Génesis 17:16 - DIOSPA QHELQACHISQ

¹⁶ Noqataj paytapis saminchasaj, jinataj paypipuni wawayki kanqa. Arí, payta saminchasaj, Saraj mirayninmantataj suyukuna rikhurenqanku, kuraj kamachejkuna ima, nispa.

Qheshwa Biblia DC

¹⁶ Noqa bendicisqayki, uj wawatataj qosqayki paynejta. Arí, bendicisqayki. Pay kanqa ashkha nacionespa maman, paypa mirayninmanta kanqanku llajtaspa reyesnin.

DIOSPA QHELQACHISQAN DEUTEROCANONICAL

¹⁶ Noqataj paytapis saminchasaj, jinataj paypipuni wawayki kanqa. Arí, payta saminchasaj, Saraj mirayninmantataj suyukuna rikhurenqanku, kuraj kamachejkuna ima, nispa.

Génesis 17:16 ပူးပေါင်းရင်းမြစ်များ

Génesis 1:28

Chantá paykunata saminchaspa, nerqa: Ashkhata miraychej, kay pachamantaj junt'aychej. Kamachiyniykichej uraman churaychej, makiykichejpitaj jap'iychej mama qochapi kaj challwakunata, phawajkunata, jallp'a patapi qhatatakuspa purejkunatapis, nispa. Ajinata Dios nerqa.

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Génesis 15:4

Tata Diostajrí kuticherqa: Chayaqetaqa mana kamachiykichu jap'enqa, manachayqa wawaykipuni, nispa.

Génesis 17:15

Chantá Diosqa Abrahamta nillarqataj: Saraí warmiykipis manallataj ajina sutiyojchu kanqa. Manachayqa kunanmantapacha “Sara” sutin kanqa.

Génesis 17:19

Diostajrí kuticherqa: Cheqapuni qanqa warmiyki Sarapi wawata rejsinki. Chay wawatataj “Isaac” sutiwan sutichanki. Noqataj paywan wiñaypaj tratota ruwasaj, jinallataj mirayninwanpis.

Génesis 17:6

Mirayniykeqa may chhikapuni kanqanku. Suyukuna, chantá kuraj kamachejkuna ima qanmanta rikhurenqanku.

Génesis 21:1

Tata Diosqa Saraman imatachus nisqanta junt'arqa.

Génesis 24:60

Kacharpayapushaspataj, Rebecaj ayllunmanta kajkuna ajinata nispa, samincharqanku: Panayku, ashkha wawaj mamanku kay. Mirayniykimanta kajkunataj awqankukunata atipachunku, nispa.

Génesis 25:23

Tata Diostaj nerqa: Wijsaykipi kaj wawakunaqa iskay suyuta jatarichenqanku. Wijsallaykipiraj iskay ayllu t'aqanasqa kashanku. Ujnin kajqa ujninmanta aswan atiyniyoj kanqa, kuraj kajtaj sullk'anpa kamachin kanqa, nispa.

Génesis 35:11

Chantá Dios Jacobta nillarqataj: Noqaqa Tukuy Atiyniyoj Dios kani. Mirayniyki ashkha kachunku. Qanmanta ashkha runayoj suyukuna rikhurenqanku, jinallataj mirayniykimanta kuraj kamachejkuna sayarenqanku.

Génesis 36:31

Edom suyupi kuraj kamachejkuna kaykuna karqanku. Paykunaqa manaraj israelitakuna kuraj kamachejniyoj kashajtinku kamacherqanku.

Isaías 49:23

Kuraj kamachejkuna uywaqeykikuna kanqanku, qoyakunapis ñuñuchisojkuna kanqanku. Paykunaqa pampakama ñawpaqeykipi k'umuykukonqanku. Chakiykipi jallp'a kajtapis qallunkuwan llajwanqanku. Ajinapi qan yachanki noqa Tata Dios kasqayta. Pikunachus noqapi atinikojkunaqa mana jayk'ajpis p'enqachisqachu kanqanku.

Romanos 9:9

Chayqa ajina, imajtinchus Dios nisqa: Kunanta jina kutimusaj, chaypachataj warmiyki qhari wawayoj kanqa, nispa.

Gálatas 4:23

Wata runa warminpi kajqa runaj munasqanman jina paqarerqa. Warminpi kajtajrí Diospa nisqanman jina paqarerqa.

1 Pedro 3:6

Sarapis qosan Abrahamta kasuspa, nej: Wiraqochíy, nispa. Sichus qankuna mana manchachikuspa allin kajta ruwankichej chayqa, cheqatapuni Saraj ususinkuna kasqaykichejmanta yachayta qoshankichej.