Génesis 16:2 - DIOSPA QHELQACHISQ

² Chantá Saraiqa Abramta nerqa: Yachanki jina, Tata Dios wawa rejsinayta mana munasqanta. Chayrayku kamachiy Agarwan puñuykuy ari. Ichapis paynejta wawayoj kayta atiyman, nispa. Abramtaj warminpa nisqanta kasorqa.

Qheshwa Biblia DC

² Chaymanta Saraiqa Abramman nerqa: Qhawariy, Señorqa mana wawata qowanchu, mañaykitaj kamachiy Agarwan kanaykita, jinamanta ichapis wawasniy kanqa paynejta.

DIOSPA QHELQACHISQAN DEUTEROCANONICAL

² Chantá Saraiqa Abramta nerqa: Yachanki jina, Tata Dios wawa rejsinayta mana munasqanta. Chayrayku kamachiy Agarwan puñuykuy ari. Ichapis paynejta wawayoj kayta atiyman, nispa. Abramtaj warminpa nisqanta kasorqa.

Génesis 16:2 ပူးပေါင်းရင်းမြစ်များ

Génesis 11:30

Sarairí mana wijsallikuyta atisqanrayku mana wawata rejsej karqa.

Génesis 17:16

Noqataj paytapis saminchasaj, jinataj paypipuni wawayki kanqa. Arí, payta saminchasaj, Saraj mirayninmantataj suyukuna rikhurenqanku, kuraj kamachejkuna ima, nispa.

Génesis 18:10

Chantá paykunamanta ujnin nerqa: Wataman kunanta jina kutimuspa, watukusqayki, chaypajtaj warmiyki Sara wawayojña kanqa, nispa. Saratajrí Abrahampa wasanmanta toldo punkumanta parlasqankuta uyarisharqa.

Génesis 19:31

Uj kuti Lotpa kuraj kaj ususin sullk'anta nerqa: Tatanchejqa machuña, manataj kay cheqanejpi qhari kanchu ujkuna jina casarakunanchejpaj.

Génesis 20:18

Chayta Tata Dios ruwarqa, imajtinchus Abrahampa warmin Sararayku Dios nisqa Abimelecpa ayllunpi kaj warmikuna mana wawayoj kanankuta.

Génesis 25:21

Rebeca mana wawayoj kayta atisqanrayku, Isaacqa warminrayku Tata Diosmanta mañaporqa. Tata Diostaj mañakusqanta uyarerqa. Jinamanta Rebecaqa onqoj rikhurerqa.

Génesis 3:12

Qharitaj kuticherqa: Yanapanawanpaj qowasqayki warmi chay sach'aj poqoyninmanta qowarqa, noqataj mikhorqani, nispa.

Génesis 3:17

Chantá Tata Dios qharitañataj nerqa: Warmiykita kasuspa, mana mikhunaykita nerqayki chay sach'aj poqoyninmanta mikhusqaykirayku, kunanqa jallp'a maldicisqa kanqa. Chayrayku kawsanaykikama sayk'uy sayk'uyta llank'aspa mikhunki.

Génesis 30:22

Chantá Diosqa Raquelmanta yuyarikorqa, mañakusqanta uyarispataj, nerqa wawayoj kananta.

Génesis 30:6

Chantá Raquel nerqa: Kay wawaj sutenqa “Dan” kanqa, imajtinchus Tata Dios mañakusqayta uyarispa, uj wawata qowan. Ajinata ruwaspa, justiciata ruwawan, nispa.

Salmos 127:3

Wawakunaqa Tata Diospa qosqanmin kanku, warmimanta paqarejtaj may munasqa t'inka.

Éxodo 21:4

Sichus patronnin wata runanta casaracherqa chayqa, chay warmipitaj qhari wawankuna, warmi wawankuna ima kanman karqa chayqa, warmin, jinataj wawankunawan patronninpata kanqanku. Wata runatajrí sapallan llojsiponqa.

Rut 4:11

Chantá tukuy chaypi kajkuna, kurajkuna ima kuticherqanku: Arí, testigo kayku. Piwanchus casarakunki, chay warmita Tata Dios yanapachun Raquel jina, Lea jinataj may ashkha mirayniyoj kananpaj. Tukuyninchej paykunaj mirayninku kanchej. Tata Diosqa munachun qanpis sumaj rejsisqa runa kay Efrata cheqapi kanaykita, jinallataj Belén llajtapipis.