Génesis 15:18 - DIOSPA QHELQACHISQ

¹⁸ Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Qheshwa Biblia DC

¹⁸ Chay kikimpacha Señorqa uj tratota Abramwan ruwarqa, nispa: Mirayniykiman qosaj kay jallp'ata. Chaytaj kanqa Egipto mayumanta, Eufrates jatun mayukama.

DIOSPA QHELQACHISQAN DEUTEROCANONICAL

¹⁸ Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Génesis 15:18 ပူးပေါင်းရင်းမြစ်များ

Génesis 12:7

Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Génesis 13:15

Noqaqa tukuy rikusqayki jallp'ata qosqayki. Chay jallp'ataj qanpaj, jinataj mirayniykipajpis wiñaypaj kanqa.

Génesis 2:14

Kinsa kaj mayoj sutintaj Tigris karqa, chaytaj Asiriaj inti llojsimuyninnejta muyuykushan. Tawa kaj mayoj sutintaj Éufrates karqa.

Génesis 24:7

Janaj pachapi kaj Tata Dios llajtaymanta, tataypa wasinmanta ima orqhomuwaspa, tiluwarqa: Kay jallp'ata mirayniykiman qosaj, nispa. Chayrayku paymin angelninta ñawpaqeykita kachanqa, churiypaj warmita pusamuyta yanapasunanpaj.

Génesis 26:4

Janajpi ch'askakunata jinapuni aylluykita mirachisaj, jinaspataj, paykunaman kay jallp'ata qosaj. Chantá kay pachapi tukuy suyupi tiyakojkunapis mirayniykinejta saminchasqallataj kanqanku.

Génesis 28:4

Tata Dios Abrahamta saminchasqanta qanman, chantá mirayniykiman ima qosuchun. Ajinamanta maypichus waj llajtayoj jina tiyakushanchej, kay jallp'amanta dueño kanki, mayqentachus Dios Abrahamman qonanta nerqa, chaymanta nispa.

Génesis 35:12

Noqaqa Abrahamman, Isaacmanwan qosqay jallp'ata qanman qollaykitaj. Jinataj mirayniykimanpis chay jallp'ata qosaj, nispa.

Génesis 50:24

Uj kuti Joseqa wawqenkunata nerqa: Noqaqa wañupusajña. Diostajrí qankunata yanapaspa, kay jallp'amanta orqhosonqachej. Chaymantataj, ima jallp'atachus Abrahamman, Isaacman, Jacobman ima tiluspa, qonanta nerqa, chay jallp'aman pusasonqachej, nispa.

2 Samuel 23:5

Chayrayku mirayneyqa Diospi sinch'i sayasqa kashan. Paymin noqawan wiñaypaj tratota ruwan, sumaj cheqan ruwasqata, sumaj sayachisqatataj. Payqa yanapallawanqapuni, tukuy imatachus munasqaytataj ruwanqapuni.

2 Samuel 8:3

Davidqa atipallarqataj Hadad Ezerta. Pay karqa Rejobpa churin, Soba suyoj kuraj kamachejnin. Davidqa Hadad Ezerta atiparqa Éufrates mayu chaynejman, jallp'anta watej jap'ikapoj rishajtin.

1 Reyes 4:21

21 (5.1)Salomontaj tukuynin waj suyukunatapis kamachillarqataj Éufrates mayumantapacha filisteokunaj suyunkukama. Mojonninkunapis Egipto chaykama karqa. Payman impuestota pagarqanku, kuraj kamachej Salomón kawsanankama kamachinpi karqanku.

1 Reyes 5:1

1 (15) Tiromanta kuraj kamachej Jiranqa Davidpa churin Salomón kuraj kamachej jina churasqa kasqanta yachaspa, kamachinkunata kacharqa Salomonpa tatan Davidwan k'achatapuni kawsakusqanrayku.

1 Crónicas 16:16

Abrahamwan trato ruwasqanta mana qonqanqachu, Isaacman tilusqantapis nillataj qonqaponqachu.

1 Crónicas 5:9

Inti llojsimuynejmantaj Éufrates mayumantapacha qallarispa, ch'inman yaykunakama tiyakullarqataj, Galaadpi uywankunaqa maytapuni mirasqanrayku.

2 Crónicas 7:8

Chay kutipeqa Salomonwan tukuy israelitakunapiwan qanchis p'unchayta may jatun raymita ruwarqanku. Israelitakuna chay jatun raymiman, Jamat llajta yaykuna q'asamanta Egipto wayq'onejmantapacha jamorqanku.

