Génesis 18:14 - DIOSPA QHELQACHISQ

¹⁴ Tata Diospaj imallapis ruway mana atina kanmanchu? Watapaj kunanta jinallataj kutimuspa, watukusqayki, chaypajtaj Sara wawayojña kanqa, nispa.

Qheshwa Biblia DC

¹⁴ Señorpajqa kanmanchu imallapis mana ruway atinaqa? Watapaj kunan jinallataj kutimuspa watukusqayki, chaypaj Saraqa wawayojña kanqa.

DIOSPA QHELQACHISQAN DEUTEROCANONICAL

¹⁴ Tata Diospaj imallapis ruway mana atina kanmanchu? Watapaj kunanta jinallataj kutimuspa, watukusqayki, chaypajtaj Sara wawayojña kanqa, nispa.

Génesis 18:14 ပူးပေါင်းရင်းမြစ်များ

Génesis 17:16

Noqataj paytapis saminchasaj, jinataj paypipuni wawayki kanqa. Arí, payta saminchasaj, Saraj mirayninmantataj suyukuna rikhurenqanku, kuraj kamachejkuna ima, nispa.

Génesis 17:21

Chaywanpis tratoytaqa Isaacwanpuni ruwasaj. Chayrayku kunanmanta wataman jina warmiyki Sara qanpaj wawayoj kanqa, nispa.

Génesis 18:10

Chantá paykunamanta ujnin nerqa: Wataman kunanta jina kutimuspa, watukusqayki, chaypajtaj warmiyki Sara wawayojña kanqa, nispa. Saratajrí Abrahampa wasanmanta toldo punkumanta parlasqankuta uyarisharqa.

Génesis 18:13

Tata Diostajrí Abrahamta nerqa: Imaraykutaj warmiyki Sara asikunri? Manachu yuyan payaña kashaspapis wawayoj kananta?

Génesis 18:15

Chayta uyariytawan, Sara mancharispa, nerqa: Mana asikorqanichu, nispa. Tata Diostajrí nerqa: Ama niychu “mana” nispa, qan asikorqankipuni, nispa.

Génesis 21:1

Tata Diosqa Saraman imatachus nisqanta junt'arqa.

Génesis 21:2

Chayrayku Sara onqoj rikhurispa, qosan Abrahampaj wawayoj karqa. Chaypacha Abrahamqa allin machuña karqa. Saratajrí wawayoj karqa, Dios mayk'ajchus wawayoj kananta nisqanman jina.

2 Reyes 4:16

Eliseotaj warmita nerqa: Wata kunanta jina, uj wawata q'epirikunki, nispa. Warmitajrí kuticherqa: Wiraqochíy, Diosmanta sut'inchaj ama ajinata nispa llullakuwaychu ari, nispa.

Job 36:5

Diosqa may jina yachayniyoj, jatun atiyniyojtaj, mana juchayojtaqa mana pisipaj qhawanchu.

Job 42:2

Noqa yachani qan tukuy imata ruwayta atisqaykita. Qanpajqa mana imapis mana ruwayta atinapaj jina kanchu.

Salmos 90:13

Tata Dios, noqaykuman kutirimpuy. Mashkha unaytataj suyachikuwasqaykuri? Kay kamachiykikunamanta khuyarikuy ari.

Salmos 93:1

Tata Diosníy, qanmin Kuraj Kamachejniyku kanki. Qanqa jatun kayniykiwan p'achallikunki, atiyniykiwantaj chumpiykukunki. Tata Dios, qanmin kay pachata sinch'ita sayacherqanki, manataj jayk'ajpis kuyurenqachu.

Salmos 95:3

Tata Diosninchejqa may jina atiyniyoj Diosmin, paytaj tukuy dioskunamanta Kuraj Kamachejmin.

Isaías 50:2

Imaraykutaj jamuspa, mana pitapis tariparqanichuri? Imaraykutaj wajyashajtiypis, mana pipis kutichiwarqachuri? Ima kajtinpis, manachu atiyman kacharichiytari? Manañachu atiyneyqa kasqa paykunata kacharichinaypaj? Ujta nispalla, mama qochata ch'akichini, mayukunatapis ch'aki pampaman tukuchini. Chaypi kaj challwakunapis yakumanta jina wañuraspa, asnanku.

Jeremías 32:17

Tukuyta Kamachej Tata Diosníy, jatun atiyniykiwan janaj pachata, kay pachatapis ruwarqanki. Qanpajqa tukuy ima ruwana atikullan.

