Génesis 18:8 - DIOSPA QHELQACHISQ

⁸ Waka aychata jaywaspataj, Abraham paykunaman ñojñuta, lechetawan jaywallarqataj. Paykuna sach'a llanthu urapi mikhunankukamataj, Abraham paykunaj qayllankupi sayasharqa.

Qheshwa Biblia DC

⁸ Chaymantaqa ña wakisqaña kajtin, Abrahamqa paykunaman jaywarqa quesota, lecheta, torillomanta wayk'usqatawan. Paykunaqa mikhorqanku chay sach'a llanthupi, Abrahamtaj paykunawan kasharqa.

DIOSPA QHELQACHISQAN DEUTEROCANONICAL

⁸ Waka aychata jaywaspataj, Abraham paykunaman ñojñuta, lechetawan jaywallarqataj. Paykuna sach'a llanthu urapi mikhunankukamataj, Abraham paykunaj qayllankupi sayasharqa.

Génesis 18:8 ပူးပေါင်းရင်းမြစ်များ

Génesis 18:7

Chaymantataj Abraham usqhay usqhayta kanchaman rispa, sumajnin kaj torillota ajllaspa aysamorqa. Chantá ujnin kamachinman ñak'arqonanpaj qorqa, paytaj chaypachapacha ñak'aspa, chayacherqa.

Génesis 18:9

Mikhuyta tukuytawantaj, watukojkunaqa Abrahamta taporqanku: Maypitaj warmiyki Sara kashanri? nispa. Paytaj nerqa: Toldopi kashan, nispa.

Génesis 19:3

Chaywanpis Lot wasinman pusayta munajtinpuni, paykuna rerqanku. Wasinman chayajtinkutaj, Lotqa sumaj mikhunata wayk'uchiporqa, jinallataj mana levadurayoj t'antata ruwaporqa, paykunataj mikhorqanku.

Nehemías 12:44

Chantá chaypi kajkunamanta waqaychajkunata churarqayku. Paykunaqa qolqeta, ñawpaj kaj poqoykunata, sapa chunkamanta ujnin t'aqasqata ima Diospa kamachisqanman jina jallch'ananku karqa. Chay tukuyta sapa llajtamanta chayachimorqanku sacerdotekunapaj, levitakunapajwan ima, imaraykuchus Judamanta kajkunaqa kusisqa karqanku sacerdotekuna, levitakuna ima ruwanankuta junt'asqankumanta.

Isaías 7:15

Chay wawaqa ñojñuta, abeja misk'itawan mikhonqa, allin kajta mana allin kajta ajllayta yachanankama.

Isaías 7:22

ashkha lecheta ch'awanqa. Chayrayku chay suyupi qhepakojkunaqa ñojñuta, abeja misk'itawan mikhonqanku.

San Lucas 12:37

Kusikuyniyojmin kanqanku chay kamachikuna, pikunatachus patronninku chayamuspa, rijch'arisqata taripanqa, chaykuna. Sut'ita niykichej: Kikin patronninku paykunata tiyaykuchispa, mikhunata jaywanqa.

San Lucas 17:8

Manachu astawanqa niwajchej: Mikhunata wayk'upuway. Chantá mikhunata, ujyanata ima jaywawanki noqa mikhunaypaj. Chaymantaraj qanqa mikhunki, ujyankitaj, nispa?

San Lucas 24:30

Chantá Jesusqa paykunawan mikhunanpaj tiyarikuspa, t'antata jap'erqa. Chantá Diosman pachis nerqa, partiytawantaj, paykunaman jaywarqa.

San Lucas 24:43

Chayta jap'ikuspataj, Jesusqa paykunaj ñawpaqenkupi chayta mikhorqa.

San Juan 12:2

Chantá Lázaroj wasinpi jatun mikhuyta Jesuspaj wayk'orqanku. Martaqa mikhunata jaywarasharqa, Lazarotaj jamojkunawan khuska Jesuswan mikhusharqa.

Hechos 10:41

Mana tukuy runamanchu Jesús rikhurerqa. Manachayqa noqallaykuman rikhuriwarqayku, pikunachus ñawpajmantapachaña Diospa ajllasqankuna karqayku testigo jina rikusqaykuta willanaykupaj, chaykunaman. Ajinaqa noqayku paywan khuska mikhorqayku wañusqamanta kawsarimpusqanmantaña.

Gálatas 5:13

Qankuna wawqe panakuna, Moisespa kamachisqanta junt'anamanta kacharichisqa jina kawsanaykichejpaj wajyasqa kankichej. Chaywanpis kacharichisqa kasqaykichejqa ama juchallinaman aysaj sonqoykichejpa munasqanta ruwanaykichejpajchu kachun. Manachayqa kacharichisqa kasqaykichejrayku munakuspa ujkuna ujkuna yanapanakuychej.

Deuteronomio 32:14

Uywankumanta ñojñuta mikhorqanku, lechetataj ujyarqanku. Sumaj wira corderokunaj aychanta mikhorqanku, Basanmanta kaj wira ovejakunata, cabrakunatawan ima. Sumajnin kaj trigota mikhullarqankutaj, uvamanta sumaj vino ruwasqatapis ujyallarqankutaj.

Apocalipsis 3:20

Noqaqa punkuykipi kashani, takashanitaj. Sichus wajyasqayta uyarispa punkuta kicharimuwanki chayqa, noqa wasiykiman yaykusaj, qanwan khuskataj mikhusaj.

Jueces 13:15

Manoaqa mana yacharqachu chay runaqa Tata Diospa angelnin kasqanta. Chayrayku payta nerqa: Noqaykuwan qheparikuy. Chantá mikhunaykipaj uj chivitoj aychanta kankarqapusqayki, nispa.

Jueces 5:25

Sisaraqa yakuta mañakorqa, Yaeltaj lecheta jaywaykorqa. Ñojñuta atiyniyojkunaj vasonpi jaywaykorqa, sinch'ita puñurparinanpaj.