Génesis 2:1 - DIOSPA QHELQACHISQ

¹ Ajinata Dios janajta, kay pachatapis, chaykunapi tukuy ima kajtawan ruwayta tukorqa.

Qheshwa Biblia DC

¹ Ajinata janaj pachata, kay pachatapis, chaypi kajkunatawan Dios ruwayta tukorqa.

DIOSPA QHELQACHISQAN DEUTEROCANONICAL

¹ Ajinata Dios janajta, kay pachatapis, chaykunapi tukuy ima kajtawan ruwayta tukorqa.

Génesis 2:1 ပူးပေါင်းရင်းမြစ်များ

Génesis 1:1

Qallariypi Diosqa janajta, kay pachata ima ruwarqa.

Génesis 1:10

Chantá Diosqa ch'aki kajta suticharqa: “Jallp'a”, nispa. Yaku uj cheqallapi tantakojtataj suticharqa: “Mama qocha”, nispa. Chayta Diosqa sumaj kasqanta qhawarqa.

Génesis 2:4

Ajinata Tata Dios janajta, kay pachatapis ruwarqa. Maypachachus pay janajta, kay pachatawan ruwarqa chaypacha,

2 Reyes 19:15

Chantá payqa Tata Diosmanta ajinata mañakorqa: Israelpa Tata Diosnin, querubinkunaj chawpinkupi tiyakoj, qanllamin kay pachapi tukuy suyoj Diosnin kanki. Qanlla janaj pachata, kay pachatawan ruwarqanki.

2 Crónicas 2:12

12 (11) Nillarqataj: Yupaychasqa kachun Israelpa Tata Diosnenqa. Paymin kay pachata, janaj pachatapis ruwarqa. Kuraj kamachej Davidman uj churita qorqa sumaj yachayniyoj, allin yuyayniyojtaj, Tata Diospaj uj Templota ruwachinanpaj, jinataj kamachinan wasita ruwachikunanpaj.

Nehemías 9:6

Qanllamin uj k'ata Tata Dios kanki. Qan ruwarqanki janajta, janajmanta aswan patapi kajtapis, chaypi tukuy kaj ch'askakunatapis. Ruwallarqankitaj kay pachata, chaypi tukuy ima kajtapis, mama qochatapis, chaypi tukuy ima kajtapis. Qanqa tukuy imaman kawsayta qonki. Chayraykumá janajpi tukuy ch'askakunapis yupaychasunku.

Job 12:9

Kanmanrajchu pipis Tata Dios kay tukuy imata makinwan ruwasqanta mana yachaj?

Salmos 104:2

Qanqa k'anchaywan uj mantawan jina qhataykukunki, janajtataj uj toldota jina mast'arqanki.

Salmos 146:6

Payqa janajta, kay pachatapis ruwarqa, mama qochata, tukuy chaypi kajkunatawan. Paytaj nisqanta mana qonqaspa junt'anpuni.

Salmos 33:6

Tata Diosqa janajkunata simi nisqallanwan ruwarqa, tukuy chaypi kajtapis samaynillanwan ruwarqa.

Salmos 33:9

Pay parlarqa, tukuy imataj ruwasqa karqa. Tata Dios kamacherqa, tukuy imataj rikhurerqa.

Éxodo 20:11

Chayqa ajina kanqa imajtinchus noqa sojta p'unchaypi janajta, kay pachata, mama qochata ima ruwarqani. Jinataj chaykunapi imachus tiyan, chaykunatawan ruwarqani. Qanchis kaj p'unchaypitaj samarikorqani. Chayrayku noqa Tata Dios samarina p'unchayta saminchaspa, noqallapaj t'aqarqani.

Éxodo 31:17

Chay p'unchayqa noqawan, israelitakunawan ima wiñaypaj señal kanqa, imaraykuchus Tata Diosqa sojta p'unchaypi janajta, kay pachatawan ruwarqa, qanchis kaj p'unchaypitaj samarikorqa.

Isaías 34:4

Janajpi ch'askakunapis phirikuspa chinkaraponqanku, kikin janajpis papel jina mayt'uykakaponqa. Tukuy ch'askakuna urmaramonqanku, uva sach'aj qawisqa laqhenkuna urmaran jinata, chayrí higoj laqhenkuna jina.

Isaías 42:5

Tata Dios janajta ruwaspa, jatunman mast'arerqa. Jinallataj kay pachatapis ruwarqa, chaypi tukuy ima kajkunatawan ima. Payllataj kawsayta runakunaman qon, chantá kay pachapi tukuy purejkunamanpis kawsayta qollantaj. Chay Diosmin kamachinta nin:

Isaías 45:12

Noqa kay pachata ruwarqani, runata ruwaspataj, chayman churarqani. Janajtapis makiywan jatunman aysarqani, kamacherqanitaj chayman ch'askakuna rikhurimunankuta.

