Génesis 16:3 - DIOSPA QHELQACHISQ

³ Chantá Saraiqa Egipto llajtayoj kamachin Agarta wajyaspa, Abramman qorqa ujnin warmin kananpaj. Chaykama Canaán suyupi chunka watataña tiyakusharqanku.

Qheshwa Biblia DC

³ Abramtaj, yasta nerqa warminta. Saraitaj egipcia Agar kamachinta wajyaspa Abramman entregarqa. Chaypacha Canaán jallp'api chunka watataña tiyakorqanku.

DIOSPA QHELQACHISQAN DEUTEROCANONICAL

³ Chantá Saraiqa Egipto llajtayoj kamachin Agarta wajyaspa, Abramman qorqa ujnin warmin kananpaj. Chaykama Canaán suyupi chunka watataña tiyakusharqanku.

Génesis 16:3 ပူးပေါင်းရင်းမြစ်များ

Génesis 16:16

Abramqa pusaj chunka sojtayoj watayoj karqa Agar churin Ismaelta paqarikushajtin.

Génesis 16:4

Abramqa Agarwan puñuykorqa, paytaj onqoj rikhurerqa. Onqoj kashasqanta yachakuspataj, Agarqa Saraita pisipaj qhawayta qallarerqa.

Génesis 16:5

Jinapi Saraiqa Abramta nerqa: Agar pisipaj qhawanawanpajqa qanmin juchayoj kanki. Noqaqa payta qanman jaywarqayki warmiyki kananpaj. Kunantajrí wawayoj kananta yachaspa, noqamanta aswan kasqanta yuyakushan. Chayrayku Tata Dios nichun, qanchus chayrí noqachus juchayoj kasqanchejta, nispa.

Génesis 21:21

Paytaj Parán nisqa ch'innejpi tiyakorqa, aswan qhepanejmantaj maman payta Egipto llajtayoj warmiwan casaracherqa.

Génesis 25:6

Chay ujnin warminkunapi wawankunamanrí ashkhata waqerqa. Jinataj Abraham manaraj wañupushaspa, waj warminkunapi churinkunata Isaacmanta karuncharqa, inti llojsimuynejman kachapuspa.

Génesis 28:9

Chayrayku Esauqa Abrahampa churin Ismaelpaman rispa, ususin Majalatwan warmichakorqa. Majalatqa Nebayotpa panan karqa. Esaú Canaán llajtamanta iskay warmiyoj kashaspapis, Majalatta warminpaj oqharikullarqataj.

Génesis 30:4

Ajinata Raquelqa qosan Jacobman kamachin Bilata ujnin warmin kananpaj qorqa. Jacobtaj paywan puñuykorqa.

Génesis 30:9

Leapis manaña wawayoj kayta atispa, kamachin Zilpata ujnin warmin kananpaj Jacobman qorqa.

Génesis 32:22

22 (23) Chay ch'isi Jacob rijch'ariytawan, iskaynin warminkunata, iskaynin warmi kamachinkunata, chantá chunka ujniyoj wawankunatawan pusariykukuspa, Jaboc nisqa wayq'ota chimpacherqa.

Génesis 35:22

Uj kutirí chaynejpi Israel tiyakushajtin, kuraj kaj churin Rubén Bilawan puñuykorqa. Bilaqa tatanpa ujnin warmin karqa. Jacobtaj chayta yachaspa, maytapuni phiñakorqa. Jacobpata churinkuna chunka iskayniyoj karqanku.

2 Samuel 5:13

Hebronmanta Jerusalenman jampusqanmantaña, Davidqa ashkha warmiwan casarakullarqataj, jinallataj waj warminkunapis kallarqankutaj. Chay warmikunapitaj astawan churinkuna jinataj ususinkunapis kallarqankutaj.

1 Reyes 11:3

Tukuyninpi warminkunaqa 700 karqanku, waj warminkunataj 300. Chay warminkunataj paypa sonqonta Tata Diosmanta karunchacherqanku.

Gálatas 4:25

Agarqa Sinaí orqowan ninakun, Arabiapi kashan, chaywan. Chay orqotaj ninakullantaj kay tiempomanta Jerusalenwan, imaraykuchus Jerusalenqa, wawankuna ima kamachisqakunaj wata runan kanku.