Génesis 17:7 - DIOSPA QHELQACHISQ

⁷ Qanwan kay ruwasqay trato, jinataj qhepanejman qanmanta mirajkunawan trato ruwasqaypis wiñay wiñaypaj kanqa. Noqaqa qanpa Diosniyki wiñaypaj kasaj, jinallataj paykunajtapis.

Qheshwa Biblia DC

⁷ Kay tratota qanwan ruwasqayqa mirayniykej mirayninman ima chayanqa; noqa qampa Diosniykipuni kasaj, jinallataj paykunajtapis.

DIOSPA QHELQACHISQAN DEUTEROCANONICAL

⁷ Qanwan kay ruwasqay trato, jinataj qhepanejman qanmanta mirajkunawan trato ruwasqaypis wiñay wiñaypaj kanqa. Noqaqa qanpa Diosniyki wiñaypaj kasaj, jinallataj paykunajtapis.

Génesis 17:7 ပူးပေါင်းရင်းမြစ်များ

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Génesis 17:13

Wasiykichejpi paqarejkuna, rantisqaykichej wata runaj qhari wawanpis tukuypuni circuncidasqa kanqanku. Ajinata wiñaypaj trato ruwasqayqa ukhuykichejpi señalasqa kanqa.

Génesis 17:19

Diostajrí kuticherqa: Cheqapuni qanqa warmiyki Sarapi wawata rejsinki. Chay wawatataj “Isaac” sutiwan sutichanki. Noqataj paywan wiñaypaj tratota ruwasaj, jinallataj mirayninwanpis.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 28:13

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Génesis 6:18

Qanwantajrí uj tratota ruwasaj. Barcomanqa qan, warmiyki, jinallataj churiykikuna, chantá ñojch'aykikuna ima yaykunkichej.

Génesis 9:16

Maypachachus k'uychi phuyupi rikhurenqa chaypacha, noqa rikusaj, yuyarikusajtaj tukuy runawan, jinataj tukuy animalwan ima tratota wiñaypaj ruwasqaymanta.

2 Samuel 7:24

Qan churarqanki Israelta wiñaypaj aylluyki kananpaj, Tata Diosnin kanaykipajtaj.

1 Crónicas 16:13

Kamachin Israelpa mirayninmanta kajkuna, ajllakusqan Jacobpa wawankuna, uyariwaychej.

1 Crónicas 16:14

Paymin Tata Diosninchejqa. Tukuy kay pachata paymin kamachin.

Salmos 81:10

10 (11) Noqa Tata Diosmin Diosniyki kani, pichus Egiptomanta orqhomorqayki, chay. Simiykita kichariy, noqataj sajsakunaykikama mikhuchisqayki.

Éxodo 3:15

Chay jawa Diosqa Moisesta nillarqataj: Israelitakunata nillankitaj: Tata Dios, pichus ñawpa tataykichej Abrahampata, Isaacpata, Jacobpata ima Diosnin kajqa noqata qankunaman kachamuwan, nispa. Suteyqa wiñaypaj Tata Dios kanqa, chay sutiwantaj wiñaypa wiñayninkama rejsisqa kasaj.

Éxodo 3:6

Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

Éxodo 6:4

Chantapis, paykunawan uj tratota ruwarqani, Canaán suyuta qonaypaj. Paykunarí chay suyupi waj llajtayoj jina tiyakorqanku.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Isaías 61:8

Noqa Tata Dios justiciata munakuni. Suwayta, millay ruwayta imarí chejnikuni. Noqaqa nisqayta junt'asajpuni, ruwasqankuman jinatataj paykunaman t'inkata qosaj, paykunawantaj wiñaypaj tratota ruwasaj.

Jeremías 31:1

Tata Dios nin: Maypachachus Babiloniamanta kutimponqanku chay p'unchaypi noqa tukuy israelitakunaj Diosninku kasaj, paykunataj aylluy kanqanku, nispa.

Ezequiel 28:26

Chaypi paykuna ni imata manchachikuspa, tukuy sonqo tiyakonqanku. Wasikunata ruwakonqanku, uva sach'akunatapis churanqanku. Maypachachus Israel aylluypa qayllanpi tiyakojkunata jasut'isaj aylluyta pisipaj qhawasqankurayku chaypacha, Israel aylluy yachanqanku noqa Tata Diosninku kasqayta, nispa. Ajinata nin Tata Dios.

