaj, jallp'amanta ruwasqa kasqanrayku.

Génesis 3:24

Chantá runata qharqospa, Tata Diosqa Edén huertaj inti llojsimuynejman querubinkunata churarqa. Jinallataj uj lawrashaj espadatawan churallarqataj, muyuyninta muyuspa jark'ananpaj amapuni pipis kawsachej sach'aman qayllaykunanpaj.

Génesis 4:16

Ajinata Cainqa Tata Diosmanta karunchakuspa, Nodman tiyakoj riporqa. Nodqa Edenmanta inti llojsimuynejpi kashan.

2 Reyes 19:12

Ñawpa tataykuna Gozán suyuta, Jaranta, Resefta chantá Edenpi tiyakojkunata chinkachishajtinku, diosninku paykunata makinkumanta kacharichiyta aterqankuchu?

Isaías 51:3

Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

Ezequiel 27:23

Jaranmanta kaj runakuna, Canemanta, Edenmanta kaj runakunapiwan qanwan ranqheyallajtaj kanku. Jinataj Sabamanta, Asiriamanta, chantá tukuynin Quilmadmanta runakuna qanwan ranqheyanankupaj tratota ruwarqanku.

Ezequiel 28:13

Diospa huertan Edén ukhupi kasharqanki. Tukuy imaymana lliphipirishaj k'achitu rumikunawan k'achanchasqa p'achayoj karqanki: Rubimanta, crisolitomanta, jademanta, topaciomanta, onicemanta, jaspemanta, zafiromanta, granatemanta, esmeraldamantawan ima. K'achanchakunayki, jaluchuykikuna ima qorimanta karqanku. Maypachachus ruwasqa karqanki chaypacha, chay tukuy ima qanpaj wakichisqa karqa.

Ezequiel 31:16

Urmachisqay sach'ata ukhu pachaman kachaykorqani, pikunachus ñawpajta wañorqanku, chaykunawan khuska kananpaj. Chayta uyarispa, tukuy suyukuna kharkatiterqanku. Edenpi kaj tukuy ajllasqa sach'akuna, chantá Libanopi astawan sumachaj sach'akuna, jinallataj yakuwan sumaj qarpasqa sach'akunapis ukhu pachapi sonqochasqa karqanku.

Ezequiel 31:18

Chantá Tukuyta Kamachej Tata Dios watejmanta Egiptota nerqa: Edén huertapi kaj sach'akunamanta ni mayqen sach'apis qanwan ninakorqachu, chay jina k'acha qhallallashaj jatun kayniykiwan. Chaywanpis Edenpi kaj tukuy sach'akunawan khuska ukhu pachaman urmachisqa kanki. Noqa cheqa kaj Diosta mana rejsejkunawan wijch'urayanki, maqanakupi wañuchisqakunawan khuska. Chay sach'aqa faraonmin, tukuy runankuna ima. Noqa Tukuyta Kamachej Tata Dios ajinata nini.

Joel 2:3

Chaykuna, imaynatachus nina tukuy ima tarisqanta ruphaykun, ajinata ruwanku. Manaraj chay p'unchay chayamushajtin, jallp'aqa Edén huerta jina karqa. Ripojtinkurí, ch'in q'ara pampaman tukun. Paykunaj makinkumantaqa mana imapis llusp'inchu.