Génesis 18:5 - DIOSPA QHELQACHISQ

⁵ Mikhunaykichejpajrí imallatapis aparimpusqaykichej, mikhuspa kallpachakunaykichejpaj, chantá ripullankichej. Chayraykupuni toldoy chaynejta jamorqankichej, nispa. Paykunataj nerqanku: Ruwallay imatachus nisqaykita, nispa.

Qheshwa Biblia DC

⁵ Qankuna ñapis chayamunkichejña kamachiykichej maypichus tiyakun chayman. Kunanqa aparimpusqaykichej uj pisi t'antallatapis mikhurikunaykichejpaj, samarikuspa kallpacharikunaykichejpaj, amaraj kaymanta ripushaspa. Paykunataj nerqanku: Yasta, ruwallay imatapis nisqaykita.

DIOSPA QHELQACHISQAN DEUTEROCANONICAL

⁵ Mikhunaykichejpajrí imallatapis aparimpusqaykichej, mikhuspa kallpachakunaykichejpaj, chantá ripullankichej. Chayraykupuni toldoy chaynejta jamorqankichej, nispa. Paykunataj nerqanku: Ruwallay imatachus nisqaykita, nispa.

Génesis 18:5 ပူးပေါင်းရင်းမြစ်များ

Génesis 18:6

Chantá Abraham usqhayta, maypichus Sara kasharqa, chay toldoman rispa, nerqa: Tawa chunka libra sumajnin jak'umanta t'antata usqhayllata ruwarqoy, nispa.

Génesis 19:8

Noqajta iskay ususiykuna tiyapuwan, paykunataj manaraj qharita rejsinkurajchu. Paykunata orqhomusqaykichej, qankunataj paykunawan munasqaykichejta ruwaychej. Kay runakunatarí ama imatapis ruwaychejchu, imajtinchus paykuna wajyarikusqay kanku, nispa.

Génesis 33:10

Jacobtajrí nillarqapuni: Sichus cheqapuni sonqoyki noqapaj allin chayqa, ama jina kaspa, imatachus qosusqayta jap'ikullaway. Qanta rikuspaqa, kikin Diostapis rikushayman jina kani, imaraykuchus ima munayta jap'iwanki.

1 Reyes 17:11

Chay warmi apamunanpaj rishajtinña, Elías watejmanta nillarqataj: Ama jinachu kay, uj chhikan t'antatawan aparimpuway, nispa.

Salmos 104:15

Vinota runaj sonqonta kusichinanpaj qonki, aceitetapis uyanta lliphipirichinanpaj, mikhunatataj kawsananpaj.

Isaías 3:1

Qhawaychej allinta, noqa Tukuy Atiyniyoj Tata Dios Judá suyumanta, Jerusalén llajtamantawan qhechukapusaj imapichus atinikushanku, chaykunata: Tukuy mikhunanta, tukuy yakuta,

San Mateo 6:11

Sapa p'unchay imatachus mikhunaykuta qowayku, ari.

Jueces 13:15

Manoaqa mana yacharqachu chay runaqa Tata Diospa angelnin kasqanta. Chayrayku payta nerqa: Noqaykuwan qheparikuy. Chantá mikhunaykipaj uj chivitoj aychanta kankarqapusqayki, nispa.

Jueces 13:16

Angeltajrí kuticherqa: Qhepakuyman chaypis, mana noqaqa qankunawan mikhuyta atiymanchu. Jinapis atiwaj chay chivituta ñak'aspa, Tata Diosman jaywaspa q'olachiyta, nispa.

Jueces 19:5

Tawa kaj p'unchaypeqa levitawan, warminwan, kamachinwan ima tuta tutamanta ripunankupaj jatarikorqanku. Ripushajtinkuñataj, warmej tatanqa tolqanta nerqa: Manaraj puririshaspa, uj chhika mikhunallatapis mikhurikuwaj ari. Chantá ripullankichej, nispa.

Jueces 6:18

Ama jinachu kay, amaraj ripuychu, qanman jaywanaypaj uj ofrendata apamunaykama, nispa. Tata Diostaj nerqa: Kaypi kutimunaykikama suyasqayki, nispa.

Jueces 6:19

Chantá Gedeonqa usqhay usqhayta wasinman kutirispa, uj chivota ñak'arqa, chaymantataj mikhuyta wayk'orqa. Iskay chunka libra jak'umanta mana levadurayoj t'antatapis ruwallarqataj. Jinaspataj, aychata uj canastaman churaykorqa, caldontataj uj mankaman. Chaytataj Tata Diospa angelninman aparqa, chay encina sach'a uraman.