Génesis 19:24 - DIOSPA QHELQACHISQ

²⁴ Chantá Tata Dios Sodomaman, chantá Gomorraman ima azufreta, nina paratawan parachimorqa.

Qheshwa Biblia DC

²⁴ Chantá Señorqa azufre nina parata parachimorqa Sodomaman Gomorra llajtamanwan.

DIOSPA QHELQACHISQAN DEUTEROCANONICAL

²⁴ Chantá Tata Dios Sodomaman, chantá Gomorraman ima azufreta, nina paratawan parachimorqa.

Génesis 19:24 ပူးပေါင်းရင်းမြစ်များ

Génesis 13:10

Chantá Lotqa tukuynejta qhawarqa, astawanqa Jordán mayu valleta Soar juch'uy llajtakama. Chay jallp'aqa yakuyoj karqa, Tata Diospa huertan jina sumaj, Egiptopi jallp'aman rijch'akojtaj. Chay karqa, manaraj Tata Dios Sodoma llajtata, Gomorra llajtatawan chinkachishajtin.

Génesis 13:12

Ajinaqa Abram Canaán cheqanejpi tiyakoj qhepakorqa. Lottaj vallepi kaj llajtakunaman tiyakoj riporqa, Sodoma llajta qayllapitaj toldonta sayacherqa.

Génesis 18:17

Chantá Tata Dios sonqonpi nerqa: Imatachus ruwayta yuyashasqayta Abrahamman willasaj,

Génesis 19:23

Inti llojsimushajtinña, Lotqa Soar llajtaman chayarqa.

Job 1:16

Manaraj chay runa willayta tukushajtin, uj runañataj chayaykamuspa, nillarqataj: Illapa urmamuspa, ovejakunata, michejkunata ima wañurachin, jinataj noqalla chaymanta qanman willasunaypaj ayqemuni, nispa.

Job 18:15

Kikin wasinpi waj wasipipis tiyakushanman jina tiyakonqa. Wasin pataman jallp'a jina azufre t'akakonqa.

Salmos 11:6

Payqa millayta ruwajkunaj patankuman azufreta, ninata ima parachimonqa, tukuy imata ruphaj wayrawantaj paykunata ruwasqankuman jina jasut'enqa.

Éxodo 9:23

Chantá Moisés varanta janajnejman oqharerqa. Tata Diostaj tukuy Egipto suyuman illapata, chijchi paratawan ima kachaykamorqa.

Isaías 1:9

Sichus Tukuy Atiyniyoj Tata Dios noqanchejmanta wakinkunata mana kawsashajta saqenmanchu karqa chayqa, Sodoma jina, Gomorra jinataj chinkachisqa kasunman karqa.

Isaías 13:19

Babiloniaqa waj suyukunapaj sumaj lliphipirishaj rumi jina karqa, caldeokunaj may uyarisqa llajtanku. Jinapis chay llajtata Tata Dios tukuchenqa, imaynatachus Sodomata, Gomorratawan tukucherqa, ajinata.

Isaías 30:33

Unaymantapacha Asiria llajtayojkunapaj, kuraj kamachejninkupajwan ima, Tofet nisqa q'olachina cheqa wakichisqa kashan, manchay jatun, ukhutaj, ashkha llant'ayoj, ninayoj ima. Chaymantaj Tata Diosqa azufre mayuta jina samayninwan jap'iykuchenqa.

Jeremías 20:16

Chay runaqa, imaynatachus Tata Dios wiñaypaj llajtakunata phirin, ajina chinkachisqa kachun. Chay runa sut'iyaymantapacha nanaywan qhaparisqankuta uyarichun, chawpi p'unchaypitaj maqanaku ch'ajwata uyarichun.

Jeremías 23:14

Jerusalenpi tiyakoj sut'inchajkunatapis manchay millayta ruwashajta rikullanitaj. Paykunaqa khuchichakunku, llullakuspataj purinku. Astawanpis millay ruwajkunata kallpachanku, chayraykutaj paykuna manapuni millay ruwasqankumanta kutirikunkuchu. Paykuna, tukuy chay llajtapi tiyakojkuna ima Sodoma chantá Gomorra llajtayojkuna jina kanku.

Jeremías 49:18

Imaynatachus Sodomawan, Gomorrawan, muyuyninpi waj llajtakunawan ima chinkachisqa karqanku, ajinallataj Edompis chinkachisqa kanqa. Manataj pipis chaypi watej tiyakonqañachu, nitaj wasichakonqañachu. Noqa Tata Diosmin chayta nini.

