Génesis 17:17 - DIOSPA QHELQACHISQ

¹⁷ Ajinata Diospa nisqanta uyarispa, Abraham pampakama k'umuykorqa, chantá asirikuspa, sonqonpi nerqa: Pachaj watayoj runa wawayoj kayta atinmanrajchu? Saraqa jisq'on chunka watayojña kashaspapis, wawayojrajchu kanmanri? nispa.

Qheshwa Biblia DC

¹⁷ Abrahamtaj qonqoriykukorqa umanta pampaman chayachinankama, asirikorqataj, sonqompi kay jinata yuyaspa: Pachaj watasniyoj runaqa atinmanrajchu wawasniyoj kayta? Saraqa isq'on chunka watasniyojña, wawayojrajchu chanta kanman?, nispa.

DIOSPA QHELQACHISQAN DEUTEROCANONICAL

¹⁷ Ajinata Diospa nisqanta uyarispa, Abraham pampakama k'umuykorqa, chantá asirikuspa, sonqonpi nerqa: Pachaj watayoj runa wawayoj kayta atinmanrajchu? Saraqa jisq'on chunka watayojña kashaspapis, wawayojrajchu kanmanri? nispa.

Génesis 17:17 ပူးပေါင်းရင်းမြစ်များ

Génesis 17:18

Chayrayku Abrahamqa Diosta nerqa: Walej kanman nisqaykita waway Ismaelwan junt'anayki, nispa.

Génesis 17:3

Chantá Abram pampakama k'umuykorqa. Diostaj payta nillarqataj:

Génesis 18:11

Chaypacha Abrahamwan, chantá Sara warminwan ima machuña kasqanku, chantapis Sarajtaqa killa onqoynin chinkapusqaña.

Génesis 18:12

Chayrayku Saraqa sonqonpi asispa, nerqa: Qosaypis noqapis allin machuña kashayku. Jina kashaspachu wawata rejsispa kusikuyman? nispa.

Génesis 21:5

Abraham pachaj watayoj karqa wawan Isaac paqarishajtin.

Génesis 21:6

Chantá Sara sonqonpi nerqa: Dios kusiymanta asichiwarqa. Wawayoj kasqayta tukuy yachajkunapis noqawan khuska kusikonqanku.

Génesis 21:7

Pitaj Abrahamta ninman karqa paypa wawanta chuchuchinaytari? Chaywanpis chay jina machuyayninpi payman wawata rejsichiniraj, nispa.

1 Crónicas 21:16

David qhawaspa, Tata Diospa angelninta rikorqa janajwan kay pachawan tinkuypi sayashajta, espadanta jap'ispa Jerusalén llajtanejta qhawarisqa. Chantá Davidwan tukuy kurajkunawan ima qhashqa p'achata churakuspa, pampakama k'umuykorqanku.

Job 1:20

Chayta uyariytawan, Jobqa manchay llakisqa sayarispa, p'achanta llik'irakorqa, chujchantapis raphakorqa. Chantá pampakama k'umuykukuspa, Diosta yupaycharqa.

Ezequiel 1:28

Imaynatachus k'uychi phuyu chawpipi p'unchay paramojtin rikhurin, ajina lliphipirishaj muyuyninpi karqa. Tata Diospa jatun kayninpa lliphipiyninta mosqoypi jina rikusqayqa chay jina karqa. Chay jinata rikuspataj, pampakama k'umuykorqani, chaypitaj uj parlamojta uyarerqani.

Daniel (hebreo) 8:17

Chantá Gabriel qayllaykamuwarqa. Noqataj mancharispa, pampakama k'umuykorqani. Paytajrí niwarqa: Runaj churin, kayta yachay: Chay mosqoypi jina rikusqaykeqa kay pachaj tukukuyninmanta willashan, nispa.