2 Crónicas 8:7

Israel suyupi qhepakojkunaqa karqanku: Jeteokuna, amorreokuna, heveokuna, ferezeokuna, jebuseokuna ima. Paykunataj mana israelitakunachu karqanku.

2 Crónicas 9:26

Salomonqa tukuy kuraj kamachejkunata kamacherqa Éufrates mayumantapacha filisteokunaj suyunkukama, Egipto suyoj mojonninkama.

Esdras 4:20

Jerusalenpi ñawpa kuraj kamachejkunaqa atiyniyoj kasqanku, jinataj Éufrates mayoj inti yaykuynej ladopi kaj llajtakunata wakin kuti kamachisqanku, pagachikuspa impuestokunata, ñan pichaypaj qolqeta ima.

Nehemías 9:8

Repararqanki payqa qanpi atinikoj runa kasqanta, jinataj paywan uj tratota ruwarqanki. Nerqankitaj payman jinataj mirayninman uj jallp'ata qonaykita, maypichus cananeokuna, jititakuna, amorreokuna, ferezeokuna, jebuseokuna, gergeseokuna ima tiyakusharqanku, chay jallp'ata. Chay nisqaykitataj junt'arqanki, imaraykuchus qanqa nisqaykita junt'ajmin kanki.

Salmos 105:11

Chaypacha Tata Dios nerqa: Chayaqeyki kananpaj Canaán jallp'ata qosqayki, nispa.

Éxodo 13:11

Maypachachus Tata Dios ñawpa tataykichejkunaman, jinataj qankunamanpis tiluspa nisqanta junt'anqa chaypacha, qankuna kayta ruwankichej. Maypichus cananeokuna kunan tiyakushanku, chay jallp'ata qankunaman qosojtiykichej,

Éxodo 2:24

Chantá israelitakunaj ayqospa qhaparikusqankuta uyarispa, Dios yuyarikorqa Abrahamwan, Isaacwan, Jacobwan ima tratota ruwasqanmanta.

Éxodo 23:23

Angelniy ñawpaqeykichejta rispa, amorreoj suyunman pusaykusonqachej, jinallataj jeteoj suyunman, ferezeojpaman, cananeojpaman, heveojpaman, jebuseojpaman ima pusaykullasonqachejtaj. Noqa paykunata ni uj puchuyojta chinkachisaj.

Éxodo 3:8

Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Éxodo 32:13

Kamachiyki Abrahamman, Isaacman, Israelman ima sutiykirayku tiluspa, nisqaykimanta yuyarikuy. Qan paykunata nerqanki: Noqa janajpi ch'askakunata jinapuni mirachisqaykichej, nisqayman jinataj wiñaypaj qankunaman kay jallp'ata qosqaykichej, nispa.

Éxodo 34:11

Kunan kamachisusqayta junt'aychej, noqataj ñawpaqeykichejmanta amorreokunata, cananeokunata, jititakunata, ferezeokunata, heveokunata, jebuseokunatawan ima qharqosaj.

Éxodo 34:24

Noqataj ñawpaqeykichejmanta waj suyukunapi tiyakojkunata qharqosaj, jallp'aykichejtataj astawan jatunyachisaj. Chayrayku watapi kinsa kutita Tata Diosniykichejta yupaychaj jamunaykichejkamaqa, mana pipis jallp'aykichejta qhechuyta munaspa yaykumonqachu.

Éxodo 6:4

Chantapis, paykunawan uj tratota ruwarqani, Canaán suyuta qonaypaj. Paykunarí chay suyupi waj llajtayoj jina tiyakorqanku.

Éxodo 6:8

Chantá mayqen jallp'atachus Abrahamman, Isaacman, Jacobman ima tiluspa qonayta nerqani, chay jallp'aman noqa pusasqaykichej. Chay jallp'atataj qankunaman qopusqaykichej. Noqamin Tata Dios kani, nispa.

Isaías 27:12

Chay p'unchaypi Tata Dios erapi trigota jina trillanqa, Éufrates mayumantapacha Egipto mayukama. Chantá Israelpa miraynin kajkunata ujmanta uj pallaspa, tantanqa.

Isaías 55:3

Noqaman qayllamuwaychej, ninriykichejta kicharispa. Sumajta uyariwaychej, kawsaytataj tarinkichej. Qankunawan wiñaypaj uj tratota ruwasaj, imatachus munakusqay Davidman nerqani, chayta junt'aspa.

