Génesis 2:17 - DIOSPA QHELQACHISQ

¹⁷ Allin kajta mana allin kajta yachana sach'aj poqoynillanta amapuni mikhunkichu. Chay sach'aj poqoynintachus mikhunki chayqa, wañunki, nispa.

Qheshwa Biblia DC

¹⁷ Allin kajta mana allin kajta rejsina yachay sach'aj poqoynillanta amapuni mikhunkichu; chay sach'aj poqoynintachus mikhunki chayqa, wañunki.

DIOSPA QHELQACHISQAN DEUTEROCANONICAL

¹⁷ Allin kajta mana allin kajta yachana sach'aj poqoynillanta amapuni mikhunkichu. Chay sach'aj poqoynintachus mikhunki chayqa, wañunki, nispa.

Génesis 2:17 ပူးပေါင်းရင်းမြစ်များ

Génesis 2:9

Chay huertapi Tata Dios tukuy imaymana sach'akunata wiñacherqa. Chay sach'akunaqa ima munay karqa, poqoyninkutaj mikhunapaj sumaj karqa. Huerta chawpipi pay kawsachej sach'ata wiñachillarqataj, jinallataj allin kajta mana allin kajta yachana sach'atapis.

Génesis 20:7

Kunanqa chay warmita qosanman kutichipuy, imaraykuchus payqa noqamanta sut'inchajmin. Paytaj kawsanaykipaj qanrayku noqamanta mañapusonqa. Warmintachus mana kutichipunki chayrí, qan, chantá tukuy qanpata kajkuna ima wañunkichejpuni, nispa.

Génesis 3:11

Chantá Tata Dios taporqa: Q'alalla kasqaykita, pitaj nerqasunkiri? Mana mikhunaykita nerqayki, chay sach'aj poqoynintachu mikhorqanki? nispa.

Génesis 3:17

Chantá Tata Dios qharitañataj nerqa: Warmiykita kasuspa, mana mikhunaykita nerqayki chay sach'aj poqoyninmanta mikhusqaykirayku, kunanqa jallp'a maldicisqa kanqa. Chayrayku kawsanaykikama sayk'uy sayk'uyta llank'aspa mikhunki.

Génesis 3:19

Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

1 Reyes 2:37

Sichus kaymanta llojsispa, Cedrón wayq'ota chimpawaj chayqa, wañuchisqapuni kanki, wañunaykipajqa qanlla juchayoj kanki, nispa.

1 Reyes 2:42

Chantá kuraj kamachejqa Simeyta wajyachimuspa, nerqa: Manachu Tata Diospa sutinrayku tiluchispa, nerqayki: Sichus kaymanta maymanpis llojsinki chayqa, wañuchisqa kanki? nispa. Qantaj niwarqanki: Niwasqaykeqa allin. Noqa kamachiyki kasusqayki, nispa.

Jeremías 26:8

Tata Diospa nisqanta parlayta tukojtinkamataj, sacerdotekuna, sut'inchajkuna, tukuy llajtapi kaj runakunapis Jeremiasta jap'iytawan, nerqanku: Kunan wañunki.

Ezequiel 18:13

Manuspaqa, interesniyojta mañanman, ancha ashkhata ganayta mask'aspa. Ajina millayta ruwasqanrayku chay runaqa manapuni kawsanqachu. Chay runaqa wañunanpuni tiyan, wañunanpajtaj paylla juchayoj kanqa.

Ezequiel 18:32

Noqa manapuni ni pi wañunanta munanichu. Chayrayku millay ruwasqaykichejmanta t'aqakuspa, kawsanaykichejpaj noqaman kutirikamuychej. Noqa Tukuyta Kamachej Tata Dios chayta nini.

Ezequiel 18:4

Noqajtamin tukuy runakuna kanku, tatapis, jinallataj wawapis. Noqataj kayta nini: Pichus juchallejqa, chaymin wañonqapuni, nispa.

Ezequiel 33:14

Ichapis mana allinta ruwaj runata noqa niyman: Qan juchaykirayku wañunkipuni, nispa. Paytajrí juchanmanta kutirikuspa, allinta purinman, cheqantataj ruwanman.

Ezequiel 33:8

Sichus noqa juchasapa runata nini: Mana allinta ruwaj runa, cheqapuni wañunki, nispa chayqa, qantaj mana allinta ruwasqanmanta karunchakunanpaj mana reparachinkichu chayqa, mana allinta ruwaj runaqa juchanrayku wañonqa. Noqatajrí chay runa wañusqanmanta cuentata qanmanta mañasqayki.

Números 26:65

Tata Dios paykunaman nisqa: Ch'innejpi wañunkichej, nispa. Chayrayku paykunamanta mana ujpis kawsashaj karqañachu. Yefunej churin Calebwan, Nunpata churin Josuellawan mana wañorqankuchu.

Romanos 1:32

Paykunaqa Diospa juicionmanta yachashaspa, yachallankutaj pichus chaykunata ruwajkunaqa wañunankupaj juchachasqa kanankuta. Ajina kananta yachashaspapis, paykuna mana chaykunata ruwallankuchu, aswanpis chay jina millayta ruwajkunawan kusikunkuraj.

Romanos 6:16

Manachu yachankichej pichus uj runata kasullanpuni chayqa, chay runaj wata runanman tukupusqanta? Ajinaqa, sichus juchata kasunkichej chayqa, juchaj wata runan kankichej, jina kaspataj, wañuyllata tarinkichej. Diosta kasuspa purinkichej chayrí, cheqan kajta ruwanaykichejpaj kawsankichej.

