Génesis 18:30 - DIOSPA QHELQACHISQ

³⁰ Abrahamtajrí ujtawan nillarqataj: Diosníy, chayllamantapuni parlasqaymanta ama phiñakuychu ari. Sichus cheqanta ruwajkuna kinsa chunkalla kankuman chayrí? nispa. Tata Diostaj nerqa: Kinsa chunkalla kajtinkupis, chay llajtapi tiyakojkunamanta khuyarikusaj, nispa.

Qheshwa Biblia DC

³⁰ Abraham nillarqapuni: Mañakuyki, Señor, ama phiñakunawaykita ajinata nejtillaypuni. Kinsa chunkalla kajtinkuri? Paytaj nerqa: Kinsa chunka kajtinkupis, manapuni chay llajtataqa chinkachisajchu.

DIOSPA QHELQACHISQAN DEUTEROCANONICAL

³⁰ Abrahamtajrí ujtawan nillarqataj: Diosníy, chayllamantapuni parlasqaymanta ama phiñakuychu ari. Sichus cheqanta ruwajkuna kinsa chunkalla kankuman chayrí? nispa. Tata Diostaj nerqa: Kinsa chunkalla kajtinkupis, chay llajtapi tiyakojkunamanta khuyarikusaj, nispa.

Génesis 18:30 ပူးပေါင်းရင်းမြစ်များ

Génesis 18:29

Chantá Abraham nillarqapuni: Tawa chunkalla kajtinkuri? nispa. Tata Diostaj nerqa: Sichus cheqanta ruwajkuna tawa chunkalla kankuman chayqa, mana chay llajtata chinkarparichisajchu, nispa.

Génesis 18:31

Chantá Abraham ujtawan nillarqataj: Diosníy, qanwan ajinata parlasuspa, mana manchachikuyniyoj jina parlashasqayta yachani. Sichus cheqanta ruwajkunata iskay chunkallata tariwaj chayrí, imataj kanqari? nispa. Tata Diostaj kuticherqa: Chay iskay chunkarayku mana llajtata chinkarparichisajchu, nispa.

Génesis 44:18

Jinapi Judá Joseman qayllaykuspa, nillarqataj: Wiraqochíy, ama jina kaspa, mana pejpa uyarinanta nisusqayta uyaririway. Ama ari noqapaj phiñakuychu. Qanqa kikin faraonpis kawaj jina kanki.

Job 40:4

Mana imapis kashaspa, ima nispataj qanman kutichiykimanri? Noqapajqa ch'inlla kakunay aswan walej.

Salmos 10:17

Tata Dios, pisi tiyapuyniyojkunaj mañakusqankuta uyarinki. Qan paykunaj sonqonkuta oqharinki, uyarinkitaj.

Salmos 89:7

7 (8) Qanqa Diosmin kanki, manchachikunataj, janaj pachapi kawsajkuna ukhupi may jina atiyniyoj.

Salmos 9:12

12 (13) Tata Dios pichus runata wañuchejkunamanta cuentata mañanqa, ñak'arichisqa kajkunamantataj qhawarenqa. Jinallataj payqa llakiyniyojkunaj qhaparikusqankuta mana qonqanchu.

Isaías 6:5

Chantá nerqani: Ay, imanasajtaj? Kunanqa wañusajchari, imaraykuchus mana allin parlaj runa kaspapis, jinataj mana allin parlayniyoj runakunaj chawpinkupi tiyakushaspa, ñawiywan Tukuy Atiyniyoj Tata Diosta rikuni, nispa.

Jueces 6:39

Chaywanpis Gedeonqa ujtawan Tata Diosta nillarqataj: Ama phiñakuychu uj señaltawan mañarikusojteyqa. Kay kutipeqa millmañataj ch'aki kachun, jallp'ataj joq'o kachun, nispa.