Jeremías 32:22

Israel aylluykiman, maypichus lechewan, abeja misk'iwan yaku jina puririshan, chay jallp'ata qorqanki, ñawpa tatankuman nisqaykiman jina.

Jeremías 32:40

Jinallataj paykunawan uj tratota wiñaypaj ruwasaj: Noqa paykunawan tukuy tiempo kasaj, yanapasajtaj. Chantá paykunaman noqata may jatun respetowan qhawanawankuta yachachisaj, ama noqamanta karunchakunawankupaj.

Levítico 26:42

Chantá noqaqa Jacobwan, Isaacwan, Abrahamwan ima tratota ruwasqaymanta yuyarikusaj, yuyarikullasajtaj suyuykichejmantapis.

Levítico 26:45

Aswanpis tratota ruwasqaymanta yuyarikusaj. Chay tratotaqa Diosninku kanaypaj ñawpa tataykichejkunawan ruwarqani, maypachachus paykunata Egiptomanta tukuy runaj rikunankuta orqhomorqani, chaypacha. Noqamin Tata Dios kani, nispa.

Números 34:5

Asmonmantataj Egiptopi wayq'okama renqa, chaymantataj Jatun Mama Qochawan tinkonqa.

Hechos 7:5

Diosqa kay cheqapi mana Abrahamman chayaqeta jina qorqachu ni chaki sarunan chhikallantapis. Chaywanpis Diosqa kay cheqata Abrahammanpuni qonanta nerqa paypata kananpaj, wañupojtinpis mirayninpaj qhepakunanpaj. Chayta Dios nishajtintaj, manaraj Abrahampata ni uj wawanpis karqachu.

Deuteronomio 11:24

Maymanchá chakiykichej saruykonqa, chay jallp'a qankunajta kanqa. Suyuykichejpa mojonnenqa ch'innejmantapacha Libanokama, Éufrates mayumantataj Jatun Mama Qochakama kanqa.

Deuteronomio 12:20

Tata Diosniykichej nisqanman jina, jallp'aykichejta jatunyachejtin, sichus aychata mikhuyta munankichej chayqa, munasqaykichejta mikhuyta atillankichej.

Deuteronomio 19:8

Sichus Tata Diosniykichej, ñawpa tataykichejman nisqanman jina, jallp'aykichejta jatunyachispa tukuynin jallp'ata qosunkichejman chayqa,

Deuteronomio 34:4

Chantá Tata Diosqa Moisesta nerqa: Abrahamman, Isaacman, Jacobman, chantá mirayninman ima tiluspa qonayta nerqani, chay suyoqa kaymin. Noqa chay jallp'ata qan kikin ñawiykiwan rikunaykita munarqani. Chaywanpis mana chaymanqa yaykunkichu, nispa.

Deuteronomio 7:1

Maypachachus Tata Diosniykichej, jap'inaykichej kashan, chay jallp'aman pusasonqachej chaypachaqa, ñawpaqeykichejmanta qanchis suyukunapi tiyakojkunata wijch'onqa. Chay suyukunapi tiyakojkunaqa qankunamanta aswan ashkha, chantá aswan kallpayoj kanku. Chaykunaqa kanku: Jititakuna, gergeseokuna, amorreokuna, cananeokuna, ferezeokuna, jivitakuna, chantá jebuseokuna ima.

Hebreos 13:20

Sonqo tiyaykusqa kawsakuyta qoj Diosqa ovejakunaj jatun Michejnin Jesucristota wañusqamanta kawsaricherqa, jinataj paypa yawar jich'asqanwan noqanchejwan wiñaypaj tratota ruwarqa.

Josué 13:3

Sijor wayq'omantapacha, Egiptomanta inti llojsimuyninnejpi, Ecronwan mojonkama. Chayqa cananeokunaj jallp'anku kashan. Cananeokunaj jap'iyninpi phishqa kuraj kamachejkuna kanku, paykunaqa Gazapi, Asdodpi, Ascalonpi, Gatpi, Ecronpi ima tiyakunku. Jinallataj aveokunaj jallp'anku jap'inaraj kashallantaj.

Josué 15:4

Chaymanta mojonnenqa Asmón llajtakama karqa, chaymantataj Egipto mayuman llojserqa, Jatun Mama Qochapitaj tukukorqa. Uranejman mojonqa chay karqa.

Apocalipsis 9:14

Chantá chay parlamojqa sojta kaj angelman, pichus trompetanta jap'isharqa, chayman nerqa: Éufrates jatun mayu qayllapi watasqa kashanku, chay tawa angelkunata phaskaramuy, nispa.