Génesis 19:38 - DIOSPA QHELQACHISQ

³⁸ Sullk'a kajpis wawayojllataj karqa, paytataj suticharqa Ben Amí sutiwan. Chantá paymanta mirajkuna amonitakuna nisqa karqanku.

Qheshwa Biblia DC

³⁸ Sullk'a kajpis wawayojllataj karqa, suticharqataj Ben-amita, pichus amonitaspa tatanku karqa kunankama.

DIOSPA QHELQACHISQAN DEUTEROCANONICAL

³⁸ Sullk'a kajpis wawayojllataj karqa, paytataj suticharqa Ben Amí sutiwan. Chantá paymanta mirajkuna amonitakuna nisqa karqanku.

Génesis 19:38 ပူးပေါင်းရင်းမြစ်များ

Génesis 20:1

Abraham maypichus kasharqa, chaymanta Néguev chaynejman riporqa. Chantá Gerar llajtapi tiyakorqa. Chay llajtaqa Cadeswan Shurwan chawpinnejpi kashan.

Salmos 83:9

9 (10) Diosníy, paykunawan ruway, imaynatachus Madianta ruwarqanki, ajinata, imaynatachus Sisarata ruwarqanki, ajinallatataj. Paykunata ruway, imaynatachus Cisón wayq'opi Jabinta ruwarqanki, ajinallatataj.

Isaías 11:14

Iskayninku ujllata kallpakuspa, inti yaykuynejman kachaykukonqanku, filisteokunamantaj wasallankumanta phinkiykonqanku. Jinallataj inti llojsimuynejpi tiyakojkunamanta tukuy imankuta qhechumonqanku. Edom suyu, Moab suyu ima israelitakunaj kamachiyninpi ruwanayoj kanqanku, jinallataj Amón suyupi kajkunapis israelitakunaj kamachiyninpi kanqanku.

Sofonías 2:8

Tukuy Atiyniyoj Tata Dios, pichus Israelpa Diosnin kay jinata nin: Uyarini Moab llajtayojkuna asikuspa imatachus mana allinta parlasqankuta, Amón llajtayojkunaj alqochakusqankuta ima. Paykunaqa aylluypaj millayta parlarqanku, aylluypa jallp'anwantaj qhapajyarqanku.

Sofonías 2:9

Chayrayku noqa, Israelpa Tukuy Atiyniyoj Tata Diosnin kawsayniyrayku tiluspa, nini: Moab suyu Sodoma jina chinkachisqa kanqa, Amonpi tiyakojkunataj Gomorrapi tiyakojkuna jina tukukonqanku. Jallp'ankukunapis khishka pampaman tukonqa, kachi orqhona qhoya jinataj ch'in pampa kanqa. Aylluymanta puchojkunataj chay suyukunaj kapuyninkuta qhechuranqanku, jallp'ankutapis jap'ikaponqanku, nispa.

Deuteronomio 2:19

Maypachachus amonitakunawan tinkukunkichej chaypacha, ama paykunata t'ojpinkichejchu, nitaj paykunawan maqanakunkichejchu, Lotpa miraynin kasqankurayku. Noqaqa jallp'ankuta mana qosqaykichejchu, imaraykuchus chay jallp'ataqa paykunamanña qopuni, nispa.

Deuteronomio 2:9

Chantá Tata Dios niwarqa: Moabitakunataqa ama t'ojpinkichejchu, nitaj paykunawan maqanakoj sayaykunkichejchu, imaraykuchus jallp'ankumanta mana ni uj chhikallantapis qosqaykichejchu. Ar jallp'ataqa Lotpa mirayninmanña qopuni, nispa.

Deuteronomio 23:3

3 (4) Amonitakuna, jinataj moabitakunapis nillataj Tata Diospa sutinpi tantakuyman jayk'ajpis yaykonqankuchu. Chunka mirayninkamapis mana yaykonqankuchu.

Jueces 10:6

Israelitakunaqa watej Tata Diospa contranta juchallillarqankutaj, yupaychaspa Baalman, jinataj Astarotman rijch'akoj lantikunata. Yupaychallarqankutaj Siriamanta, Sidonmanta, Moabmanta, Amonmanta lantikunata, jinataj filisteokunajpata kajkunatawan. Tata Diosmanta karunchakuspa, manaña payta kasorqankuchu.

1 Samuel 14:47

Israel suyuta kamachiyta qallarisqanmantapacha Saulqa muyuyninpi kaj tukuy awqakunawan maqanakorqa: Moabwan, Amonwan, Edomwan, Sobaj kuraj kamachejninwan, chantá filisteokunawan ima. Mayllamanpis maqanakoj risqanpi atipallarqapuni.