Génesis 19:30 - DIOSPA QHELQACHISQ

³⁰ Chay qhepata Lot Soarllapipuni tiyakuyta manchachikorqa. Chayrayku iskaynin ususinkunawan orqonejman tiyakoj riporqa, chaypitaj paykuna qaqa jusk'upi tiyakorqanku.

Qheshwa Biblia DC

³⁰ Chay qhepata Lotqa Zoarllapipuni tiyakuyta manchachikorqa, chayrayku orqosman riporqa tiyakoj iskaynin ususisinwan. Chaypi paykunaqa tiyakorqanku uj cuevapi.

DIOSPA QHELQACHISQAN DEUTEROCANONICAL

³⁰ Chay qhepata Lot Soarllapipuni tiyakuyta manchachikorqa. Chayrayku iskaynin ususinkunawan orqonejman tiyakoj riporqa, chaypitaj paykuna qaqa jusk'upi tiyakorqanku.

Génesis 19:30 ပူးပေါင်းရင်းမြစ်များ

Génesis 13:10

Chantá Lotqa tukuynejta qhawarqa, astawanqa Jordán mayu valleta Soar juch'uy llajtakama. Chay jallp'aqa yakuyoj karqa, Tata Diospa huertan jina sumaj, Egiptopi jallp'aman rijch'akojtaj. Chay karqa, manaraj Tata Dios Sodoma llajtata, Gomorra llajtatawan chinkachishajtin.

Génesis 14:22

Abramtajrí Sodomata kuraj kamachejman ajinata kuticherqa: Noqaqa chhika kaj Patapi Kaj Tata Diosman tiluspa niniña, pichus janajta, kay pachatawan ruwajman:

Génesis 19:17

Llajtamanta jawapiña kashajtinkutaj, ujnin kaj ángel Lotta nerqa: Ama wañunaykichejpaj usqhayta ayqeychej. Amallataj qhepaykichejta qhawarikamunkichejchu, valleta rishaspapis ama sayankichejchu. Manachus wañuyta munankichej chayqa, orqoman ayqeychej, nispa.

Génesis 19:19

Qankuna kunankama anchatapuni khuyarikuwankichej. Noqawan may k'acha kasqaykichejraykutaj, wañunaymanta kacharichiwankichej. Noqarí mana orqoman ayqeyta atiymanchu. Mana allin kajqa ñanllapiraj taripawanman, wañuymantaj.

Génesis 49:4

Chaywanpis kunanqa manaña kuraj kaj jina maypaj qhawasqachu kanki, imaraykuchus qan mana sayachiy ashkha yaku rishaj jina kanki. Qanqa ujnin warmiywan puñuykorqanki, ajinamantataj puñunayta ch'ichichaspa, manakajpaj qhawawarqanki.

Isaías 15:5

Moab suyurayku mayta llakikuni, runankunaqa Soarkama chantá Eglat Selisiyakama ayqekunku. Luhit wichaynejta waqarikuspa wicharinku, Joronayinman rina ñanpitaj may jina llakiyta qhaparikunku chinkachisqa kasqankumanta.

Jeremías 48:34

Jesbonmanta runakuna nanaywan qhaparisqankoqa uyarikun Elealekama, Yahaskama. Jinallataj Soarmanta Joronayinkama, Eglat Selisiyakamataj uyarikullantaj, imaraykuchus Nimrín cheqapi yaku juturikunapis ch'akipunku. Noqa Tata Diosmin chayta nini.

Deuteronomio 34:3

Chaymantaqa Neguevta, Jordán valleta, palma sach'ayoj llajtata, chantá Jericó pampata Soarkama rikuchillarqataj.

Santiago 1:8

Jinallataj chay jina iskay sonqoyoj runaqa ni ima ruwasqanpi sumajta sayayta atinchu.