Génesis 17:13 - DIOSPA QHELQACHISQ

¹³ Wasiykichejpi paqarejkuna, rantisqaykichej wata runaj qhari wawanpis tukuypuni circuncidasqa kanqanku. Ajinata wiñaypaj trato ruwasqayqa ukhuykichejpi señalasqa kanqa.

Qheshwa Biblia DC

¹³ Ajinata circuncidasqas kachunku wasiykichejpi nacekojkuna, rantisqasniykichejpa wawasninkupis. Ajinata aychaykichejpi yachakonqa, tukuy kausayniykichejpi chay señalnejta noqa qankunawan wiñaypaj sumaj tratota ruwasqay,

DIOSPA QHELQACHISQAN DEUTEROCANONICAL

¹³ Wasiykichejpi paqarejkuna, rantisqaykichej wata runaj qhari wawanpis tukuypuni circuncidasqa kanqanku. Ajinata wiñaypaj trato ruwasqayqa ukhuykichejpi señalasqa kanqa.

Génesis 17:13 ပူးပေါင်းရင်းမြစ်များ

Génesis 14:14

Abramrí sobrinon preso kasqanta yachaspa, wasinpi paqarej kamachinkunata tantarqa. Tukuyninpi 318 qharikuna karqanku. Chantá Abramwan, kamachinkunawan ima tawantin kuraj kamachejkunata Dan llajtakama qhatiykorqanku.

Génesis 15:3

Chantá Abram nillarqataj: Tata Dios, mana wawata qowankichu. Chayrayku tukuy imay kajtapis wasiypi paqarej kamachillaychá chayaqeta jap'enqa ari, nispa.

Génesis 17:7

Qanwan kay ruwasqay trato, jinataj qhepanejman qanmanta mirajkunawan trato ruwasqaypis wiñay wiñaypaj kanqa. Noqaqa qanpa Diosniyki wiñaypaj kasaj, jinallataj paykunajtapis.

Génesis 37:27

Wañuchinanchejtaqa, ismaelitakunaman vendeykuna, imaraykuchus Joseqa wawqenchej, yawarninchejtaj, nispa. Wawqenkunataj nisqan allin kasqanta nerqanku.

Génesis 37:36

Chaykamatajrí Madián llajtayoj qhatojkuna Egiptoman chayaspa, Joseta Potifar sutiyojman vendeykorqanku. Potifarqa Egipto suyuta kuraj kamachej faraonpa yanapajnin karqa, faraonta qhawaj soldadokunaj capitannin.

Génesis 39:1

Ismaelitakunaqa Joseta Egiptoman aparqanku. Chaypitaj Egipto llajtayoj Potifar payta rantikorqa. Potifarqa Egipto suyuta kuraj kamachejpata yanapajnin karqa, payta qhawaj soldadokunaj capitanninku.

Génesis 9:16

Maypachachus k'uychi phuyupi rikhurenqa chaypacha, noqa rikusaj, yuyarikusajtaj tukuy runawan, jinataj tukuy animalwan ima tratota wiñaypaj ruwasqaymanta.

Nehemías 5:5

Noqaykupis paykunapis uj ayllullamanta kayku. Wawaykukunapis paykunaj wawankukuna jinallataj kanku. Chaywanpis noqaykoqa wawaykuta, ususiykukunata wata runata jina vendeykuña. Ñapis ususiykukunamanta wakinkuna wata runaña kanku, noqaykutaj mana imatapis ruwayta atiykuchu paykunata kacharichinaykupaj, imaraykuchus jallp'aykupis, huertaykupis wajkunajtaña, nispa.

Nehemías 5:8

Tukuy tantasqa kashajtinku, paykunata nerqani: Tukuyninchej atisqanchejman jinaqa kallpakushanchej pagaspa llajta masinchej judiokunata kacharichinanchejpaj, pikunachus waj suyukunamanta kajkunaman wata runapaj vendesqa karqanku, chaykunata. Kunantajrí qankunaqa watej paykunata wata runapaj vendeshankichej. Ujtawanchu pagaspa paykunata kacharichisqayku? nispa. Paykunatajrí ch'inpacha qhepakorqanku, manataj imatapis kutichiyta aterqankuchu.

Éxodo 12:44

Rantikusqayki wata runakunarí mikhuyta atenqanku, sichus circuncidasqa karqanku chayqa.

Éxodo 21:16

Sichus pipis runa masinta suwaspa vendenman, chayrí sichus suwasqa runa makillanpiraj kashanman chayqa, chay runa suwa wañuchisqa kanqa.

Éxodo 21:2

Sichus israelita masiykita wata runata jina rantikunki chayqa, sojta watata makiykipi kanqa. Qanchis kaj watapitaj mana mashkhatapis pagachikuspa, kacharipunki.

Éxodo 21:4

Sichus patronnin wata runanta casaracherqa chayqa, chay warmipitaj qhari wawankuna, warmi wawankuna ima kanman karqa chayqa, warmin, jinataj wawankunawan patronninpata kanqanku. Wata runatajrí sapallan llojsiponqa.

Levítico 22:11

Sichus sacerdote uj wata runata rantikunman chayqa, chay runa Tata Diosman jaywasqamanta mikhuyta atenqa. Jinallataj wasinpi paqarej wata runapis Diospaj t'aqasqamanta mikhuyta atillanqataj.

San Mateo 18:25

Chay kamachi mana imaynapi manunta junt'ayta atejtin, kuraj kamachejqa kamachisqa paywan, warminwan, wawankunawan, tukuy kapuyninwan ima vendesqa kananta, ajinamanta, manunta junt'ananpaj.