Génesis 19:14 - DIOSPA QHELQACHISQ

¹⁴ Chantá Lot, pikunachus ususinkunawan casarakunanku karqa, chay waynakunaman willaj rerqa: Usqhayta kaymanta ayqenachej, imajtinchus Tata Dios kay llajtata chinkarparichenqa kasqa, nispa. Tolqankunatajrí Lotpa nisqanta mana kasorqankuchu, paykunawan pujllakushasqanta yuyasqankurayku.

Qheshwa Biblia DC

¹⁴ Lottaj usqhayta rerqa ususisninwan casarananku karqa chay qharisman willaj, nerqataj: Jatariychej usqhayta, kaymanta ayqeychej, kay llajtataqa Señor chinkachenqa kasqa! Tolqasnintaj chayta mana creespa mana kasorqankuchu, chansiyakusqanta yuyaspa.

DIOSPA QHELQACHISQAN DEUTEROCANONICAL

¹⁴ Chantá Lot, pikunachus ususinkunawan casarakunanku karqa, chay waynakunaman willaj rerqa: Usqhayta kaymanta ayqenachej, imajtinchus Tata Dios kay llajtata chinkarparichenqa kasqa, nispa. Tolqankunatajrí Lotpa nisqanta mana kasorqankuchu, paykunawan pujllakushasqanta yuyasqankurayku.

Génesis 19:14 ပူးပေါင်းရင်းမြစ်များ

Génesis 19:15

Ña sut'iyamushajtin, angelkuna Lotta nerqanku: Usqhayta kaymanta llojsiy. Pusakapuy warmiykita, iskaynin ususiykikunatawan, kay llajtata chinkachishajtiyku ama wañunaykichejpaj, nispa.

Génesis 19:17

Llajtamanta jawapiña kashajtinkutaj, ujnin kaj ángel Lotta nerqa: Ama wañunaykichejpaj usqhayta ayqeychej. Amallataj qhepaykichejta qhawarikamunkichejchu, valleta rishaspapis ama sayankichejchu. Manachus wañuyta munankichej chayqa, orqoman ayqeychej, nispa.

Génesis 19:22

Chayrayku chayman usqhayta ayqey. Jaqayman chayanaykikama mana imatapis ruwasajrajchu, nispa. Chayrayku chay llajtaj sutenqa Soar nisqa, juch'uy llajta kasqanrayku.

2 Crónicas 30:10

Chay willajkunaqa Efraín chantá Manasés jatun ayllukunaj jap'iyninta llajtamanta llajta rispa purimorqanku, Zabulón jatun aylloj jap'iyninman chayanankukama. Runakunatajrí paykunamanta asikorqanku, alqochakorqankutaj.

2 Crónicas 36:16

Jinapis paykunaqa Tata Diospa kachamusqan willarajninkunamanta asiykukorqanku, nisqankutataj qhesacharqanku. Diosmanta sut'inchajkunamanta ajinata alqochakuspa, Tata Diosta sinch'ita phiñacherqanku. Chayrayku Tata Diospa phiñakuynin chay runakunaj contranpi k'ajarerqa, jinataj manaña pipis imatapis ruwayta aterqachu Diospa sonqonta tiyaykuchinapaj.

Éxodo 12:31

Chayrayku chay tutapacha faraonqa Moisesta, Aarontawan ima wajyachispa, nerqa: Llajtaymanta qankuna, israelitakuna ima ripuychej, nisqaykichejman jina Tata Diosta yupaychamunaykichejpaj.

Éxodo 9:21

Pikunachus Tata Diospa nisqanta mana kasuta ruwajkunarí kamachinkuta, uywankukunatapis jawallapi saqerqanku.

Proverbios 29:1

Pichus k'amejtinku k'ullukuspa mana uyarikuyta munanchu, chay runaqa ujllata chinkachisqa kanqa, mana ujtawan sayarinanpaj jina.

Isaías 28:22

Chayrayku amaña alqochakuychejchu. Pajtataj, imawanchus watasqa kashankichej, chaywan astawan mat'iykusunkichejman. Tukuy Atiyniyoj Tata Dios kay pachata chinkarparichinanta uyarini.

Jeremías 20:7

Chantá Jeremías nerqa: Tata Dios, qan misk'i simiykiwan q'otiyawarqanki, noqataj kasuta ruwarqayki. Qan may kallpayoj kasqaykirayku atipawarqanki. Runakunaqa tuta p'unchaynintin asipayawanku, noqamanta alqochakuwaspa.

Jeremías 43:1

Ajinata Jeremiasqa Tata Dios imatachus nisqanta llajta masinkunaman willayta tukorqa.

Jeremías 43:2

Chantá Osaiaspa churin Azarías, Careajpa churin Johananwan, waj wapuykachaj runakunapiwan Jeremiasta nerqanku: Imatachus nisqaykeqa llulla. Tata Diosniykoqa mana kachamusunkichu ninawaykupaj: Ama Egiptoman tiyakoj riychejchu, nispa.

Jeremías 51:6

Babiloniamanta ayqeychej. Pichus atejqa ayqekuchun. Ama qankunapis Babiloniaj millayta ruwasqanrayku wañuchisqachu kaychej, imaraykuchus Tata Diospa vengakunan p'unchay chayamun, paytaj ruwasqankuman jina paykunaman kutichiponqa.

Ezequiel 20:49

49 (21.5) Chantá noqa nerqani: Ay, Tukuyta Kamachej Tata Dios, runakunaqa noqamanta ninku: Kay runaqa yanqhallata parlan, nispa.

Números 16:21

Kay runakunaj chawpinkumanta t'aqakuychej, imajtinchus kunanpacha paykunata tukuyninta wañuchisaj, nispa.

Números 16:26

Runakunatataj nerqa: Kay mana manchachikuyniyoj runakunaj jarankumanta t'aqakuychej. Amataj imankutapis llankhankichejchu, ama qankunapis paykunaj juchankurayku wañunaykichejpaj, nispa.

Números 16:45

45 (17.10) T'aqakuychej chay runakunaj chawpinkumanta, noqataj uj ñawi ch'irmiypi paykunata chinkarparichisaj, nispa. Jinapis Moiseswan Aaronwan ima qonqorikuspa, pampakama k'umuykukorqanku.

San Mateo 1:18

Jesucristoj paqarikusqan kay jina karqa: María mamanqa mañaqasqa karqa Josewan casarakunanpaj. Chaywanpis manaraj khuska tiyakushajtinku, Mariaqa wijsallisqa rikhurerqa Santo Espíritoj atiyninwan.

San Mateo 9:24

Jesustaj kay jinata paykunata nerqa: Jawaman llojsiychej. Ch'iriskaqa mana wañusqachu, manachayqa puñushallan, nispa. Runakunatajrí Jesusmanta asikorqanku.

San Lucas 24:11

Kuraj kachakunapajrí chay warmikunaj nisqankoqa wampoj thawtisqan jinalla karqa. Chayrayku nisqankuta mana jap'ikorqankuchu.

San Lucas 9:42

Wayna qayllaykushajtintaj, supayqa pampaman payta choqarqa. Jesustajrí supayta k'amerqa, jinallapitaj wayna qhaliyaporqapacha. Chantá Jesusqa waynata tatanman pusarqa.

Hechos 17:32

Wañusqakuna kawsarimpunankumanta uyarispa, wakinkunaqa Pablomanta asikorqanku. Ujkunarí nerqanku: Waj kutillapiña imatachus parlashanki, chaymanta astawan uyarisqayku, nispa.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.