Génesis 19:28 - DIOSPA QHELQACHISQ

²⁸ Chaynejmantataj Sodomata, Gomorrata, chantá tukuynin valleta ima qhawarispa, rikorqa uj hornomanta jina pampamanta manchayta q'oshñishajta.

Qheshwa Biblia DC

²⁸ Chaymanta qhawarerqa Sodomata Gomorratawan, chay tukuynin valletawan. Rikorqataj chay tukuyninmanta manchay q'osñilla llojsimushajta hornomanta jina.

DIOSPA QHELQACHISQAN DEUTEROCANONICAL

²⁸ Chaynejmantataj Sodomata, Gomorrata, chantá tukuynin valleta ima qhawarispa, rikorqa uj hornomanta jina pampamanta manchayta q'oshñishajta.

Génesis 19:28 ပူးပေါင်းရင်းမြစ်များ

Salmos 107:34

Sumaj jallp'atapis t'ajra pampaman tukucherqa, chaypi tiyakojkuna millayta ruwasqankurayku.

Éxodo 19:18

Tukuynin Sinaí orqo q'oshñisharqa, imaraykuchus Tata Diosqa nina chawpipi orqoman urayk'amorqa. Q'oshñeqa hornomanta jina llojsisharqa, tukuynin orqotaj manchayta kharkatiterqa.

Malaquías 3:2

Pitaj Tata Diospa jamunan p'unchayta awantayta atinmanri? Pay rikhurimojtin, pitaj sayayta atinmanri? Ni pi, imaraykuchus payqa qorita ch'uyachej lawrashaj nina jina kanqa, chayrí p'achata t'ajsajpa jabonnin jina.

2 Pedro 2:7

Chaywanpis Dios cheqanta ruwaj Lotta chay wañuymanta ayqecherqa, pichus sonqonpi mayta llakikorqa millayta ruwajkunaj p'enqay ruwasqankumanta, chayta.

Judas 1:7

Jinallataj ama qonqaychejchu Sodomamanta, Gomorramanta, chantá chay qayllapi kaj llajtakunamanta ima. Chay llajtakunapi tiyakojkuna khuchiriyoman, chantá tukuy imaymana millay ch'ichita purinaman qokusqanku. Chayrayku Dios chay llajtakunata wiñaypaj lawraj ninawan ruphaykuchisqa. Chay llajtakunawan imachus kasqanqa wanananchejpaj k'amiy jina kashan, ama paykuna jina kayta munananchejpaj.

Apocalipsis 18:18

Chantá llajtaj ruphaykusqan q'oshñita rikuspa, qhaparerqanku: Ni mayqen llajta kay jatun llajta jinaqa karqachu, nispa.

Apocalipsis 18:9

Kay pachapi kuraj kamachejkuna chay phisu warmiwan khuchichakorqanku, paywantaj chhika patapi kawsaspa, millayta kawsanaman qokorqanku. Chayrayku paykuna ruphaykusqan q'oshñisqanta rikuspa, llakisqa qhaparenqanku, maytataj waqanqanku.

Apocalipsis 19:3

Chantá ujtawan nillarqankutaj: Tata Dios jatunchasqa kachun. Babilonia llajtaqa wiñaypa wiñayninkama q'oshñispallapuni kanqa, nispa.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Apocalipsis 9:2

Chantá chay ch'aska ukhu pachata kicharejtin, chaymanta q'oshñi llojsimorqa, imaynatachus jatun hornomanta q'oshñi llojsin jinata. Chay q'oshñitaj intita, kay pachata ima laqhayaykucherqa.