Jeremías 50:40

Noqa Tata Dios imaynatachus Sodomata, Gomorrata, jinataj chay muyuyninpi llajtakunata chinkacherqani, ajinallataj Babiloniatapis chinkarparichisaj. Manaña chaypi pipis tiyakonqachu, nitaj ñan purejkunallapis chaynejpi jarakonqankuñachu. Noqa Tata Diosmin chayta nini.

Lamentaciones 4:6

Suyuypa jatun llajtaj millayta ruwasqanqa Sodomaj juchanmanta nisqaqa astawan jatunraj. Sodoma llajtataj ujllapi chinkachisqa karqa, mana runaj imanasqallan.

Oseas 11:8

Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Amós 4:11

Sonqo nanayta phiriykorqaykichej, imaynatachus Sodomata, Gomorratawan ruwarqani, ajinata. Ninamanta orqhosqa nina k'aja jina karqankichej. Chaywanpis manapuni noqaman kutirikamuwarqankichejchu. Noqa Tata Diosmin chayta nini.

Sofonías 2:9

Chayrayku noqa, Israelpa Tukuy Atiyniyoj Tata Diosnin kawsayniyrayku tiluspa, nini: Moab suyu Sodoma jina chinkachisqa kanqa, Amonpi tiyakojkunataj Gomorrapi tiyakojkuna jina tukukonqanku. Jallp'ankukunapis khishka pampaman tukonqa, kachi orqhona qhoya jinataj ch'in pampa kanqa. Aylluymanta puchojkunataj chay suyukunaj kapuyninkuta qhechuranqanku, jallp'ankutapis jap'ikaponqanku, nispa.

San Lucas 10:12

Noqa niykichej: Jaqay juicio p'unchaypeqa, Sodoma llajtayojkunaraj aswan pisita ñak'arenqanku chay llajtayojkunamanta nisqaqa, nispa. Ajinata Jesús kachankunata kacharqa.

Deuteronomio 28:24

Tata Diosqa jallp'aykiman parachimunantaqa, tukukunaykikama jallp'allata, t'iyullata parachimusonqa.

Deuteronomio 29:22

22 (20) Qhepanejman wawaykichejkuna, jinallataj waj llajtayojkuna ima Tata Dios kay jallp'aman imaymana ñak'ariykunata, onqoykunata ima apachimusqanta rikonqanku.

Deuteronomio 29:23

23 (22) Tukuy suyu azufrella, kachilla, ruphasqa jallp'alla kasqanta rikonqanku. Chay jina jallp'api mana imatapis tarpuyta atenqankuchu, nitaj imapis poqoyta munanqachu. Ni qhorallapis wiñanqachu. Imaynatachus Tata Dios sinch'i phiñakusqanrayku Sodoma llajtata, Gomorrata, Admata, chantá Zeboyin llajtata ima chinkarparicherqa, ajinallataj suyuykichejta ch'inman tukuchenqa.

2 Pedro 2:6

Jinallatataj Dios Sodomapi, chantá Gomorrapi tiyakoj runakunatapis chinkachisqa kanankupaj juchacharqa, ushphaman tukunankukama ninawan paykunata ruphachispa. Ajinamanta Dioswan churanakojkuna qhepanejman imapichus tukukunankuta yachacherqa.

Judas 1:7

Jinallataj ama qonqaychejchu Sodomamanta, Gomorramanta, chantá chay qayllapi kaj llajtakunamanta ima. Chay llajtakunapi tiyakojkuna khuchiriyoman, chantá tukuy imaymana millay ch'ichita purinaman qokusqanku. Chayrayku Dios chay llajtakunata wiñaypaj lawraj ninawan ruphaykuchisqa. Chay llajtakunawan imachus kasqanqa wanananchejpaj k'amiy jina kashan, ama paykuna jina kayta munananchejpaj.

Apocalipsis 14:10

Diospa phiñakuyninpa vinonmanta ujyanan kanqa. Chay vinoqa mana imawan chajrusqa, Diospa phiñakuyninwan junt'asqa vasonpi kashan. Paykuna Diospaj t'aqasqa angelkunaj ñawpaqenpi, jinataj Corderoj ñawpaqenpi ninawan, chantá ninayarishaj azufrewan ima ñak'arichisqa kanqanku.