Génesis 18:20 - DIOSPA QHELQACHISQ

²⁰ Chayrayku Tata Dios Abrahamman willarqa: Sodomapi Gomorrapiwan tiyakojkunaj millayta ruwasqankumanta anchaña uyarikun, juchallisqankutaj ancha millaypuni.

Qheshwa Biblia DC

²⁰ Chaymanta Abrahamman Señor willarqa: Sodomapi Gomorrapiwan tiyakoj runaspa jucha ruwasqankoqa ancha millaypuni uyarikun tukuynejpi, chayqa mana allinchu.

DIOSPA QHELQACHISQAN DEUTEROCANONICAL

²⁰ Chayrayku Tata Dios Abrahamman willarqa: Sodomapi Gomorrapiwan tiyakojkunaj millayta ruwasqankumanta anchaña uyarikun, juchallisqankutaj ancha millaypuni.

Génesis 18:20 ပူးပေါင်းရင်းမြစ်များ

Génesis 13:13

Sodoma llajtayojkunarí millay runakuna kasqankurayku, Tata Diospa contranpi millayta ruwaspa, anchata juchallerqanku.

Génesis 19:13

Noqayku kay llajtata chinkarparichisqayku, imaraykuchus kay llajtayojkunaj contranta runaj may chhika parlasqanta Tata Dios uyarin. Chayrayku pay kay llajtata chinkarparichinaykupaj kachamuwayku, nispa.

Génesis 19:4

Chaywanpis manaraj puñushajtinku, Sodoma llajtamanta qharikuna, maltun waynakuna, machu runakunantin ima Lotpa wasinta muyuykorqanku.

Génesis 4:10

Tata Diostajrí nerqa: Imatataj ruwarqankiri? Wawqeykej yawarnenqa jallp'amantapacha justicia ruwanayta qhaparimushawan.

Génesis 6:12

imajtinchus tukuy runakuna allintapuni millayta purinaman qokapusqanku. Kay pachapi millayta ruwaspa purina anchañapuni kasqanta Tata Dios rikorqa.

Isaías 3:9

Paykunaj uyallankutaj imaynachus kasqankuta willashan. Sodomamanta runakuna jina, mana manchachikuspa tukuypa rikunanta juchallinku. Imachus paykunamanta kanqapis, paykunallataj jasut'ita mask'akunku.

Isaías 5:7

Tukuy Atiyniyoj Tata Diospa uva huertanqa Israelmin. Judá suyupi runakunataj may munasqa uva sach'anmin kanku. Tata Diosqa israelitakuna justiciata ruwanankuta suyarqa. Aswanpis runa wañuchinakuyllata tarin. Payqa tukuy imapis cheqan kananta suyarqa. Aswanpis nanaywan qhapariyllata uyarin.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 23:14

Jerusalenpi tiyakoj sut'inchajkunatapis manchay millayta ruwashajta rikullanitaj. Paykunaqa khuchichakunku, llullakuspataj purinku. Astawanpis millay ruwajkunata kallpachanku, chayraykutaj paykuna manapuni millay ruwasqankumanta kutirikunkuchu. Paykuna, tukuy chay llajtapi tiyakojkuna ima Sodoma chantá Gomorra llajtayojkuna jina kanku.

Ezequiel 16:46

Kuraj ñañaykeqa Samaria llajta karqa, pichus wichaynejpi ususinkunawan tiyakorqa, chay. Sullk'a ñañaykitaj Sodoma llajta karqa, pichus uraynejpi ususinkunawan tiyakorqa, chay.

Joel 3:13

13 (4.13) Millayta ruwasqankurayku poqosqa trigota jina paykunata ruthuychej. Chajra oqharina tiempo chayamunña. Uvata jina paykunata saruychej, vinota ruwanapaj wakisqañamin kashan.

Jonás 1:2

Kunanpacha Nínive llajtaman puririy, chaypitaj willamuy noqa chay llajtata chinkarparichinayta, imaraykuchus rikuni ruwasqanku may millay kasqanta, nispa.

Santiago 5:4

Chantá qankuna chajraykichejta oqharejkunaman ch'awkiyaspa mana pagarqankichejchu, chay mana pagasqaykichej qolqetaj contraykichejta qhaparishan. Arí, chajraykichejta oqharejkunaj qhaparisqankoqa Tukuy Atiyniyoj Diospa ninrinkama chayan.