Jeremías 32:27

Noqa Tata Diosmin tukuy kawsajpa Diosninku kani. Noqapajqa mana imapis mana atikojqa kanchu.

Daniel (hebreo) 6:20

20 (21) Chantá may llakisqa qayllaykuspa, Danielta wajyarqa: Daniel, kawsaj Diospa kamachin, pitachus tukuy sonqo kasuspa yupaychanki, chay Diosniyki leonkunamanta kacharichisuyta aterqachu? nispa.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Zacarías 8:6

Chay p'unchay chayamojtin, aylluymanta puchojkunapaj t'ukunapaj jina kanqa. Noqatajrí mana chaymanta t'ukusajchu, nispa nin Tukuy Atiyniyoj Tata Dios.

Números 11:23

Tata Diostajrí Moisesta nerqa: Atiyneyqa pisichu? Kunan rikunki nisqayta junt'asajchus manachus, chayta, nispa.

San Mateo 14:31

Jesusqa Pedrota usqhayta makinmanta aysariytawan, nerqa: Qan pisillata noqapi atinikunki. Imaraykutaj iskaychakunkiri? nispa.

San Mateo 19:26

Jesustaj paykunata qhawarispa, nerqa: Runapajqa chay mana atikunchu, Diostajrí tukuy imata ruwayta atin, nispa.

San Mateo 3:9

Amataj niychejchu: Noqaykoqa qhespichisqa kasqayku Abrahampa miraynin kasqaykurayku, nispa. Noqa sut'ita niykichej: Diosqa kay rumikunamantapis Abrahampaj wawakunata rikhurichiyta atinman.

Marcos 10:27

Jesustajrí paykunata qhawarispa, nerqa: Runapajqa chay mana atikunchu. Diospajrí atikun, imaraykuchus Dios tukuy imata ruwayta atin, nispa.

San Lucas 1:13

Chantá ángel payta nerqa: Zacarías, ama mancharikuychu. Mañakusqaykita Diosqa uyarinña. Warmiyki Elisabet wawayoj kanqa, paytataj Juan sutiwan sutichanki.

San Lucas 1:18

Zacariasrí angelta taporqa: Imaynatataj chay junt'akunanta yachasajri? Noqaqa ancha machuña kani, warmiypis payaña, nispa.

San Lucas 1:37

Chayqa ajina, imaraykuchus Diospaj mana imapis mana atikojqa kanchu, nispa.

San Lucas 8:50

Jesustajrí chayta uyarispa Jairota nerqa: Ama llakikuychu, manachayqa noqapi atinikullay, wawaykitaj kawsarenqa, nispa.

Romanos 4:21

Abraham allinta yacharqa Dios atiyniyoj kasqanta, jinataj tukuy nisqantapis junt'ananta.

Efesios 3:20

Diosqa tukuy imata ruwayta atin, mañakusqanchejmantapis yuyasqanchejmantapis aswantaraj, noqanchejpi llank'ashan, chay jatun atiyninnejta.

Deuteronomio 30:3

chaypacha Tata Diosniykichejqa karu llajtamanta kutichimusonqachej, khuyakusonqachejtaj. Ujtawantaj maykunamanchus wijch'usorqachej, chaymanta tantamusonqachej.

Deuteronomio 7:21

Chayrayku paykunata rikuspa, ama q'ewayaychejchu, imaraykuchus may jina atiyniyoj manchachikuna Tata Diosniykichejqa qankunawan kashan.

Filipenses 3:21

Chaypachataj pay pisi kallpa wañoj ukhunchejta waj jinaman tukuchenqa, paypa may sumaj lliphipej ukhun jina kananpaj. Chaytataj ruwanqa mayqen atiyninwanchus tukuy imata chakin uraman churanqa, chaywan.

Filipenses 4:13

Tukuy imaymana rikhurimojtin, noqaqa sinch'ita sayayta atini Cristo kallpachawasqanrayku.

Hebreos 11:19

Abrahamrí churinta Diosman jaywarqa, imaraykuchus yacharqa Diosqa wañojkunata kawsarichinanpaj atiyniyoj kasqanta. Chayrayku uj niypi nisunman: Abrahamqa churin wañusqaña jina kashajtinpis, watej kawsashajta jap'ikapusqa, nispa.

Jueces 13:3

Chantá uj p'unchay Tata Diospa angelnin Manoaj warminman rikhurispa, nerqa: Qan mana wawayoj kayta atinkichu. Kunanrí wijsallikunki, jinaspataj uj qhari wawata paqarichikunki.

1 Samuel 14:6

Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.