Génesis 18:7 - DIOSPA QHELQACHISQ

⁷ Chaymantataj Abraham usqhay usqhayta kanchaman rispa, sumajnin kaj torillota ajllaspa aysamorqa. Chantá ujnin kamachinman ñak'arqonanpaj qorqa, paytaj chaypachapacha ñak'aspa, chayacherqa.

Qheshwa Biblia DC

⁷ Chaymanta Abrahamqa usqhay usqhayta maypichus wakas kasharqa chayman rispa, ajllaspataj sumajnin kaj torillota, aysamuspa uj kamachinman nerqa ñak'ananta, paytaj chay rato ruwarqa.

DIOSPA QHELQACHISQAN DEUTEROCANONICAL

⁷ Chaymantataj Abraham usqhay usqhayta kanchaman rispa, sumajnin kaj torillota ajllaspa aysamorqa. Chantá ujnin kamachinman ñak'arqonanpaj qorqa, paytaj chaypachapacha ñak'aspa, chayacherqa.

Génesis 18:7 ပူးပေါင်းရင်းမြစ်များ

Génesis 18:6

Chantá Abraham usqhayta, maypichus Sara kasharqa, chay toldoman rispa, nerqa: Tawa chunka libra sumajnin jak'umanta t'antata usqhayllata ruwarqoy, nispa.

Génesis 18:8

Waka aychata jaywaspataj, Abraham paykunaman ñojñuta, lechetawan jaywallarqataj. Paykuna sach'a llanthu urapi mikhunankukamataj, Abraham paykunaj qayllankupi sayasharqa.

Génesis 19:3

Chaywanpis Lot wasinman pusayta munajtinpuni, paykuna rerqanku. Wasinman chayajtinkutaj, Lotqa sumaj mikhunata wayk'uchiporqa, jinallataj mana levadurayoj t'antata ruwaporqa, paykunataj mikhorqanku.

Amós 6:4

May valorniyoj marfilmanta ruwasqa puñunapi winkurinkichej. Raymikunaykichejpipis tiyanaykichejpi thallarinkichej. Corderokunata, wira torillokunata ñak'aspa, aycha mat'ata mikhurinkichej.

Malaquías 1:14

Maldicisqa kachun, pichus sumajnin kaj uywata qonawanta nishaspa onqosqa kajta jaywawajqa, imaraykuchus noqa Kuraj Kamachejninku kani. Waj suyukunapitaj runakuna may jatun respetowan qhawawanku. Noqa Tukuy Atiyniyoj Tata Dios chayta nini.

San Mateo 22:4

Chayrayku kuraj kamachejqa waj kamachinkunatañataj kachasqa, ajinata ninankupaj: Jatun mikhuna wakichisqaña. Wirayachisqa uywaykunata, wira toroykunata ima ñak'anankupaj kamachiniña. Chayrayku casaraku raymiman jamullaychejña, nispa.

San Lucas 15:23

Chantá wirayachisqa torillota ñak'aychej, imaraykuchus raymita ruwaspa, sumajta mikhusunchej.

San Lucas 15:27

Paytaj kutichisqa: Wawqeyki chayampun, tataykitaj wirayachisqa torillota ñak'achin, wawqeyki allillan kutimpusqanrayku, nispa.

San Lucas 15:30

Kay lloqallaykirí tukuy kapuyniykita usuchimorqa imaymana khuchi warmikunawan purispa. Chaywanpis kutimojtenqa, qan wirayachisqa torillota paypaj ñak'achinki, nispa.

1 Samuel 28:24

Chaykamataj warmeqa paypata kaj wira torillonta ñak'acherqa, chantá jak'uta puñaspa, mana levadurayoj t'antata ruwarqa.