Isaías 45:18

Janaj pachata ruwaj Tata Dios, Paymin Diosqa. Paymin kay pachatapis ruwarqa, payllataj tukuy imata maychus kananman churarqa. Kay pachata ruwarqa kawsayniyojkuna chaypi tiyakunankupaj. Pay nin: Noqamin Tata Dios kani, noqamanta jawaqa mana waj Dios kanchu.

Isaías 48:13

Makiywan kay pachaj cimientonta churarqani, makillaywantaj janajtapis jatunman aysarqani. Chaykunata sutinkumanta wajyajtiy, rikhurerqankupacha.

Isaías 55:9

Imaynachus janajqa kay pachamanta aswan patapi kashan, ajinallataj ruwasqayqa ruwasqaykichejmanta aswan patapi kashan. Jinallataj qankunaj yuyasqaykichejmanta noqaj yuyasqayqa aswan patapi kashan.

Isaías 65:17

Uyariwaychej, noqa janajta, kay pachatawan mosojta ruwasaj. Ñawpajta imachus kajqa qonqasqa kanqa, manañataj yuyarisqachu kanqa.

Jeremías 10:12

Tata Dios atiyninwan kay pachata ruwarqa, yachayninwantaj kay pachata sumajta sayacherqa, yachayniyoj kasqanwantaj janajta jatunman aysarqa.

Jeremías 10:16

Jacobpa Diosninrí mana chaykuna jinachu, imaraykuchus pay tukuy ima kaj chhikata ruwarqa. Paymin Israel aylluta ajllakorqa chayaqen kananpaj. Paypa sutenqa Tukuy Atiyniyoj Tata Diosmin.

Jeremías 8:2

Chantá paykuna israelitakunaj tullunkukunata intej, killaj chantá ch'askakunaj ñawpaqenpi wijch'onqanku, imaraykuchus israelitakuna janajpi imakunata munakuspa, munayninkuta ruwarqanku, qhaterqanku, tapukorqanku, yupaycharqankutaj. Chay tullukunata mana pipis p'ampanqachu, manachayqa wanu jina pampapi qhallisqa wijch'urayanqa.

Zacarías 12:1

Tata Dios kayta sut'incharqa imachus Israelwan kananmanta. Qallariypeqa paymin janajta toldota jina mast'arqa, kay pachatapis sayacherqa, runamanpis kawsayta qorqa. Kunantaj pay nin:

San Lucas 2:13

Jinallaman chay angelwan khuska ashkha angelkuna janaj pachamanta rikhurimorqanku, Diosta yupaychaspataj nerqanku:

Hechos 4:24

Jesucristota qhatikojkunataj chayta uyarispa, tukuyninku uj sonqolla jatunmanta parlaspa Diosta nerqanku: Tukuyta Kamachej Dios, qanqa janaj pachata, kay pachatawan, mama qochatapis, tukuy ima chaykunapi kajkunatawan ruwarqanki.

Hechos 7:42

Chayrayku Dios paykunamanta t'aqakuspa, saqerqa patapi kaj ch'askakunata yupaychanankuta, imaynatachus sut'inchajkunaj qhelqasqankupi nin, ajina: Israelitakuna, tawa chunka watata ch'innejpi kashaspa, noqamanchu uywakunata ñak'aspa jaywawarqankichej?

Deuteronomio 17:3

Jinallataj qonqorikuspa waj dioskunata yupaychanman, chantá intiman, killaman, ch'askakunamanpis qonqorikuspa yupaychanman, Tata Dios chayta mana kamachejtinpis.

Deuteronomio 4:19

Janajpi kaj intita, killata, ch'askakunata, imachus janajpi tiyan, chay tukuyta rikuspa, pajtataj chaykunaman qonqorikuspa, yupaychawajchej. Tata Diosniykichejqa tukuy chaykunata kay pachapi runakunapaj ruwarqa.

Hebreos 4:3

Noqanchej Diospi atinikojkunaqa samarinanman yaykunchej. Diospi mana atinikojkunamantarí Dios kay jinata nin: Chayrayku k'araj phiñakuyniypi tiluspa nerqani: Mana samarinankupaj qosqayman yaykonqankuchu, nispa. Dios ajinata nerqa, kay pachata ruwayta tukuytawan samarisqanmanta parlaspa.