Génesis 2:25 - DIOSPA QHELQACHISQ

²⁵ Chaypacha qharipis warmipis q'alalla kasharqanku, manataj q'alalla kasqankumanta p'enqakorqankuchu.

Qheshwa Biblia DC

²⁵ Iskayninkutaj qhari warmi q'alaslla kasharqanku, manataj p'enqakorqankuchu ajina kasqankumanta.

DIOSPA QHELQACHISQAN DEUTEROCANONICAL

²⁵ Chaypacha qharipis warmipis q'alalla kasharqanku, manataj q'alalla kasqankumanta p'enqakorqankuchu.

Génesis 2:25 ပူးပေါင်းရင်းမြစ်များ

Génesis 3:7

Paykuna mikhusqankutawankamataj, sut'ita qhawarqanku, reparakorqankutaj q'alalla kashasqankuta. Chayrayku higo laqhemanta qhatanata sirakuspa, chaywan mayt'uykukorqanku.

Salmos 25:3

Qanpi suyakojqa mana ujpis p'enqachisqachu kanqa. Aswanpis contraykipi qhasimanta oqharikojkunamá p'enqaypi rikhurichunku.

Salmos 31:17

17 (18) Qanta qhaparikamuyki, Tata Dios, ama p'enqayman churawaychu. Manachayqa millay ruwajkunata p'enqaypi rikhurichiy, jallp'aj sonqonpitaj ch'inlla kachunku.

Éxodo 32:25

Moisés rikorqa Aarón qhawakullasqanrayku, israelitakuna kacharparisqa jina munasqankuta ruwashasqankuta. Rikullarqataj israelitakunaqa tukuy awqanku asikunankupaj jina kashasqankuta.

Isaías 44:9

Lantikunata ruwajkuna qhasi manakaj kanku, may jina munasqa ruwasqankupis qhasi manakajlla. Chaykunata yupaychajkunaqa ñawsa kanku, nitaj imatapis yachankuchu. Chayrayku p'enqachisqa kanqanku.

Isaías 47:3

Q'ara ukhuyki rikukonqa, p'enqayniykipis sut'ipacha kanqa. Mana khuyarikuspa, qanmanta vengakusaj, manataj pipis jark'ayta atiwanqachu.

Isaías 54:4

Ama manchachikuychu ari. Qanqa manaña p'enqachisqachu kanki. Ama p'enqakuychu, imaraykuchus manaña k'umuykachachisqachu kanki. Qanqa sipas kashaspa, p'enqakoj kasqaykita qonqayman churanki, manallataj yuyarikunkichu warmisapa kashaspa k'umuykachasqaykimantapis.

Jeremías 17:13

Tata Dios, qanmin Israelpa suyakuynenqa kanki. Pichus qanta wasanchasojqa p'enqachisqa kanqa. Qanmanta tukuy karunchakojkuna chinkarenqanku, jallp'api runaj sutin qhelqasqa jina, imaraykuchus Tata Diosta saqerparerqanku, pichus paykunapaj kawsaj yaku juturi jina karqa, chayta.

Jeremías 6:15

Chay millay imakunata ruwasqankumanta p'enqakorqankuchu? Mana, manapuni p'enqakorqankuchu, nitaj imachus p'enqakuy kasqanta yachankuchu. Chayrayku jasut'inay p'unchaypi ujkuna jina jayt'akuspa urmanqanku. Noqa Tata Diosmin chayta nini.

Ezequiel 16:61

Yuyarikunkitaj millayta purisqaykimanta, p'enqakunkitaj maypachachus kuraj ñañaykita, sullk'aykitapis ususiykikuna kanankupaj qosqayki chaypacha. Ñawpa tratota ruwasqaypi mana chayta ruwanayta nerqanichu chaypis, chaytapuni ruwasaj.

Joel 2:26

Chantá qankuna sumajta sajsakunaykichejkama mikhunkichej, Tata Diosniykichejtataj yupaychawankichej. Noqamin chay t'ukunata qankunarayku ruwasaj. Chayrayku qankuna aylluy manaña jayk'ajpis p'enqachisqachu kankichej.

Marcos 8:38

Sichus pipis noqamanta chantá nisqaymantawan kay khuchichakoj juchasapakunaj ñawpaqenkupi p'enqakun chayqa, noqa Runaj Churinpis chay runamanta p'enqakullasajtaj, maypachachus Tata Diosniypa jatun kayninpa lliphipiyninpi, ajllasqa angelninkunawan kutimusaj, chaypacha, nispa.

San Lucas 9:26

Sichus pipis noqamanta, chantá nisqaymantawan ima p'enqakun chayqa, Runaj Churinpis paymanta p'enqakullanqataj. Ajinata ruwanqa, maypachachus jatun kayninpa lliphipiyninpi kutimonqa, chantá Tatanpa jatun kayninpa lliphipiyninwan, ajllasqa angelkunaj lliphipiyninkuwan ima, chaypacha.

Romanos 10:11

Diospa Qhelqachisqanpi nillantaj: Tukuy pichus paypi atinikojqa mana ch'awkiyasqachu kanqa, nispa.