Levítico 9:24

Chaymantataj Tata Diospa ñawpaqenmanta nina llojsimuspa, altarpi aychata, wiratawan ima q'olaykorqa. Chayta rikuspataj, tukuy israelitakuna kusikuspa qhaparerqanku, chantá pampakama k'umuykorqanku.

Números 14:5

Chantá Moiseswan, Aaronwan ima tukuy israelitakuna rikushajtinku, pampakama k'umuykorqanku.

Números 16:22

Chayta uyarispa, Moiseswan, Aaronwan pampakama k'umuykuspa, nerqanku: Diosniyku, tukuy runaman kawsayta qoj, uj runa juchallisqanraykuchu kay tukuy runaj contrankuta phiñakunki? nispa.

Números 16:45

45 (17.10) T'aqakuychej chay runakunaj chawpinkumanta, noqataj uj ñawi ch'irmiypi paykunata chinkarparichisaj, nispa. Jinapis Moiseswan Aaronwan ima qonqorikuspa, pampakama k'umuykukorqanku.

San Mateo 2:11

Wasiman yaykuspataj, wawata, María mamantawan rikorqanku, qonqoriykukuspataj, wawata yupaycharqanku. Chantá, q'epinkumanta imatachus apamusqankuta orqhospa qorita, inciensota, mirratawan ima jaywarqanku.

San Lucas 1:18

Zacariasrí angelta taporqa: Imaynatataj chay junt'akunanta yachasajri? Noqaqa ancha machuña kani, warmiypis payaña, nispa.

San Juan 8:56

Ñawpa tataykichej Abrahamtaj noqa jamunaymanta yachaspa, kusikorqa. Ajinata payqa chay p'unchayta ñawinwanpis rikushanman jina manchayta kusikorqa, nispa.

Deuteronomio 9:18

Chaymantataj Tata Diospa ñawpaqenman pampakama k'umuykukorqani. Chantá ñawpajta jina, tawa chunka p'unchayta, tawa chunka tutatawan mana mikhuspa, nitaj imatapis ujyaspa karqani. Qankuna chay jinata Tata Diospa contranta juchallispa phiñachisqaykichejmanta chayta ruwarqani.

Deuteronomio 9:25

Tata Dios qankunata wañuchinanta nisqanrayku, noqa tawa chunka p'unchayta, tawa chunka tutatawan paypa ñawpaqenpi qonqorikuspa karqani.

Josué 5:14

Chay runataj nerqa: Ni mayqenmanta, noqaqa Tata Diospa soldadonkunata kamachej jina jamuni, nispa. Chantá Josueqa pampakama k'umuykuspa, taporqa: Imatataj kunan Tata Dios kamachiyta munashawanri? nispa.

Josué 7:6

Chayta yachaytawan, Josuewan, israelitakunaj kurajninkukunawan ima sinch'i llakisqa kasqankuta rikuchispa, p'achankuta llik'ikorqanku, umankumantaj jallp'awan qhalliykukorqanku. Chantá Tata Diospa arcanpa qayllanpi pampakama k'umuykuspa, chaypi ch'isiyanankama karqanku.

Apocalipsis 11:16

Chantá chay iskay chunka tawayoj kuraj runakuna pampakama k'umuykuspa, Diosta yupaycharqanku. Paykuna Diospa ñawpaqenpi kamachinanku tiyanapi tiyasqa kasharqanku.

Apocalipsis 5:8

P'anqata jap'isqantawantaj, chay tawa kawsajkuna, chantá chay iskay chunka tawayoj kurajkuna ima Corderoj ñawpaqenpi pampakama k'umuykorqanku. Sapa ujninku arpata jap'isharqanku, chantá qorimanta copapi inciensowan junt'asqata. Copapi inciensoqa Diospa ajllakusqanpa mañakusqankuwan ninakorqa.

Jueces 13:20

Altarmanta pataman nina oqharikojtinkama, Tata Diospa angelnin nina lawray chawpita janaj pachaman riporqa. Chayta rikuspa, paykuna pampakama umankuta chayachinankukama k'umuykorqanku.