Romanos 6:23

Juchaqa pagota jina wañuyta qon. Diostajrí Tukuyta Kamachej Jesucristonejta wiñay kawsayta qhasilla qon.

Romanos 8:2

Jinallataj qankuna Cristoman ujchasqa kasqaykichejrayku kawsayta qoj Santo Espíritu jatun atiyninwan juchaj atiyninmanta, chantá wañuypa atiyninmanta ima kacharichisorqachej.

1 Corintios 15:22

Imaynatachus Adán juchallisqanrayku tukuy wañunchej, ajinallatataj Cristonejta tukuy kawsarichisqa kasunchej.

1 Corintios 15:56

Juchaqa wañuyta apamun, kamachisqakunanejtataj jucha atiyniyoj rikhurin.

Gálatas 3:10

Chaywanpis Moisespa kamachisqanta kasusqankurayku cheqanpaj qhawasqa kayta tukuy munajkunaqa maldicisqa kanku, imaraykuchus Diospa Qhelqachisqanpi nin: Pichus Diospa qhelqachisqan kamachisqakunamanta tukuyninta mana junt'ajqa maldicisqamin, nispa.

Efesios 5:14

Chayrayku ninku: Puñushasqaykimanta rijch'ariy, wañusqakuna ukhumantataj sayariy, Cristotaj k'anchaykusonqa, nispa.

Deuteronomio 27:26

Chantá nillanqankutaj: Maldicisqa kachun pichus Diospa kay tukuy nisqanta mana kasojqa, nitaj ruwajqa, nispa. Tukuy israelitakunataj nenqanku: Ajina kachun, nispa.

Deuteronomio 30:15

Chayrayku kunan ñawpaqeykichejman churani kawsayta, wañuytawan, allin kajta, chantá mana allin kajtawan ajllakunaykichejpaj.

Deuteronomio 30:19

Jinaqa janajta, kay pachatawan ima testigota jina churani, kawsayta, chayrí wañuyta, chantá saminchasqa kanata, chayrí maldicisqa kanatachus ajllakunaykichejpaj nisusqaymanta. Noqarí niykichejman, astawan walej kanman qan, jinataj wawaykikuna ima kawsayta ajllakunaykichej.

Colosenses 2:13

Ñawpajta qankunaqa juchallisqaykichejrayku wañusqa kasharqankichej, imaraykuchus juchallinaman aysaj sonqoykichej manaraj orqhosqachu karqa. Kunantajrí Diosqa Cristowan khuskata kawsarichisunkichej, tukuy juchanchejtapis pampacharqa.

1 Timoteo 5:6

Chaywanpis sichus uj warmisapa sonqonpa munasqanta ruwaspalla purin chayqa, chay warmisapaqa kawsashaspapis, wañusqa jina kashan.

Santiago 1:15

Chantá chay mana allin kajta ruwayta munanata pay kasun, jinataj juchallin. Pichus juchallispallapuni purejtaj wiñaypaj wañuyta tarikun.

1 Juan 5:16

Sichus pipis wawqe pananta mana wañuyman apaj juchata ruwajta rikunman chayqa, Diosmanta paypaj mañapuchun, Diostaj payman kawsayta qonqa. Chayta nini mana wañuyman apaj juchata ruwajkunamanta, imaraykuchus wañuyman apaj jucha tiyallantaj. Chay juchata ruwajpajrí mana ninichu Diosmanta pipis mañapunanta.

Apocalipsis 2:11

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Pikunachus atipajkunaqa manapuni wiñaypaj Diosmanta karunchasqachu kanqanku.

Apocalipsis 20:14

Chaymantataj wañuywan, ukhu pachawan ima nina qochaman wijch'uykusqa karqanku. Chaymá iskay kaj wañoyqa. Pikunachus nina qochaman wijch'uykusqa kanku, chaykuna wiñay wiñaypaj Diosmanta karunchasqa kanku.

Apocalipsis 20:6

Kusisqamin, Diospaj t'aqasqataj kanku pikunachus ñawpaj kaj kawsarimuypi kawsarimpojkunaqa. Qhepa kaj wañoyqa manaña paykunata imanayta atinchu. Aswanpis, paykuna Diospata, chantá Cristojtawan ima sacerdotenkuna kanqanku, paywantaj waranqa watata kamachenqanku.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Jueces 3:2

Tata Diospuni chay llajtayojkunata saqellarqa, israelitakunamanta pikunachus ni jayk'aj maqanakuman riyta yacharqankuchu, chaykuna maqanakuyta yachanankupaj.

1 Samuel 14:39

Israelitakunata qhespichej Tata Dios yachan: Juchallejqa waway Jonatanpis kachun wañuchisqapuni kanqa, nispa. Soldadokunamantarí ni pi imatapis kuticherqachu.

1 Samuel 14:44

Saultaj kuticherqa: Manachus qan wañunki chayqa, Tata Dios sinch'ita ñak'arichiwachun, nispa.

1 Samuel 20:31

Yeséj churin kay pachapi kawsanankamaqa, kawsanayki, jinataj kuraj kamachej kanaykipis mana yachakonqachu. Ajinaqa Davidta mask'amojta kachaspa kayman pusachimuy, imaraykuchus wañunanpuni tiyan, nispa.

1 Samuel 22:16

Saultajrí nerqa: Mana, Ajimélec. Qanqa wañunkipuni, jinataj tukuy aylluykipis wañullanqankutaj, nispa.