Levítico 11:45

Noqa Tata Dios kani, pichus Diosniykichej kanaypaj qankunata Egiptomanta orqhomorqaykichej, chay. Chayrayku qankunaqa noqapaj t'aqasqa jina kawsaychej, imajtinchus noqaqa manchay llimphumin kani, nispa.

Levítico 25:38

Noqa Tata Diosmin Diosniykichej kani, pichus Egiptomanta orqhomorqaykichej Canaán jallp'ata qosunaykichejpaj, Diosniykichejtaj kanaypaj, chay.

Levítico 26:12

Noqa qankunaj chawpiykichejpi purisaj. Diosniykichej kasaj, qankunataj aylluy kankichej.

Levítico 26:44

Chay tukuywanpis awqaykichejpa llajtanpi kashajtiykichejpis, mana qankunata saqerparisqaykichejchu, nitaj qhesachasqaykichejchu. Nillataj tukuchisunaykichejkama chejnikusqaykichejchu. Manallataj qankunawan ruwasqay tratotapis p'akisajchu, imaraykuchus noqamin Tata Diosniykichej kani.

Levítico 26:45

Aswanpis tratota ruwasqaymanta yuyarikusaj. Chay tratotaqa Diosninku kanaypaj ñawpa tataykichejkunawan ruwarqani, maypachachus paykunata Egiptomanta tukuy runaj rikunankuta orqhomorqani, chaypacha. Noqamin Tata Dios kani, nispa.

Levítico 26:9

Noqa qankunata qhawarisqaykichej, may jinatataj mirachisqaykichej. Qankunawan trato ruwasqaytapis junt'asajpuni.

Miqueas 7:20

Tata Dios, Jacobman imatachus nisqaykita ama qonqaychu, nitaj Abrahamta khuyakusqaykitapis, imaynatachus ñawpa tataykuman tiluspa nerqanki, ajinata.

San Mateo 22:32

Noqa Abrahampa Diosnin kani, Isaacpata, Jacobpata ima, nispa. Diosqa mana wañusqakunaj Diosninkuchu, manachayqa kawsajkunajta, nispa.

Marcos 10:14

Jesús chayta rikuspa, yachachisqankunapaj phiñakorqa, nerqataj: Wawakunata noqaman jamojta saqeychej, amataj jark'aychejchu, imaraykuchus kay wawakuna jina kajkunalla Diospa kamachiyninman yaykonqanku.

Hechos 2:39

Ajinata Dios ruwanqa, imaraykuchus pay nisqaña Santo Espirituta qankunaman qonanta, wawaykichejkunaman, tukuy karu suyukunapi kajkunamanpis, pikunatachus Dios wajyan, chaykunaman, nispa.

Romanos 9:4

Paykuna israelitakuna kanku, pikunatachus Diosqa wawankunapaj rejsikaporqa, paykunamantaj jatun kayninta rikucherqa, chaykuna. Jinallataj paykunawan tratota ruwarqa, qollarqataj kamachisqankunata, jinallataj imaynatachus payta yupaychanata yachacherqa. Chantá ashkha imakunatapis qonanta nillarqataj.

Efesios 2:2

Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

Deuteronomio 29:13

13 (12) Jinallataj Tata Diosqa nisusqanman jina, chantá ñawpa tataykichej Abrahamman, Isaacman, chantá Jacobman ima tiluspa nisqanman jina, kunan sut'inchasunkichej paypa ayllun kasqaykichejta, paytaj Diosniykichej kasqanta.

Hebreos 11:16

Chaywanpis, paykuna aswan sumaj llajtata moq'erisharqanku, mayqenchus janaj pachapi kashan, chayta. Chayrayku Diosqa paykunaj Diosninku kayta mana p'enqakunchu, imaraykuchus paykunapaj uj llajtata wakichipunña.

Hebreos 8:10

Chayrayku chay p'unchay, kay jina mosoj tratota Israel aylluwan ruwasaj, nispa Tata Dios nin: Yuyayninkuman kamachisqayta churasaj, sonqonkupitaj nisqayta qhelqasaj. Noqa Diosninku kasaj, paykunataj noqaj aylluy kanqanku.

Jueces 2:1

Uj kuti Tata Diospa angelnenqa Gilgalmanta Boquín nisqa cheqaman rispa, israelitakunata nerqa: Noqaqa Egipto suyumanta orqhomorqaykichej, jinaspataj pusamorqaykichej, ñawpa tataykichejkunaman qonayta nerqani, chay jallp'akama. Chaypacha paykunata nisqani: Mana jayk'ajpis qankunawan tratoyta p'akisajchu.